Luanda

Da Wikipedia, l'ençiclopedia libara.
Va a: navigasion, serca
Vista de Luanda

Luanda la xe la cavedal de l’Angola e el pi grande porto de el paexe. I abitanti i xe 4.7 milioni.

Storia[canbia | canbia sorxente]

L’esplorator portoghexe Paulo Dias de Novais el gha fondà San Paolo de Luanda en tel 1575. En tel 1618, el forte de San Piero de Barra, e en tel 1634 el forte de San Michele le xe costruie par difendar el porto. La sità la xe stà el centro aministrativo de la colonia de l’Angola dal 1627. Da el 1550 al 1850, el porto de Luanda el xera anca ono de i majori porti africani par la trata de i sciavi. Luanda la xe smpre stà na sità moderna. El so svilupo el sà fermà co la guera civil dopo l’indipendensa. Ancò, la majoria de la zente no la gha acqua potabile, eletricità e altre infrestruture le xe isuficenti par la cavedal.

Economia[canbia | canbia sorxente]

Luanda la gha on bon numaro de industrie legere par la trasformasion alimentare, i tesili e la produsion de cemento. L’industria ligà a l’estrasion e esportasion de el petrolio l’è quela che tira pi schei, che però i no riva a la zente. Dal porto de Luanda pasa quasi tuta l’esportasion de l’Angola: cafe, coton, sucaro, diamanti, fero, sal e petrolio.

Popolasion[canbia | canbia sorxente]

Prima de l’indipendensa (1975) la sità l’era quasi tuta abità da portoghexi e altri eoropei. Ancò i grupi etnici pi grosi i xe: ovimbundu, kimbundu e bakongo. La zente la parla portoghexe e tante lengoe bantu.

Gallery[canbia | canbia sorxente]

Siti web[canbia | canbia sorxente]