Bangui
Da Wikipedia, ła ençiclopedia libara.
| Bangui | |
|---|---|
| Stato: | Imagine:Flag of Repubblica Centrafricana.svg Repubblica Centrafricana |
| Coordinate: |
|
| Popołazsion: | 596,776 ab. () |
| Altitudine: | 402 m s.l.m. |
 |
|
Bangui, 600.000 abitanti, la xe la cavedal de la Repubblica Centrafricana. La sità la xe costruia longo el fiume Oubangui, en fronte a la sità congolexe de Zongo. Bangui el xe on sentro agricolo e industriale, e anca on porto fluviale.
[modifica] Storia
Bangui la xe stà fondà en tel 1889 da i francexi e l’è l’unico sentro urbano de na certa grandezsa nel paexe. A l’inizsio, Bangui no l’era altro che on fortin dove ghera de i soldà francexi. La zente de la zona gha scominzsià a costrui de i vilagi rente al fortin e così sa formà la sità. La majoria de la popolazsion de el paexe la vive ne la zona de Bangui. La sità l’è stà de speso in mezso a la violenza, specialmente dopo l’aresto de Jean-Bedel Bokasa, che el se xera proclamà imperatore. En te i ani novanta, i soldai gha speso fato de i amutinamenti e sachegià la sità. En tel 1997, el grupo de difesa de i diriti umani Mercer Consulting gha meso Bangui a 214° posto su 215 come sità co manco diriti umani. Soltanto Brazzaville, en Congo, xe stà pezso.
[modifica] Giografia
Bangui xe costruia su le rive nord del fiume Oubangui, poco prima de le rapide che segna la fin de el trato navigabile. El fiume se buta en tel fiume Congo rente a Brazzaville. El clima l’è caldo umido tuto l’ano.
[modifica] Economia
A Bangui se cata la picola industria de el paexe: tesile, trasformazsion agricola, bira e sapone. El 30% de i citadini no gha laoro.
Portałe Africa: varda łe altre voxe de Wikipedia che łe parla de Africa
