Giografia de la Namibia

Da Wikipedia, l'ençiclopedia libara.
Va a: navigasion, serca
Cartina de la Namibia

La giografia de la Namibia la xe caraterizà da vasti altipiani desertici sensa aqua ma co na grande varietà minerale.

La Namibia la xe na naxion de l’Africa del Sud, la xe bagnà da l’Oceano Atlantico par na longheza de 1 572 km. A nord la confina co l'Angola (par 1 376 km), a nordest co el Zanbia e el Zinbabwe (233 km), a est col Botswana (360 km) e a sud con el Sudafrica (855 km). Al confin co Zanbia e Botswana, se cata el Déo de Caprivi, na strisia de tera che la se insinua tra Angola e Botswana e la riva fin al Fiume Zanbesi. La Namibia la ga 825 418 km² de area.

Morfologia[canbia | canbia sorxente]

El teritorio de la Namibia el comprende quatro aree. Lungo la metà meridionale de la costa se cata el deserto del Namib. El deserto el va a l’interno par 100 – 130 km. Se trata de on deserto de rena co le dune le pi alte del mondo. Al sentro del paexe se cata l’altipian co n’altitudine de 1000-2000 metri. A sud ghe el fiume Orange, mentre a sud-est l’altipian el sende fin al deserto del Kalahari. A nord se cata la depresion salina de Etosha e la pianura aluvionale del Okavango.

La masima sima del paexe el xe el Königstein (2606 m). No se cata altre montagne inportanti, anca se se cata varie coline rociose monolitiche.

El sotosuolo el xe rico de minerali e piere presioxe (diamanti, oro, rame, pionbo, stagno, litio, cadmio, zinco, vanadio, ecc.). Longo la costa del Namib, i diamanti i se cata anca en superfice.

Aque[canbia | canbia sorxente]

En Namibia la piova la xe scarsa. I fiumi pereni i xe quei che i riva da altri paexi: Kunene, Okavango, Zanbexi, Kwando. I fiumi interni i xe stagionali e quasi senpre sechi.

Clima[canbia | canbia sorxente]

El clima de la Namibia el xe desertico o semi desertico.

Ligadure esterne[canbia | canbia sorxente]