Storia de la Namibia

Da Wikipedia, l'ençiclopedia libara.
Va a: navigasion, serca
Mapa de la Namibia

La storia de la Namibia la xe na storia stratificata. El paexe el existe ufisialmente solo da pochi ani, uno de i ultimi teritori africani a verghe l’indipendensa. Ma la presensa umana en Namibia la se perde nel pasà pi antico.

Preistoria[canbia | canbia sorxente]

I ricatamenti paleongologici i conferma che on grande numaro de popoli i gha visù en Namibia en te i secoli prima de l’era cristiana. La majoria i xera popoli caciatori-racoglitori. Se pensa anca che sti popoli i fuse boscimani, del grupo ciamà san.

Khoisan[canbia | canbia sorxente]

Fin al scominsio de la nostra era, i san i xera i soli abitanti de la Namibia. Verso el I secolo d.C., i namaqua – los teso grupo vien ciamà khoikhoi en Sudafrica – i xe rivà sol fiume Orange, al confin tra Namibia e Sudafrica. I namaqua i fazea na vita pastoralista. I khoikhoi e i san i se sa integrà culturalmente e lengoisticamente fin a parlar on grupo de lengoe ciamade khoisan. I damara, n’altro grupo khoisan, el se sa stabilio en tel sentro del paexe.

Bantu[canbia | canbia sorxente]

Grupi bantu come i owambo e i kavango i gha visù en tel nord de la Namibia da secoli. Sti grupi i xe bacani e pescadori, e i conose la tecnologia del fero. I gavea contati co le tribù del sud sopratuto par baratar cortei e magnare.

Herero[canbia | canbia sorxente]

Herero en tel 1910.

Verso el XVII secolo, i herero – grupo bantu pastoralista originario de la region de i Grandi Laghi i xe rivà en Namibia e i se sa stabilì en Kaokoland. En tel XIX secolo, i gha continuà la migrasion fin al sud, en Damaraland. El grupo rimasto en tel nord el gha da vita a i himba.

Baster[canbia | canbia sorxente]

El primo incontro de Basters en tel 1872.

L’ultimo grupo a rivar en Namibia prima de i eoropei i xe stà i baster. I baster i xera i disendenti de sangue misto de boeri e done africane. I baster i xera calvinisti e i parlava Afrikaans, i se considerava pi bianchi che neri. I gha fondà la sità de Rehoboth e en tel 1872 anca la Republica de Rehoboth.

Namibia moderna[canbia | canbia sorxente]

I primi eoropei a rivar en Namibia i xe stà i portoghexi che i gha sbarcà so la costa en tel 1485. I portoghexi no ga mai tentà de visitar l’interno. I olandexi i gha utilizà la baia de Walvis, l’unico porto a acque profonde longo tuta la costa namibiana, za en tel 1793. Co i inglexi i gha tolto el control de la colonia del Capo, anca Walvis la xe pasà a lori. Olandexi e inglexi i no ga neanca tentà de esplorar l’interno.

En tel XIX secolo, i popoli de la Namibia i xe vegnù en contato co i eoropei. Le se gha anca catà al sentro de on movimento de popoli che el gha causà frizioni e guere locali. A lo steso tenpo che i herero i gha ocupà el Damaraland, anca i boeri del Sudafrica e i oorlan – grupo de khoisan che parlava afrikaans e che i xera armadi – i volea entrar en te la Namibia. I oorlans i gha prima de tuto causà la migrasion de i namaqua. En tel 1830, el capo de i boeri, Jonker Afrikaner, el gha firmà on pato co Oaseb, el capo de i namaqua. I oorlan i dovea difendar le savane del Namaqualand da la imigrasion herero che la xera scominsiada qualche ano prima; i nama i dovea pagar on tributo en bestie par sto servisio; i boeri i se podea stabilir a Whindoek, al confin de el teritorio herero. La guera tra boeri e herero la xe stà vinta da i boeri par la superiorità de le armi da fogo.

Colonizasion[canbia | canbia sorxente]

Co la division de l’Africa a la Conferensa de Berlin, anca la Namibia la xe entrà soto le mire espansionisteghe de Regno Unio e Germania. I inglexi i gavea za el control de la baia de Walvis, i todeschi i volea tuta la region. En tel 1883, Adolf Lüderitz el ga crompà Angra Pequena – nome portoghexe de la baia de Walvis – da el capo nama de la zona. En tel 1884, Otto van Bismarck – canceliere todesco – el ga proclamà el protetorato de l’Africa del Sud-ovest. En tel 1890, Germania e Regno Unio i gha firmà on tratato che ghe dava la Strisia de Caprivi a i todeschi e Zanzibar a i inglexi.

El capo namaqua Hendrik Witbooi

Anca prima de la proclamasion del protetorato, i todeschi i gavea mandà na spedision militare en Namibia. I namaqua i ga resistio a l’invasion soto la guida del capo Hendrik Witbooi. Witbooi nol ga podù vinzar contro le armi da fogo e, en tel 1894, el gha firmà on tratato de protesion co i todeschi.

Soldadi todeschi che conbate co guerieri herero.

I todeschi i ga subito mandà de i coloni par ocupar el paexe. En tel 1908 i gha catà i diamanti e en pochi ani miliari de todeschi i xe ndà en Namibia. El raporto co i nativi el xe senpre stà dificile e trupe selte todesche le gha continuà a conbatar contro i namaqua e altre etnie. Tra el 1904 e el 1908, i herero i gha copà 150 todeschi che i gavea ocupà el so teritorio. I todeschi i ga risposto co la guera. Samuel Maharero, capo de i herero, el xe stà subito fortunà contro le schutztruppe del general Lother von Trotha. Anca i namaqua i ga scominsià la guera soto la guida de Hendrik Witbooi.

Herero encatenadi en tel 1904.

I todeschi i ga dovù mandar 14 000 soldadi che i ga vinto la Batalia de Waterberg en tel 1905. Co la fin de la guera, i todeschi i gha ordenà a i herero de lasar el paexe. I herero i se sa ritirà verso el Kalahari. I todeschi i ga meso guardie armate a tuti i ponti de abeverata. 80 000 persone - l’80% de la popolasion herero e el 50% de la popolasion namaqua - le xe morte de se. En tel 1915, co la Germania la xe entrà en guera contro el Regno Unio, le trupe sudafricane le gha ocupà la Namibia. Dopo la guera, el Sudafrica el ga risevù da la Lega de le Nasioni el conpito de aministrar el teritorio. En tel 1946, co le Nasioni Unie (ONU) le volea revocar el mandato del Sudafrica par pasar a on control internasional pi forte el Sudafrica nol ga volù lasr el paexe, anca se no lo ga mai aneso. En tel 1966 l’ONU el ga revocà el mandato del Sudafrica.

Verso l’Indipendensa[canbia | canbia sorxente]

En tel 1966, guerilieri de l’Organizasion de i Popoli de l’Africa del Sud Ovest (SWAPO), i ga scominsià la guera de indipendensa contro el Sudafrica. La SWAPO la gavea baxi en Zanbia e en Angola. L’ONU la ga dichiarà che la presensa del Sudarica en Namibia la xera ilegale. L’ONU la ga tentà de rivar a na solusion negosiata, ma el Sudafrica nol gha volesto saver de darghe l’indipendensa a la Namibia.

El Sudafrica el xera soto presione internasionale par lasar la Namibia, ma el gavea anca el sostegno indireto de i Stati Unii de America par restar en tel paexe. Durante i ani 1970 e 80, l’Angola la ospitava trupe cubane e la xera jutà da l’Unione Sovietica. I amricani i no volea che la zona la finise tuta en mane ruse.

A el incontro de Mosca (29 magio - 1 giunio, 1988), i capi de governo americano e ruso i ga deciso che el Sudafrica el se ritirase da la Namibia e che i cubani da l’Angola. El tratato de transision la xe stà firmà a New York a la fin del 1988. El periodo de tranzision el dovea durare 11 mexi e parmetare el ritorno en Namibia de la popolasion rifugiada en altri paexi.

Indipendensa[canbia | canbia sorxente]

Panorama de Windhoek

El 9 febraro 1990, la Asenblea Costituente la ga finì de scrivar la nova Costitusion, e el 21 marso 1990 la Namibia la deventava no stato indipendente. Sam Nujoma, leader de la SWAPO, el xe stà eleto primo Presidente e el ga giurà fedltà al paexe de fronte a leader africani vegnudi da tuto el continente. El 1 marso 1994, la baia de Walvis e 12 ixole le xe sta restituie a la Namiba da el Sudafrica par completar la transision.

El primo presidente Sam Nujoma.

Dopo esar stà rieleto en tel 1994, Nujoma el se sa presentà par na tersa olta. Par farlo, el gha dovù canbiar la Costitusion che la prevedea solo do turni. En tel 2005, Nujoma el ga lasà el posto a Hifikepunye Pohamba.