Guinea Equatorial

Da Wikipedia, l'ençiclopedia libara.
Va a: navigasion, serca


Guinea Equatorial
Guinea Equatorial - Bandiera
Guinea Equatorial - Stemma
Motto: Unità, Pace, Giustizia

LocationEquatorialGuinea.svg


Informasion
Nome par intiero: Guinea Equatorial
Nome ufisiałe: (ES) República de Guinea Ecuatorial
(FR) République de la Guinée Équatoriale
(PT) República da Guiné Equatorial
Łéngoa uficiałe: spagnoło, francexe, portoghexe.
Cavedal: Malabo  (38 000 ab.)
Polìtega
Governo: Republica
Capo de stato: Teodoro Obiang Nguema Mbasogo
Capo de governo: Miguel Abia Biteo Borico
Indipendensa: da ła Spagna, 12 de otobre 1968
Ingreso a l'ONU: 12 de novenbre 1968
Area
Totale: 28 051 km²
Pos. nel mondo: 141°
 % delle acque: trascurabile %
Popolasion
Totałe: 523 051 ab.  (2004)
Pos. nel mondo: 159°
Densità: 18,6 ab./km²
Giografia
Continente: Africa
Fuxo oràrio: UTC +1
Economia
Vałuta: franco CFA
Energia:
Varie
TLD: .gq
Prefiso tełef.: +240
Sigla autom.: GQ
Ino nasionałe: Caminemos pisando las sendas
Festa nasionałe:

Equatorial Guinea-CIA WFB Map.png

La Guinea Equatorial[1] xe na republica de l’Africa sentral a caval de l’equator. El paexe ze composto de una region continental (Rio Muni) e da le isole de Bioko [2], e Annobon, int'el Golfo de el Biafra pi' a ovest.
Rio Muni el confina col Camerun a nord, el Gabon a sudest, e el xe bagnà da l’Oseano Atlantico a ovest. I stati pi' visini a Bioko li xe el Camerun a nordest, la Nigeria a nordovest e São Tomé e Príncipe a sudovest. A nordest de Annobon se cata São Tomé e Príncipe.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia de la Guinea Equatorial.

Antighità[canbia | canbia sorxente]

I primi abitanti de la region xera i pigmei. Quando i bantu ghe vegnù zo dal nord, i pigmei ie scapà ne le foreste del Gabon. Ancò se cata pochi pigmei nel Rio Muni.
I bantu i gha ocupà el Rio Muni; el grupo fang ie arivà su la costa. Da queste ie nati i bubi che ga colonizà l’isola de Bioko.

I portoghesi xe rivà su l’isola de Bioko nel 1472 quando l’esplorator Fernando do Pó gha descoverto l’isola mentre chel sercava la rota par le Indie. El Portogalo gha colonizà anca Annobon e la zona costiera.

Nel 1474, el Portogalo gha cedù ste terre a la Spagna in cambio de territori ne le Meriche.
La Spagna no gha mai fato granchè fin al 1926, quando i vari teritori xe stà mesi insieme come la colonia de la Guinea Spagnola.

Indipendensa[canbia | canbia sorxente]

El 2 de otobre 1968 la Guinea Equatorial xe diventà indipendente.
El primo presidente fu Francisco Macias Nguema. Dopo n’ano al poder, el presidente gha fato arrestar tuti i membri de l’oposision. Piasse de 160 000 citadini ie scapà via, e el regno del terrore scominsiò en la Guinea.

El neodo del presidente, Teodoro Obiang Mba Nzago, gha fato un colpo de Stato nel 1979 e gha fato copar so zie par "crimini de guera".
Dopo essarse preparà na nova costitusion, el presidente Obiang sa tolto tuti i poteri esecutivi del governo. El presidente ancò pol far quel chel vol, proclama le legi chel vol lu, fa e disfa el governo, roba la majoria dei schei de lo Stato, senza che nissun posa dir niente.

Giografia politega[canbia | canbia sorxente]

La cavedal, Malabo [3] xe su la isola de Bioko.

La Guinea xe divisa in sete provincie:

Provincie de la Guinea Ecuatorial
  • Annobon
  • Bioko del nord
  • Bioko del Sud
  • Centro-Sud
  • Kié-Ntem
  • Costa
  • Wele-Nzas

Popolasion[canbia | canbia sorxente]

Etnie[canbia | canbia sorxente]

La tribù piasè granda xe i fang, un grupo bantu che gha conquistà quasi tuto el teritorio. Anco i fang xe l’ 80% de la popolasion. I fang ie divisi in 67 clan.
I bioko xe el 15%, el resto xe formà da grupi picinini (ndowe, bujeba, balengue, kombi, and benga).

Su l’isola de Annobon se cata popolasioni de l’Angola, portà da i portoghesi nel XIX secolo.

Religion[canbia | canbia sorxente]

Catolici 92%, religioni tradizionali 7%, musulmani 1%.

Economia[canbia | canbia sorxente]

La Gunea la produse cacao, legname e pexe. Nel 1997, i gha catà de i giacimenti petroliferi e el governo gha venduo i diriti de sfrutamento a de le compagnie mericane. I schei del petrolio i a fato salir le entrate de lo Stato. Ancò, el citadin medio de la Guinea guadagna 25,000 euro a l’ano. La popolasion, parò, no gha visto cambiamenti e do terzi de la xente vive soto el livel de la povertà (manco de un euro al di).

Curiosità[canbia | canbia sorxente]

Uno dei magiori opositori del ditator Obiang xe el studioso svizero Max Liniger-Goumaz. Liniger-Goumaz gha publicà tanti libri e articoli par dir la verità su la situasion en Guinea. El gha anca publicà la Bibliografia de la Guinea Equatorial, na lista de tuti i libri, articoli e altro amterial aparso su la Guinea in tuto el mondo. La Guinea Equatorial, paexe povero e con pochi ghe gha studià a l’università, l’è l’unico paexe africano a verghe na bibliografia de sto tipo.