Giografia del Lesotho

Da Wikipedia, l'ençiclopedia libara.
Va a: navigasion, serca
Morfologia del Lesotho

El Lesotho el xe on paexe de l’Africa del Sud. El Lesotho el xe totalmente montagnoso (l’altitudine minima la xe de 1400 metri sul livel del mar), senza sbochi al mar, e el confina solo che col Sudafrica di cui el xe n’enclave. El Lesotho el ga n’estension de 30 355 km².

Morfologia[canbia | canbia sorxente]

Sitá de Roma, en Lesotho

El Lesotho el pol esar divixo en tri regioni giografiche:

  • le pianure, longo la riva sud del fiume Caledon, e en te la val del Senqu;
  • i altopiani rente de i monti Drakensberg e Maloti, che i cuerse quasi tuto el paexe.
  • le coline tra pianure e i altopiani.

Aque[canbia | canbia sorxente]

El Lesotho nol ga laghi de inportanza, ma el ga fiumi che i xe la risorsa naturale pi inportante del paexe. El Fiume Orange el nase da i Drakensberg e el traversa tuto el paexe prima de entrar en Sudafrica. I altri fiumi i xe el Caledon, el Malibamatso, el Matsoku e el Senqunyane. I fiumi i parmete la produsion de energia idroeletrica, che la xe venduda al Sudafrica.

Clima[canbia | canbia sorxente]

El clima el xe continetale, co tenperature invernali base (-7 °C en te le pianure e -18° C sui altipiani). D’istá, la tenperatura ne la parte pi basa del paexe la pol rivar a 30 gradi. La piova la va da 600 mm anui nei presi de la cavedal, a 1200 mm al nord. Le grandi piove le xe da otobre a aprile.

Risorse naturali[canbia | canbia sorxente]

El Lesotho nol ga grandi risorse naturali. L’aqua la xe venduda al Sudafrica. A livel minerario se cata: carbon, galena, quarso, e uranio.

Geografia politica[canbia | canbia sorxente]

Distreti del Lesotho

El Lesotho el xe divixo en 10 distreti aministrativi, tuti co la so cavedal, ciamada camptown. I distreti i xe ivixi en 80 circoscrisioni.

Distreti (in ordine alfabetico):

  1. Distreto de Berea
  2. Distreto de Butha-Buthe
  3. Distreto de Leribe
  4. Distreto de Mafeteng
  5. Distreto de Maseru
  6. Distreto de Mohale's Hoek
  7. Distreto de Mokhotlong
  8. Distreto de Qacha's Nek
  9. Distreto de Quthing
  10. Distreto de Thaba-Tseka

Dati generali[canbia | canbia sorxente]

Area totale: 30 355 km² Totale frontiere terestri: 909 km Elevasioni estreme:
Punto pi alto: Thabana Ntlenyana 3 482 m
Punto pi basso: Confluenza del fiume Orange co el fiume Makhaleng a 1 400 m