Storia de la Guinea

Da Wikipedia, l'ençiclopedia libara.
Va a: navigasion, serca
Mapa de la Guinea

La Storia de la Guinea la xe relativamente recente, se se considera el Stato moderno. Bisogna parò tegnar en conto che el teritorio de la Guinea el xe stà testimone de vari imperi e el xe stà soto l’influensa de tanti movimenti politeghi e economici.

Imperi[canbia | canbia sorxente]

L’impero del Ghana (che nol va scanbià co la naxion moderna, e che el gavea la so rocaforte a caval de Mauritania e Mali) el estendea el so control fin a la Guinea de ancò. CO l’impero del Ghana el scsominsià la so parabola disendente, el regno del Sosso el gha preso el soravento (secoli XII e XIII). En tel 1235 sirca, el regno de Sosso el gha dovù lasar el controlo de l’area a l’impero del Mali che el xera en cresita. La data del 1235 la corisponde a quela de la bataja de Kirina do el re Soundiata Kéïta el gha batù Soumangourou Kanté, re del Sosso. La data la xe incerta e no ghe documenti che atesta sertamente nianca el nome de i re coinvolti. Dopo l’impero del Mali la xe sta la olta del impero del Songhai che el gha continuà a cresr fin a la morte de l’imperatore Askia Daoud en tel 1582. Tri ani dopo, i Almoravidi del Maroco i gha vinto la bataja de Tondibi, ma i no xe stà boni de capitalizar su la vitoria. Grupi de etnia fulani i xe alora entrà en te le regioni sentrali (Fouta Djallon) de la Guinea e i gha fondà no Stato islamico co na Costitusion scrita chel xe ndà vanti fin al 1898.

Colonialismo[canbia | canbia sorxente]

I francexi i volea torse el control de la Guinea e i gha scominsià la penetrasion militare ne la seconda metà del XIX secolo. La vitoria finale la xe rivà co la sconfita de Samory Touré, el re de i Ouassoulou, on regno Malinké che el controlava parte de la Guinea e de i Stati confinanti. I confini atuali i xe quei decisi da inglexi, portoghexi, francexi e da la Liberia. En tel 1958 la Fransa la xera en cris politega e la gha dà a le colonie la posibilità de seliar se rimanere en te la comunità francexe o verghe l’indipendenza. La Guinea, soto la guida de Ahmed Sékou Touré, la gha volù l’indipendensa subito. El 2 otobre 1958, la Guinea la diventava indipendente, Ahmed Sékou Touré el xera el primo presidente. I francexi i gha lasà el paexe quasi subito e Touré el se sa alineà a isovietici, prima, e co i cinexi, dopo. La Guinea, però, no la gha tajà i so legami co l’ocidente e con la Fransa en particolare.

Monumento a la vitoria contro l’invasion de i mercenari en tel 1970.

En tel 1970, mercenari e ribeli guineani i gha atacà el paexe co el sostegno de el Portogalo. I portoghexi volea canbiar el governo de la Guinea parché el sostegnea i conbatenti de la Guinea Bissau. Dopo na setimana de bataje, l’esercito guineano el xe stà bon de parar fora i mercenari. Touré el gha trasformà la republica en uno Stato a partito unico, che el xe presto diventà na ditatura co poca toleransa par i diriti umani. Pi d eun milion de guineani i xe scanpà a l’estero. Touré el xe diventà paranoico e el gha scominsià a verghe problemi anca co i Stati africani confinanti. El paexe el se sa ixolà e l’economia la xe ndà a remengo. Turé el xe morto el 26 marso 1984 e el so posto el xe stà tolto da el primo ministro Louis Lansana Beavogui. Dopo nianca on mexe, Lansana Conté e Diarra Traoré i gha fato on colpo de Stato. Conté el xe diventò presidente e Traoré primo ministro. Conté el gha fato libarar tuti i prigionieri politeghi e ciamà i guineani a l’estero parché i tornase a casa. En tel 1992, Conté el gha verto la strada al multipartitismo e e ritorno al governo sivile. Conté el xe stà rieleto presidente en tel 1997. El gha anca canbià la Costitusion par esar rieleto la terza olta a la fin del 2002. Ne i ultimi ani, el governo el gha dovù far i conti co sioperi de masa, manifestasioni e resistenza sivile. Conté gha dovù acetar de nominar on primo ministro che laorase co i sindacati par democratizar el paexe. Però el gha nominá el so amigo personale Eugene Camara. Dopo altri sioperi e soto la presion internasional, Conté gha nominá Lansana Kouyaté, ex anbasador e democratico, nel febraro 2007. El paexe el xe tra i pi poveri de l’Africa, anca se el gha grose riserve de risorse naturali.