Sevija

Da Wikipedia, ła ençiclopedia libara.

Sevija


Nome originale:	Sevilla
Stato:	Spagna
Comunità autonoma:	Andaluxìa
Provincia:	Sevija
Latitudine:	37° 37' N
Longitudine:	5° 98'
Altitudine:	7 m s.l.m.
Superficie:	141 km²
Popołazsion: - Totale - Densità	(2006) 704.154 ab. 4994,00 ab./km²
CAP:	41.0XX
Prefiso teł:	(+34)...
Targa:	SE

Sito istituzsionałe
Se invita a seguir el schema comuni spagnoli

Sevija (in spagnoło Sevilla) ła xé na çita spagnoła situada inte ła parte sud-oçidentałe de ła penìxoła ibèrica; ła xé el cavoliogo de ła Comunità Autònoma de ł'Andałuxìa e de ła provinçia de Sevija. Ła çità ła se łeva su łe rive del fiume Guadalquivir. Ła xé ła quarta çità de łe Spagna par nùmaro de abitanti, 709.975 (sevijiani, in spagnoło sevillanos), invençe i abitanti de l'àrea metropołitana i xé 1.294.081. Sevija ła pol èsar considerada cofà el çentro artìstego, culturałe, finanzhiario, econòmego e sociałe del sud de łe Spagna.

Notévołe ancha l'intarese turìstego grazhie ai numaroxi monumenti, piazhe, jardini e cexe.

Intra de i monumenti pi famoxi si recorda ła Tore del Oro e ła Giralda(antigo minaret de na moschea, uncuò canpaniłe de ła catedrałe). Ste ùlteme, insieme a l'Alcazar, l'archivio de łe Indie i xé stai deciarai patrimonio de l'umanità da l'UNESCO inte'l 1987.

[modifica] Clima

El clima de ła çità el xé de tipo oçeanego co infruenzhe continentałi. La tenperadura media anuałe ła xé de çerca 18,6° randandoła una de łe çità pi calde de Europa. I inverni i xé miti, inte'l mexe pi fredo, xenaro, se rexistra tenperadure medie de 5,2°(mìneme) e 15,9°(màsime). Ła tenperadura pi basa rexistrada ła xé -5,,5° a ła risałe al12 de febraro del 1956. Łe istà łe xé tanto calde, inte'l mexe pi caldo, lujo, se rexistra tenperadure media de 35,3° (màsime) e 19,4°(mìnime). Ła tenperadura pi alta rexistrata ła risałe al 6 de agosto del 1946, 47°, comunque tuti i ani se sùpara i 40° numaroxe volte. Łe preçipitazhion łe xé de 534 mm al'ano e łe xé conçentrae tra otobre e apriłe, co ponte in diçenbre. In media ogni ano ghe xé 54 di de piova.