Guinea Equatorial

Da Wikipedia, l'ençiclopedia libara.
Jump to navigation Jump to search
Guinea Equatorial
Guinea Equatorial – Bandiera Guinea Equatorial - Stemma
(dettagli) (dettagli)
Unità, Pace, Giustizia
Guinea Equatorial - Localizzazione
Dati amministrativi
Nome completo Guinea Equatorial
Nome ufficiale (ES) República de Guinea Ecuatorial
(FR) République de la Guinée Équatoriale
(PT) República da Guiné Equatorial
Lingue ufficiali spagnoło, francexe, portoghexe.
Capitale Malabo  (38 000 ab.)
Politica
Forma di governo Republica
Capo di Stato Teodoro Obiang Nguema Mbasogo
Capo di Governo Miguel Abia Biteo Borico
Indipendenza da ła Spagna, 12 de otobre 1968
Ingresso nell'ONU 12 de novenbre 1968
Superficie
Totale 28 051 km² (141º)
% delle acque trascurabile
Popolazione
Totale 523 051 ab. (2004) (159º)
Densità 18,6 ab./km²
Geografia
Continente Africa
Fuso orario UTC +1
Economia
Valuta franco CFA
PIL (nominale) 18,785 milioni di $ (2005) (112º)
PIL pro capite (nominale) 16 507 $ (2005) (42º)
ISU (2004) 0,653 (medio) (120º)
Varie
Codici ISO 3166 GQ, GNQ, 226
TLD .gq
Prefisso tel. +240
Sigla autom. GQ
Inno nazionale Caminemos pisando las sendas
Festa nazionale
Guinea Equatorial - Mappa
 

La Guinea Equatorial[1] xe na republica de l’Africa sentral a caval de l’equator. El paexe ze composto de una region continental (Rio Muni) e da le isole de Bioko [2], e Annobon, int'el Golfo de el Biafra pi' a ovest.
Rio Muni el confina col Camerun a nord, el Gabon a sudest, e el xe bagnà da l’Oseano Atlantico a ovest. I stati pi' visini a Bioko li xe el Camerun a nordest, la Nigeria a nordovest e São Tomé e Príncipe a sudovest. A nordest de Annobon se cata São Tomé e Príncipe.

Storia[canbia | canbia el còdexe]

Exquisite-kfind.png Par saverghene de pì, varda ła pajina Storia de la Guinea Equatorial.

Antighità[canbia | canbia el còdexe]

I primi abitanti de la region xera i pigmei. Quando i bantu ghe vegnù zo dal nord, i pigmei ie scapà ne le foreste del Gabon. Ancò se cata pochi pigmei nel Rio Muni.
I bantu i gha ocupà el Rio Muni; el grupo fang ie arivà su la costa. Da queste ie nati i bubi che ga colonizà l’isola de Bioko.

I portoghesi xe rivà su l’isola de Bioko nel 1472 quando l’esplorator Fernando do Pó gha descoverto l’isola mentre chel sercava la rota par le Indie. El Portogalo gha colonizà anca Annobon e la zona costiera.

Nel 1474, el Portogalo gha cedù ste terre a la Spagna in cambio de territori ne le Meriche.
La Spagna no gha mai fato granchè fin al 1926, quando i vari teritori xe stà mesi insieme come la colonia de la Guinea Spagnola.

Indipendensa[canbia | canbia el còdexe]

El 2 de otobre 1968 la Guinea Equatorial xe diventà indipendente.
El primo presidente fu Francisco Macias Nguema. Dopo n’ano al poder, el presidente gha fato arrestar tuti i membri de l’oposision. Piasse de 160 000 citadini ie scapà via, e el regno del terrore scominsiò en la Guinea.

El neodo del presidente, Teodoro Obiang Mba Nzago, gha fato un colpo de Stato nel 1979 e gha fato copar so zie par "crimini de guera".
Dopo essarse preparà na nova costitusion, el presidente Obiang sa tolto tuti i poteri esecutivi del governo. El presidente ancò pol far quel chel vol, proclama le legi chel vol lu, fa e disfa el governo, roba la majoria dei schei de lo Stato, senza che nissun posa dir niente.

Giografia politega[canbia | canbia el còdexe]

La cavedal, Malabo [3] xe su la isola de Bioko.

La Guinea xe divisa in sete provincie:

Provincie de la Guinea Ecuatorial
  • Annobon
  • Bioko del nord
  • Bioko del Sud
  • Centro-Sud
  • Kié-Ntem
  • Costa
  • Wele-Nzas

Popolasion[canbia | canbia el còdexe]

Etnie[canbia | canbia el còdexe]

La tribù piasè granda xe i fang, un grupo bantu che gha conquistà quasi tuto el teritorio. Anco i fang xe l’ 80% de la popolasion. I fang ie divisi in 67 clan.
I bioko xe el 15%, el resto xe formà da grupi picinini (ndowe, bujeba, balengue, kombi, and benga).

Su l’isola de Annobon se cata popolasioni de l’Angola, portà da i portoghesi nel XIX secolo.

Religion[canbia | canbia el còdexe]

Catolici 92%, religioni tradizionali 7%, musulmani 1%.

Economia[canbia | canbia el còdexe]

La Gunea la produse cacao, legname e pexe. Nel 1997, i gha catà de i giacimenti petroliferi e el governo gha venduo i diriti de sfrutamento a de le compagnie mericane. I schei del petrolio i a fato salir le entrate de lo Stato. Ancò, el citadin medio de la Guinea guadagna 25,000 euro a l’ano. La popolasion, parò, no gha visto cambiamenti e do terzi de la xente vive soto el livel de la povertà (manco de un euro al di).

Curiosità[canbia | canbia el còdexe]

Uno dei magiori opositori del ditator Obiang xe el studioso svizero Max Liniger-Goumaz. Liniger-Goumaz gha publicà tanti libri e articoli par dir la verità su la situasion en Guinea. El gha anca publicà la Bibliografia de la Guinea Equatorial, na lista de tuti i libri, articoli e altro amterial aparso su la Guinea in tuto el mondo. La Guinea Equatorial, paexe povero e con pochi ghe gha studià a l’università, l’è l’unico paexe africano a verghe na bibliografia de sto tipo.

Galeria de someje[canbia | canbia el còdexe]