Giografia de la Guinea Equatorial

Da Wikipedia, l'ençiclopedia libara.
Va a: navigasion, serca


La Guinea Equatorial el xe na naxion de l’Africa Sentrale so la costa oriental del continente, sol Golfo de Guinea, e rente a Camerun e Gabon. A la parte continentale del paexe, se ga da zontar le ixole de Bioko e quela de Annobon. Ghe xe anca altre ixole pi picenine: Corisco, Elobey Grande, Elobey Chico, e i ixoloti rente a lore. La cavedal Malabo la xe so l’ixola de Bioko. El toco continetal del paexe el se ciama Rio Muni.

Morfologia[canbia | canbia sorxente]

La Guinea Equatorial dal satelite

L’ixola de Bioko, ciamada Fernando Po fin al 1970, la xe l’ixola pi grande del Golfo di Guinea e la ga na superfice de 2 017 km². L’ixola la xe formà da do grandi montagne vulcaniche separade da na valeta en nel posto pi streto de l’ixola. La costa la xe ripida en tel sud, ma piata al nord do se cata i porti de Malabo e Luba.

El Rio Muni el ga n’estension de 26 003 km². So la costa se cata na pianura che la sale pian pianin co che se va a l’interno, fin a formar de le base coline. El fiume Mbini (na olta conosù come Rio Benito) el taja la region a metà.

L’ixola de Annobon, el nome se riferise al di de la so scoperta, el capodano del 1472, la ga n’estension de 18 km². La costa la xe rociosa, l’interno montagnoso.


Clima[canbia | canbia sorxente]

El clima el xe equatoriale, co tenperature alte – pi base en nel Rio Muni che so le ixole – e alta umidità (2388 mm l’ano al nord, e 4600 mm al sud). La tenperatura media la xe de 26 gradi, e la xe costante tuto l’ano.

Dati generali[canbia | canbia sorxente]

Superfice totale: 28 051 km².

Confini totali 539 km: Camerun (189 km) a nord e Gabon (350 km) a est e sud.

Linea de costa: 296 km.

Elevasioni estreme:
Punto pi baso: mar 0 m
Punto pi alto: Pico Basile 3 008 m