Lago Vitoria

Da Wikipedia, l'ençiclopedia libara.
Va a: navigasion, serca
łago Vitoria
Lake Victoriafr.png
imaxene da satełite e divixion teritorial intra i paexi rivieraschi.
Coordinae

2°02′00″S 33°04′01″E / -2.05, 33.067Coordinate: 2°02′00″S 33°04′01″E / -2.05, 33.067

Altitudine 1133 m s.l.m.
Giografia fixica
Superfise 68100 km²
Longhesa 337 km
Larghesa 240 km
Fondità masima 83 m
Fondità mexana 40 m
Vołume 2750 km³
Idrografia
Basin idrografego 238900 km²
Imisari prinsipałi Kagera, Katonga, Nzoia, Yala, Mara, Sondu-Miriu
Emisari prinsipałi Niło bianco
Ìxołe pi' de 3000
Giografia umana
Giografia pułitega
Stati Flag of Tanzania.svg Tanzania
Flag of Uganda.svg Uganda
Flag of Kenya.svg Kenya

El Lago Vitoria xe el piasè grande lago de l'Africa. El xe anca ono de i Grandi Laghi de l'Africa. El lago xe diviso tra Tanzania, Uganda e Kenya, chel gha solo un tochetin. Vari fiumi se imete nel lago, come el Kagera. Dal Lago Vitoria vien fora el Nilo chel scominsia a Jinja. El livel del lago xe cambia' tante olte nei ultimi ani. Anco' el xe de un metro pi baso del livel medio. Anca nel 1910-1920 el livel l'era diseso de pi de un metro. L'utilizo de le acque del Nilo xe regola' da un tratato internasional che ciapa rentro tuti i paesi del bacin acquifero (Rwanda, Burundi, Tanzania, Uganda, Kenya, Etiopia, Eritrea, Sudan, Egito).

Storia[canbia | canbia sorxente]

Barcheta sul Lago Vitoria

I primi non africani a vedar el Lago Vitoria i xe stà i arabi. La mapa de al-Adrisi, del 1160 d.C., la gha on disegno de le coste del lago che el xe fato ben. I arabi e i persiani i vegnea fin qi par far marcà de avorio, oro e sciavi. I esploratori eoropei che i xe rivà qi en tel XIX secolo i no gha fato altro che seguire le piste de i marcanti de sciavi da la costa fin a Kavirondo (la zona sul lago tra Tanzania e Kenya).

El esplorator inglexe John Hanning Speke el xe rivà sol lago en tel 1958 co Richard Francis Burton co i sercava le fonti del Nilo. Specke el gha dato el nome de Lago Vitoria en onor de la regina inglexe. El re de i baganda, el Kabaka, el gavea la so cavedal rente al lago, dove ancò se cata Kampala. Kampala, co le sità sateliti de Entebbe e de Makerere, la xe la sità pi grande rente al lago.

Ecologia[canbia | canbia sorxente]

El lago Vitoria el xe on lago zoino, se pensa che el sa formà solo 400 000 ani fa. Ancò, l’area ntorno al lago la xe ona de le pi densamente popolà del mondo. La sovrapopolasion de le zone rente al lago la gha vù n’influensa negativa su l’ecologia del lago. En tel 1954 i inglexi i gha introdoto el persico del Nilo en tel lago. El persico no el podea risalir el fiume fin al lago par via de le cascate tra el lago e Nimule, al confin co el Sudan. El persico el sa catà sensa predatori e gha scominsià a predar tute le specie de pese en tel lago. Tanti pesi tipici del lago Vitoria i sopravive solo en te i acquari. Co l’esportasion de el persico en Eoropa, la pesca de sto pese la stà cresendo. El risultà el xe che i altri pesi scominsia a riprodurse de pi.

N’altro problema ecologico el xe presantà da el giacinto (eichhornia crassipes) che el xe rivà da l’Africa australe. El giacinto forma no strato de vegetasion su l’acqua,impedendo el pasagio se la luce e de l’aria. Dal 1990 in poi, quasi tute le coste del lago le xe stà cuerte dal giacinto. Co l’introdusion de mezi mecanici par la racolta del giacinto e l’introdusion de parasiti naturali (tonchio chiazzato - neochetina eichhorniane), el giacinto xe en regreso.