Pidgin

Da Wikipedia, l'ençiclopedia libara.
Va a: navigasion, serca

Le lengoe pidgin xe lengoe co na strutura gramatical semplice e on vocabolario de poche parole. I xe el resultá de el misciamento de lengoe difarenti parlá da zente che no conose mia bene ona o do de le lengoe interesá. I pidgin i parmete la comunicasion tra zente che no gha altra lengoa en comun, spezialmente a i marcanti. On pidgin diventa na lengoa propria quando ghe xe novi nati che le usa come lengoa mare. Stò cua se ciama el fenomeno de la creolizasion.

I primi pidging i sá forma en Axia, specialmente en Cina. El nome pidgin vien dal cinese e xe la pronunsia locale de la parola inglexe business.

En Africa se cata tanti pidgin, sopratuto ne l’Africa Ocidentale. En tel Siera Leone la gente la parla quasi che solo forme diverse de inglexe-pidgin. El fanakalo xe na forma de pidgin usá nel pasato ne le miniere del Sudafrica. La zente la vegnea da posti diversi e no la podea comunicar tra de lori. Ancò el fanakalo xe parla da poca gente e el scomparirá nel giro de pochi ani. N’altro pidgin xe el sheng de el Kenya e la Tanzania. El sheng vien da l’inglexe misciá co el swahili e xe la lengoa de i zoveni de l’Africa Oriental.