Botswana
Da Wikipedia, ła ençiclopedia lìbara.
| Botswana | |||||||||
|---|---|---|---|---|---|---|---|---|---|
|
|||||||||
| Motto: Euli (Tradusion: Ca piova) | |||||||||
|
|
|||||||||
| Informasion | |||||||||
| Nome par intiero: | Republica del Botswana | ||||||||
| Nome ufisiałe: | Lefatshe la Botswana | ||||||||
| Łéngoa uficiałe: | inglexe | ||||||||
| Cavedal: | Gaborone (186.000 ab. / 2001) | ||||||||
| Polìtega | |||||||||
| Governo: | Republica | ||||||||
| Capo de stato: | Festus Mogae | ||||||||
| Capo de governo: | |||||||||
| Indipendensa: | Dal Regno Unìo ntel 1966 | ||||||||
| Ingreso a l'ONU: | 17 de otobre 1966 | ||||||||
| Area | |||||||||
| Totale: | 600.370 km² | ||||||||
| Pos. nel mondo: | 44° | ||||||||
| % delle acque: | 2,5 % | ||||||||
| Popolasion | |||||||||
| Totałe: | 1.640.115 ab. (2005) | ||||||||
| Pos. nel mondo: | 144° | ||||||||
| Densità: | 2,7 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +2 | ||||||||
| Economia | |||||||||
| Vałuta: | Pula | ||||||||
| Varie | |||||||||
| TLD: | .bw | ||||||||
| Prefiso tełef.: | +267 | ||||||||
| Sigla autom.: | RB | ||||||||
| Ino nasionałe: | Fatshe leno la rona (Tradusion: Sia benedeta sta nobiłe tera) | ||||||||
|
|
|||||||||
Ła Republica del Botswana (Lefatshe la Botswana) el xe on Stato de l’Africa del Sud.
El confina col Sudafrica a sud, ła Namibia a ovest, el Zanbia a nord e el Zimbabwe a nord-est. No 'l ga sbochi sol mare. El Botswana el gha solo un milion e mexo de abitanti. La majoria del teritorio xe deserto. La capital ła xe Gaborone (300.000 abitanti). Altre sità importanti łe xe Francistown, Maun, Molepolole.
Indice |
[modìfega] Giografia
 |
Par savérghene piesè, varda ła vóxe Giografia del Botswana. |
El Botswana el xe costituio ne la so majoria dal deserto del Kalahari. No ghe xe fiumi importanti, co ecezion del Limpopo al confin col Sudafrica e l'Okavango nel nord. L’Okavango el ga el delta 'ntel deserto e tuta l'aqua ła se perde par evaporasion. No ghe xe montagne e l'aspeto generałe el xe queło de na pianura sperdua.
[modìfega] Storia
|
Par savérghene piesè, varda ła vóxe Storia del Botswana. |
I primi abitanti del Botswana iera omeni de la civiltà de la piera. Ricatamenti archeołoxghi dimostra che ghe jera abitanti 17.000 ani prima de Cristo. I do popoli piassè antichi, i san e i khoikhoi, i desende da sti primi abitanti. I San i xe caciatori, i Khoikhoi i tende le bestie. Domila ani fa, un grupo de bantu el xe rivà da la Tanzania. I jera agricoltori e i se ga sistemà 'nte la zona del Kgalagadi, nel sud-ovest del paese. Ancò, la majoria de la xente ła xe Tswana, un grupo de pastori che i vien da la zona del fiume Vaal, in Sudafrica. I tswana i xe rivai en Botswana scapando da i zulu 'ntel secolo XIX.
La storia moderna del Botswana la xe tacà co la guera contro i boeri del Sudafrica. I boeri volea torse el Botswana (che alora se ciamava Bechuanaland). I capi de i tswana i ga ciamà i inglexi e lori i ga conquistà tuto el paese par farsene na colonia. I inglexi no gavea intension de svilupare el paese. A lori ghe interesava soltanto de far na ferovia par andar dal Sudafrica a la Rhodesia (ancò Zimbabwe). I colonialisti no i credea 'nte la posibilità de svilupare el Botswana e i no ga fato niente par aiudare la xente a vivar mejo.
El Botswana el xe divegnù indipendente el 30 setembre 1966. El primo presidente el xe stà Seretse Khama, che el jera anca el capo dei Ngwato, el clan piassè grando de i tswana. Khama el gavea fondà el Bechuana (ancò Botswana) Democratic Party – partito democratico del Botswana, che el controla el paese da l'indipendenza. El primo laoro del governo el xe stà quelo de pianificar el svilupo, ma no ghe jera schei. 'Ntel 1967, la De Beers Consolidated Mines of South Africa ła ga catà i diamanti rente a Orapa. El governo el ga permesso la costrusion de miniere, ma el ciapa el 70% de i schei. Ghe xe altre miniere de diamanti a Jwageng e altre zone del Kalahari. El Botswana ancò el xe el piassè grande produtor de diamanti del mondo. Rame, zinco, carbon e altri minerałi i costituise la majoria de le estrasioni del paese. El 50% de la richeza del paese el vien da i minerałi, e i diamanti i costituise el 89% de le esportasioni.
El Botswana el xe tra i fondatori de la Front Line States (paesi de la linea del fronte), un grupo internasional che el conbateva contro el Sudafrica de l'apartheid. El Botswana el ga anca formà la Southern African Development Community (SADC), senpre par contrastar el Sudafrica. Seretse Khama el xe morto 'ntel lujo del 1980 e Quett Masire el ga ciapà el so posto. 'Ntel 1988, Masire el ghe ga lasà el posto a Festus Mogae che el ga xà dito che el lasarà la presidenza a la fin del 2008. El prosimo presidente el sarà Ian Khama, fiol del primo presidente.
[modìfega] Società
Dopo el Swaziland, el Botswana el xe el paese african col piassà grande nùmaro de malai de AIDS. El governo el dixe che el 30% de la popolazion el xe infetà. L'aspetativa de vita ła xe cascà da 65 ani 'ntel 1990 a 38 ani de ancò.
[modìfega] Religion
La majoria de la gente ła xe cristiana (60%, i catoleghi xe el 6% de la popolazion), ma ghe xe un grupeto de musulmani (2%). El resto i segue le religioni tradisionali.
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Fransa) |  Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
