Storia de la Guinea Bissau

Da Wikipedia, l'ençiclopedia libara.
Va a: navigasion, serca
Mapa de la Guinea Bissau

Se sa poco de la popolasion de la Guinea Bissau prima de l’arivo de i eoropei. I primi eoropei a rivar fin qi i xe stà i portoghexi co i sercava na via par le Indie en tel XV secolo d.C. Anca se el Portogal el gha proclamà el so controlo su la Guinea Bissau en tel 1446, el gha costruio de i fortini e scominsià la sfrutamento economico solo en tel XVII secolo. Da la Guinea Bissau, i portoghexi esportava sopratuto sciavi. Bissau, la cavedal de ancò, la xe stà fondada come ponto de racolta de i scaivi prima de spedirli a le ixole de Capo Verde e da de li a le Meriche.

Consolidamento[canbia | canbia sorxente]

I portoghexi i gha scominsià la penetrasion de l’interno solo che en tel 1850 sirca. El teritorio continentale el xe stà conquistà dopo na longa guera co le etnie locali. Solo che en tel 1890 la Guinea Portoghexe la xera soto el controlo del governo. Le ixole Bijagos le gha resistio fin al 1936. En tel 1941, la cavedal la xe stà spostà da Bolama a Bissau. I portoghexi i gha sostegnù le pinatagioni de l’anacardio, na noxe bona da magnare e che la gha on oio che se usa ne l’aviasion.

Indipendensa[canbia | canbia sorxente]

En tel 1956, Amilcare Cabral e Rafael Barbosa i gha organizà el Partido Africano par l’Indipendensa de la Guinea e de Capo Verde (PAIGC), co i ufici sentrali a Conacry, ne la Guinea rente a la colonia portoghexe. La lota armata la xe scominciada en tel 1961. Par la fine del 1968, el PAIGC controlava tuta la Guinea. I portoghexi i controlava le sità e i fortini. El comandante militare, Antonio de Spinola, el xe ndà en Portogalo en tel 1973 e el gha participà al movimento par portar la democrasia nel so paexe. Cabral el xe stà copà en tel 1973 a Conakry e el partito el gha selto Aristides Pereira come presidente. Pereira el diventerà el primo presidente del Capo Verde. El PAIGC el gha dichiarà l’indipendensa el 24 setembre 1973. El primo presidente del paexe el xe stà Luis Cabral, fratelastro de Amilacare. El primo governo el xe stà meso da parte da on colpo de stato che João Bernardo Vieira el gha organizà en tel novembre 1980.

Verso la democrasia[canbia | canbia sorxente]

El presidente Vieira

Dal 1980 al magio 1984 el paexe el xe stà aministrà da on governo provisorio co Viera presidente. La Asenlea Popolare Nasionale la gha riaperto en tel 1984 e la gha subito aprovà la nova Costitusion e rieleto Viera come presidente, chel xe anca diventà capo de le forse armate. Soto presion da l’eoropa e da altri paexi africani, Viera el gha conceso el multipartitismo en tel 1993. En tel 1998, i militari i se sa amutinà. I protestava par le condisioni de vita e par la paga. El 7 magio 1999, i militari i gha fato on colpo de stato e i gha dato el potere al opositore Kumba Yala, che el xe stà eleto co elesioni trasparenti. Yala nol xe stà bon de risolevar l’economia e el gha anca mostrà segni de demensa. Ent el setembre 2003, Verissimo Correira Seabra el gha fato arestar Yala e organisà par altre elesioni politeghe per l’aprile 2004. Nel otobre del 2004 on grupo de soldadi che i gavea laorà per la Nasioni Unie i se gha amutinà, i gha copà el general Seabra e i gha domandà le paghe che ghe spetava. Le elesioni del 2005 le gha visto la vitoria de João Bernardo Vieira chel xera stà presidente ne i ani otanta e novanta. La Guinea Bissau la continua a sofrir par la mancansa de infrastruture, la scolarizasion basa e par la corusion del governo.