Namibia

Namibia
Motto: Unità, Łibertà, Giustisia
Informasion
Nome par intiero:	Republica de ła Namibia
Nome ufisiałe:	Republic of Namibia
Łéngoa uficiałe:	Inglexe¹
Cavedal:	Windhoek  (230.000 ab.)
Polìtega
Governo:	Republica
Capo de stato:	Hifikepunye Pohamba
Capo de governo:	Nahas Angula
Indipendensa:	Dal Sudafrica ntel 1990
Area
Totale:	825.418 km²
Pos. nel mondo:	33°
% delle acque:	0 %
Popolasion
Totałe:	2.031.000 ab.  (2002)
Pos. nel mondo:	143°
Densità:	2,5 ab./km²
Giografia
Continente:	Africa
Fuxo oràrio:	UTC +1
Economia
Vałuta:	Dołaro namibiano
Varie
TLD:	.na
Prefiso tełef.:	+264
Sigla autom.:	NAM
Ino nasionałe:	Namibia, Land of the Brave
¹Ł'Inglexe ła xe ła łéngoa uficiałe del paexe, ma ła major parte deła popołasion bianca ła parla ł'Afrikaans e el Todesco; tute e do łe łéngoe łe gera ufiçiałi fin al 1990. I popołi nativi i parla invese łe łéngoe łocałi.

Ła Namibia, uficialmente Republica deła Namibia, el xe on stato de ł'Africa del Sud che el se afacia sora ł'Oçeano Atlantego. Ła confina a nord co ł'Angoła e el Zanbia, a est col Botswana, e a sud col Sudafrica. Con na popołasion totałe de 2.031.000 e n'estension conplesiva de 825.418 km², ła Namibia ła se cołoca fra łe tre nasioni sovrane al mondo con la minor densità de popołasion (2,5 abitanti/km²). Ła xe anca una dełe nasion pì xovani, avendo otegnù ł'indipendensa dal Sudafrica ntel 1990.

Storia

Par saverghene de pì, varda ła pajina Storia de la Namibia.

I primi abitanti de la Namibia xera vari grupi de khoikhoi (namaqua e damara). I khoikhoi xe conoxudi come boscimani, un nome che vien da l’olandese e vol dire omeni del bosco. I bantu xe rivá en Namibia nel XV secolo.

I eoropei no gha mai mostrá tanto interese par stá tera arida e xe solo nel XIX che i todeschi i l’á ocupá ciamandola Africa del sud ovest (Deutsch-Südwestafrika). I inglexi, paró, i controlava Walvis Bay, l’unico porto de acue profonde de tuta la costa namibiana. El Sudafrica gha invaso la Namibia durante la grande guera e, dopo la seconda guera mondiale, la gha anexo el paese. La Organizasion del Popolo de l’Africa del Sud Ovest (SWAPO) gha scominsiá la guera de indipendenza nel 1966. L’indipendenza l’è rivá nel 1990, e Walvis Bay la xe stá restituida nel 1994.

Giografia

Par saverghene de pì, varda ła pajina Giografia de la Namibia.

La Namibia gha na densitá de popolasion de 2,5 persone par km². El paexe l’è diviso en cinque regioni: l’altopiano zentral, el deserto del Namib, el deserto del Kalahari, la savana, la zona montana. La majoria del teritorio xe desertica, co na piova de 400 mm l’ano ne le zone pì fresche.

Economia

Par le condisioni ambientali, en Namibia no ghe agricoltura industrial. L’agricoltura che se cata l’è de susistenza. El paexe conta su el sfrutamento dei minerali (piombo, zinco, uranio, diamanti, argento, tugsteno), l’industria de trasformasion l’è en cresita. L’alevamento de le bestie se cata nel sud del paexe.

Popolasion

Le etnie originali de la Namibia xe i namaqua e i damara. La majoria de la popolasio xe del grupo owambo. El 5% de la poolasion xe de origine eoropea. La zente la parla Oshiwambo, inglexe (lengoa oficial), afrikaans e todesco.

Religion

La majoria de i namibiani xe cristiani (luterani e catoleghi). El 3% xe musulmani.