Storia del Benin

Da Wikipedia, l'ençiclopedia libara.
Va a: navigasion, serca

El teritorio che ancò forma la republica del Benin, la ex colonia francexe del Dahomey, el xe stà par tanti secoli dominà dal regno del Dahomey (IX-XIII secolo). En tel XIII secolo el xe stà el tempo del regno de Benin, che gavea la cavedal a la Sità de Benin, ancò en Nigeria. El regno de Benin el gha vù na grande stabilità e el gha streto acordi comerciali co Olanda e Portogalo. En tel XVIII secolo, el Regno de Benin el xe rivà a la so fin naturale. Divizioni interne le gha indebolio el regno che el no xe stà bon de oporse a l’invasion francexe del 1872. La nova colonia la xe stà inglobà da l’Africa Francexe Ocidentale en tel 1904.

Colonialismo[canbia | canbia sorxente]

I francexi i gha costruio el porto de Cotonou e la ferovia. Le scole le xe stà costruie da la Cexa catolega. En tel 1958 el Dahomey la xe diventà na republica autonoma rentro la Comunità Francexe. El 1 agosto 1961, la republica del Dahomey la xe diventà indipendente co presidente Hubert Maga. I problemi economici i gha portà a l’instabilità politica. En tel 1963, co on primo colpo de stato, Justin Ahomadegbé el xe diventà presidente. N’altro colpo de stato en tel 1969 el gha portà Paul-Émile de Souza al poter. En tel 1972, n’altro colpo de stato el gha portà Mathieu Kérékou al poter. El nome de la naxion el xe stà cambià en tel 1975. Le prime elesioni libare le xe rivà en tel 1991 e Nicéphore Soglo el gha vinto, par perdar de novo contro Kérékou en tel 2001. En tel 2006, Yayi Boni el xe diventà presidente