Giografia del Sudan

Da Wikipedia, l'ençiclopedia libara.
Va a: navigasion, serca
Mapa del Sudan


El Sudan el xé el pi esteso paexe african. El confina a nord co l'Egito, a nord-est co el Mar Roso, a est co l'Eritrea e l'Etiopia, a sud co el Sud Sudan, a sud-ovest con la Republica Centrafricana, a ovest co el Ciad e a nord-ovest co la Libia.

Superficie[canbia | canbia sorxente]

El Sudan el gha na superficie de 1 886 068 km². Le aque interne le cuerze 129 810 km². La costa del Mar Roso la xé longa 853 km.

Morfologia[canbia | canbia sorxente]

El Sudan dal satelite
Le montagne Nuba

En tel nord del paexe se cata la val del Nilo e el deserto che el se divide en tel deserto de la Nubia a destra Nilo, e deserto de la Libia a la sinistra. En tel deserto de la Nubia no se cata aqua. En quel de la Libia se cata de le oasi, la pi inportante la xé quela de Bir an Natrun. Longo el Nilo, se cata na strisia de tera inondà dal fiume durante le piene larga 4 km, do par parte. A l’ovest, se cata le regioni del Darfur (500 000 km²)e del Kordofan (350 000 km²). Ste do regioni le xé semi desertiche e sensa fiumi pereni. Se cata paró sorgenti de aqua potabile. El ponto pi alto del Darfur el xé la colina de Jabl Marrh (900 m). A sud ovest del Kordofan se cata le montagne Nuba. Da le montagne Nuba fin a l’Etiopia e fin zo al sud se cata pianure sensa montagne inportanti. Carateristica de le pianure i xé i fiumi Nilo, el lago No e el Sudd. El Sudd, co i so 30 000 km², la xé la palude pi grande del mondo. El Nilo pasa en tel Sudd e la metà de le so aque le evapora qi. Se produse piova che la alimenta i pascoli do le etnie locali (Denka e Shilluk) le tien le mandrie. Le montagne del sud le se cata al confin co el Kenya e l’Uganda. I xé i monti Imatong, Didinga e Dongotona che i riva fin a 3000 m. La veta pi alta la xé el Kinyeti (3187 m).