Giografia del Sudafrica

Da Wikipedia, l'ençiclopedia libara.
Va a: navigasion, serca
Imagine satelitare del Sudafrica

El Sudafrica el xè el paese pi a sud de ‘lAfrica. La costa la va dal Mozanbico a est – bagnà da l’Osèano Indian-, a la Namibia a ovest – bagnà da l’Oceano Atlantico. I do oceani i se congiunge al Cao Agulhas, chel xé anca el ponto pi a sud del continente. El Cao de Bona Speranza, a sud de Sità del Cao, nol xé el punto pi meridionale, come tanti i crede. El xé el ponto pi a sud ovest de l’Africa. El interno del paexe el xé dominà da altopiani, montagne e pochi corsi d’aqua.

Dati generali[canbia | canbia sorxente]

Posixion e area[canbia | canbia sorxente]

El Sudafrica el fa parte de l’Africa meridionale co Botswana, Lesotho, Namibia, Mozanbico, Zinbabwe e Swaziland. Il paese el gha n'area de 1 221 037 km² (quatro olte l’Italia) e el confina co Botswana (1 840 km), l'enclave de el Lesotho (909 km), el Mozanbico (491 km), la Namibia (967 km), el Swaziland (430 km) e el Zimbabwe (225 km). La costa la xé longa 2 500 km. Le xé sudafricane le ixole de el Principe Edoardo, a 2 000 km a sud de Sità del Cao.

Teritorio[canbia | canbia sorxente]

South Africa Topography.png

El territorio de el Sudafrica el xè caraterizà da na granda varietà de climi, paesagi, e ecosistemi. Se pol dividare el paexe en tre regioni: i altopiani, le montagne e la costa. I altopiani i cuerze quasi tuto el teritorio del paexe. I se divide en: - El veld la prateria che la pol esare savana (bushveld) o montana (highveld); - El Karoo, altopiano desertico.

Panorama dei Drakensberg

I altopiani centrali i xé separà da la costa da le cadene montuose de i Drakensberg (Monti del Drago) do se cata el ponto pi alto del Sudafrica (Cima Njesuthi 3.408 m) e da el Great Rift (gran spacadura). El fiume pi longo el xé l’Orange (2 200 km) e el lago pi grande el Chrissie.

Clima[canbia | canbia sorxente]

Cao Agulhas

El clima el xé vario. En prevalenza se cata on clima semi-arido, co poca piova. So la costa atlantica ghe xé on clima mediteraneo, el Karoo el xé arido, la zona del veld la ol esare arida, ma ghe anca la prateria erbosa, co piova e picoli corsi d’aqua.

Risorse naturali[canbia | canbia sorxente]

En tel Sudafrica se cata oro, carbon, manganese, nickel, stagno, uranio, diamanti, platino, gas naturale, fero, cromo, antimonio, vanadio, fosfati.