Giografia del Togo

Da Wikipedia, l'ençiclopedia libara.
Va a: navigasion, serca
Mapa del Togo


El Togo el xé ono de i paexi piassé picinini de l’Africa. El togo el se cata en te l’Africa de l’ovests e el confina co el Benin a est, el Burkina Faso a nord, el Ghana a ovest. A sud, el Togo el xé bagná da l’Oceano Atlantego en tel Golfo de Guinea. El Togo el gha n’area de 54 385 km². El paexe se pol considerarlo come do pianori de savana, divixi da na cadena de coline che le taja el paexe en do da nord-est a sud-ovest. I giografi i divide el togo in sie aree. A sud se cata le spiage sabiose longo el mar, co de le lagune. La costa la xé streta. Qi se cata anca de i laghi, el pi grande el se ciama Lago Togo. A nord de la costa se cata el pianoro de Ouatchi. El xé largo 30 km e el ga la carateristega de esar cuerto da tereni rosi, par la presenxa de fero. A nord de sto pianoro se cata n’altro pianoro traversá da i fiumi Mono e Ogou. A ovest se alsa el grupo de le montagne del Togo. La cadena la scominzia en Benin, de l’e ciama Atakora , e la continue en tel Ghana, do l’e ciama Akwimp. El ponto pi alto de stá cadena de coline el xé el monte Agou de 986 metri. A nord de le coline ghe xé un pianoro sabioso traversá dal fiume Oti. A nord se cata l’utima region, on pianoro rocioso.

Uso de la tera[canbia | canbia sorxente]

  • Risorse naturali: fosfati, marmi e tera agricola
  • Teren:
    • agricolo: 32%
    • colture pereni: 7%
    • pascoli: 4%
    • forestse: 17%
    • altri: 34% (1993 est.)

Clima[canbia | canbia sorxente]

El clima el xé tropicale, caldo umido so la costa, pi seco a l’interno. La piova la xé poca e la vien zo da aprile a lulio, so la costa ghe xé n’altra stagion de la piova da setenbre a novenbre.