Kampala
Da Wikipedia, ła ençiclopedia lìbara.
Kampala xe la cavedal e la pi granda sità de l’Uganda. La sità gha 1.300.000 abitanti e no la xe lontana da el Lago Vitoria.
[modìfega] Storia
El re de i baganda, el Kabaka, gavea selto ona de le coline de Kampala par costruir la so residensa. La zona xera piena de impale (antilopi) e Kampala vol dir el posto de i impala. La cavedal de i baganda xe cresù co el tempo e varie costrusioni xe ancora visibili: le tombe de Kasubi, dove xe sepolti i ultimi re baganda, el Parlamento e la Corte de Justisia. Co i inglexi gha proclama el protetorato, Kampala xe diventà la cavedal del paexe. L’università de Makerere, ona de le pi bone de l’Africa, xe costruia so la colina de Makerere, rente a Kampala. La catedral catolega la se cata su la colina de Rubaga, e quela anglicana su la colina de Namirembe. Kampala xe servià da l’aeroporto de Entebe, costruio su la riva del Lago Vitoria.
Portałe Africa: varda łe altre voxe de Wikipedia che łe parla de Africa
