Łéngoa swahili

Da Wikipedia, ła ençiclopedia libara.

Nota dixanbìgua - Sta voxe la parla de la łéngoa swahili. Se te sì drio zsercar ła cultura de la costa africana, varda cultura swahili.

Swahili (Kiswahili) †

Creà da: {{{creatore}}} nel {{{anno}}}

Contesto: {{{contesto}}}

Parlà in: Tanzania, Kenya, Uganda, Ruanda, Burundi, Congo (RDC), Somalia, Comore (incluso Mayotte), Mozambico, Malawi, Oman.

Regioni:Rejon: {{{regione}}}

Periodo: {{{periodo}}}

Persone: Prima lengoa: ~5 milioni
Seconda lengoa: ~50-75 milioni

Clasifica:

Scritura: {{{scrittura}}}

Tipołogia: {{{tipologia}}}

Fiłogenexi:

Niger-Congo
Congo-atlantiche
  Volta-congo
   Benue-congo
    Bantoidi
     Bantoidi meridionali
      Narrow bantu
       Centrali
        G
         Swahili

Statuto ofiçiałe

Nazsion: Tanzania, Kenya, Uganda

Regolà da: Baraza la Kiswahili la Taifa (Tanzania)

Codexe de clasificazsion

ISO 639-1 sw

ISO 639-2 swa

ISO 639-3 swa

SIL SWA (EN)

SIL {{{sil2}}}

Estrato en lengoa

Dichiarazsion Universałe de i Diriti de l'Omo - Art.1
Watu wote wamezaliwa huru, hadhi na haki zao ni sawa. Wote wamejaliwa akili na dhamiri, hivyo yapasa watendeane kindugu. El Pare Nostro
Watu wote wamezaliwa huru, hadhi na haki zao ni sawa. Wote wamejaliwa akili na dhamiri, hivyo yapasa watendeane kindugu.

Trasliterazsion

{{{traslitterazione}}}

Łengoa - Elenco de łe łengoe - Łenguìstega

Vixita ła Wikipedia en Łéngoa swahili!

Vixita ła Wikipedia [[:{{{codice2}}}:|in {{{nome2}}}]]!

Vixita ła Wikipedia [[:{{{codice3}}}:|in {{{nome3}}}]]!

Mapa de la difusion de la lengoa swahili

Sta paxena podaria contegnere carateri Unicode.

El swahili el xe na lengoa africana de origine bantu. La xe nata a Lamu, in Kenya. La gramatica del swahili la xe tipicamente bantu: tute le parole le apartien a na clase e bixogna coniugarle rispeto al sogeto e anca a l'ojeto. El vocabolario swahili el xe metà de origine bantu, e metà de origine araba. El swahili el se parla en Kenya, Tanzania, Uganda, Isole Comore, Congo Oriental e Mozambico del Nord. El swahili ze la lengoa franca de l’Africa de l’est e l’unica lengoa africana usa’ da l’Union Africana.

[modifica] Le clasi

Tute le parole xe mese dentro na clase. Ghe xe quindezse clasi.

Clase M/WA (M xe el prefixo al singolar, WA el prefiso al plural). En sta’ clase ghe omeni, animai e coxe animade. Par esempio mtu – l’omo o n’omo; watu – i omeni, xe composti da la raixa tu (omo, parsona) e el prefixo singolar o plural.

Clase M/MI. En sta’ clase ghe xe nomi de piante (Miti – albari), e de roba viva ma che xe inanimada (mwito bosco).

Clase Ki/Vi. En sta clase ghe robe fate da l’omo (Kiti – Viti carega – careghe), lengoe (Kiswahili; Kiitaliano; Kiingereza) e parole che vien da altre lengoe.

Clase Ji/Ma. En sta clase ghe organi (jicho – macho ocio – oci), cose vive (yai – mayai ovo – ovi) e roba che da vita (maji acqua).

Clase N/N En sta clase ghe sta parole de tuti i tipi. El plural l'e’ isteso del singolar, ma i suffisi de corcondanza xe diversi.

Clase U. En sta’ clase ghe sta’ le idee (upendo amor), i nomi astrati, i sostantivi crea’ a partir da un nome.

Clase Ku. En sta clase ghe i verbi usa’ come nomi.

Clasi Ko/Po/Mo. Ste qua xe le clasi de i posti. Ko sta par par na roba che la xe ne le vicinanze; Po dixe de na roba che la xe en un certo posto; Mo sta par rentro. Par esempio yuko nyumbani el xe a casa (nel senso che el no xe a l’estero); yupo nyumbani l’e’ qua’ en torno(rentro casa o fora en giardin); yumo nyumbani el xe rentro la casa.

[modifica] El verbo

I verbi gha na raixa, bantu o araba, e se ghe taca i prefixi (prima de la raixa), i infixi (dopo i prefixi ma prima de la raixa), e i sufixi (a la fin da la parola, par darghe i vari significati. Par esempio, ninakupenda: ni pronome da la prima persona singolare; na tempo presente, ku ogeto (ti) penda raixa del verbo amar: mi te vojo ben. Alishamwambia: a pronome terza persona singolare; li tempo pasa’; sha azsion che la xe terminada; m(w) ogeto (a lu – a ela), ambia raixa del verbo dir: el gha zsa dito a ela.

[modifica] L’importanzsa de la lengoa

La gramatica swahili la xe complica’, ma la xe regolare e gha poche ecezsioni. Se pol imparar a comunicar en swahili en do-tri mesi, anca se par parlarlo ben ghe vol almanco n’ano o do. La lengoa usada en general le’ quela de Zanzibar (decision de el comitato internazsional de la lengoa swahili del 1928), ma ghe tante variazsioni regionali. Anco’, setanta milioni de africani i parla swahili come lengoa madre, n’altro 20-30 milioni el lo parla come lengoa de marca’ (Malawi, Zambia, Mozambico). Lengoa uficiale de l’Union Africana, el swahili l’e’ usa’ da vari artisti neri ne le canzsoni e en tel cinema. El film ‘el re leone’ el usa tanti nomi swahili: simba – leon; rafiki – amigo; hakuna matata – no ghe problemi.

[modifica] Curiosità

El nome swahili vien da l'arabo SHL, costa. Waswahili staria a dir la zsente de la costa. La cultura popolare gha visto n'altra origine. I dixe che swahili l'è el nome dato da i portoghexi che xe riva' a Mombasa nel XVI secolo. Quando i gha domanda' a la gente: 'voialtri ci sio?', quei i no capia e i gha risposto 'Hatuwezi jibu swali hili' (no podemo rispondare la vostra domanda). Par contrazsion de swali hili sarea vegnu' fora swahili.