Senegal

Da Wikipedia, l'ençiclopedia libara.
Va a: navigasion, serca


Senegal
Senegal - Bandiera
Senegal - Stemma
Motto: Un Peuple, Un But, Une Foi
(Tradusion: Un Popoło, un Scopo, un Credo)

LocationSenegal.png


Informasion
Nome par intiero: Republica del Senegal
Nome ufisiałe: République du Sénégal,
Łéngoa uficiałe: francexe
Cavedal: Dakar  (2.079.000 ab. / 2000)
Polìtega
Governo: Republica
Capo de stato: Abdoulaye Wade
Capo de governo: Macky Sall
Indipendensa: Da ła Francia, 4 de apriłe 1960
Ingreso a l'ONU: 28 de setenbre 1960
Area
Totale: 196.190 km²
Pos. nel mondo: 85°
 % delle acque: 2,1 %
Popolasion
Totałe: 10.284.929 ab.  (2002)
Pos. nel mondo: 75°
Densità: 52 ab./km²
Giografia
Continente: Africa
Fuxo oràrio: UTC
Economia
Vałuta: Franco CFA
Energia:
Varie
TLD: .sn
Prefiso tełef.: +221
Sigla autom.: SN
Ino nasionałe: Pincez Tous vos Koras, Frappez les Balafons
Festa nasionałe: 4 de apriłe

Sg-map.png

La republica del Senegal xe no Stato de l'Africa occidental. A Ovest la confina co el Oxeano Atlantico, a nord co la Mauritania, co el Mali a est, co la Guinea Conakry e la Guinea Bissau a sud. El Gambia xe no Stato incunea’ rentro en tel Senegal. La lengoa ofisial xe el francexe. La cavedal xe Dakar.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Senegal.

El Senegal l’è stà abità fin da ła preistoria. El paexe el xe stà colonizà da vari regni regionałi par la so importansa par le piste comerciali. El Islam l'è rivà nel XI secolo. El impero de i mandingo controlava na parte del Senegal nei secoli XIII e XIV. El regno de i jolof controlava el nord a ło steso tenpo. I europei fasea marcà ne i porti su la costa dal XVI secolo. Nel 1677, i francexi gha comprà l’isola de Gorée, poco fora de Dakar. Da qui partea le navi co i sciai. (Bisogna parò stare atenti, el forte de i sciavi che i turisti visita ancò na gha gniente a che fare co la trata dei sciavi de na olta). Nel 1850, i francesi gha scomincià a far guera co i regni de l’interno (Waalo, Cayor, Baol, and Jolof) par conquistar el teritorio su la teraferma.

Nel janaro 1959, Senegal e Sudan Francexe i se univa en federasion auto-governata. La federasion la xe durada poco. Nel agosto de lo steso ano, i do paexi i se gha diviso con la creasion de le republiche del Senegal e del Mali. Léopold Senghor fu eleto primo presidente del Senegal. Nel 1980, Senghor sa ritirà da la politica, on dei pochi presidenti africani a lasar el poder de so volontà. El novo presidente el xe stà Abdou Diouf.

Nel 1982, el Sengal e el Gambia i sa unìo en te na federasion, che parò l’è stà disolta nel 1989. A lo steso tempo, la region de la Casamance, a sud de el Gambia, gha scominsià a far na guera de autoderminasion che la va avanti fin ancò. En tel 1990-91 ghe stà na breve guera de confin co la Mauritania, specialmente ne la zona de Rosso. Diouf l’à govarnà par quatro legislature e gha promoso l’economia. Nel 2000, Abdoulaye Wade, capo de l’oposision, l'è diventà el terzo presidente de el Senegal.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia del Senegal.

El Senegal l'è un paese pianegiante, la colina pi alta l’è rente a Nepen Diakha e la xe alta solo 584 metri. Al nord ghe el fiume Senegal che fa da confin co la Mauritania. Al sud, ghe foreste tropicali. L’est del paexe fa parte del Sahel.

Economia[canbia | canbia sorxente]

L’industria produse cemento, fertilizanti chimici, prodoti texili, e prodoti alimentari. El turismo l’à na industria importante. La pesca la serva par el marcà interno e par l’esportasion. L’agricoltura la serve el marcà interno, anca se el Senegal espora bagigi, coton e fruta. L’Itałia xe uno dei Stati pi inportanti par el marcà col Senegal.

Popolasion[canbia | canbia sorxente]

La majoria de la zente la vive ne le zone rurali. I wolof xe el grupo pi importante (43%), i Peul e i Toucouleur i xe al 24%, el resto xe grupi etnici picoleti: Serer (15%), Lebou (10%), Jola (4%), Mandinka (3%), Naarkajors, Soninke, Bassari. Tuti sti grupi gha la so lengoa, anca se el wolof xe ła łéngoa franca parlà da tuti.

Religion[canbia | canbia sorxente]

Moschea de ła Divinità, Ouakam

La majoria de i senegalexi i xe musulmani. El islam de el Senegal xe organizà atorno a le fratelanze Sufi. I do pi importanti grupi xe i Tijaniyya e i Murydyyya. I Catoleghi xe el 5%, ma i forma na comunità influente. El primo presidente del Senegal xera un catolego.

Curiosità[canbia | canbia sorxente]

La cità de Dakar l’è ciama così par la presenza de i tamarindi, dakar en wolof. La cità de Rufisque la deve el nome al fiume da le acque fresche, rio frisco en portoghexe.

Stati del mondo | Africa
Flag of Algeria.svg Algeria | Flag of Angola.svg Angoła | Flag of Benin.svg Benin | Flag of Botswana.svg Botswana | Flag of Burkina Faso.svg Burkina Faso | Flag of Burundi.svg Burundi | Flag of Cameroon.svg Camerun | Flag of Cape Verde.svg Capo Verde | Flag of Chad.svg Ciad | Flag of Côte d'Ivoire.svg Costa d'Avorio | Flag of Egypt.svg Egito | Flag of Eritrea.svg Eritrea | Flag of Ethiopia.svg Etiopia | Flag of Gabon.svg Gabon | Flag of The Gambia.svg Gambia | Flag of Ghana.svg Ghana | Flag of Djibouti.svg Gibuti | Flag of Guinea.svg Guinea | Flag of Equatorial Guinea.svg Guinea Equatorial | Flag of Guinea-Bissau.svg Guinea-Bissau | Flag of the Comoros.svg Comore | Flag of Kenya.svg Kenya | Flag of Lesotho.svg Lesotho | Flag of Liberia.svg Liberia | Flag of Libya.svg Libia | Flag of Madagascar.svg Madagascar | Flag of Malawi.svg Malawi | Flag of Mali.svg Małì | Flag of Morocco.svg Maroco | Flag of Mauritania.svg Mauritania | Flag of Mauritius.svg Mauritius | Flag of Mozambique.svg Mozambico | Flag of Namibia.svg Namibia | Flag of Niger.svg Niger | Flag of Nigeria.svg Nigeria | Flag of the Central African Republic.svg Republica Sentrafricana | Flag of the Democratic Republic of the Congo.svg Rep. Dem. del Congo | Flag of the Republic of the Congo.svg Republica del Congo | Flag of Rwanda.svg Ruanda | Flag of Sao Tome and Principe.svg São Tomé e Príncipe | Flag of Senegal.svg Senegal | Flag of Seychelles.svg Seychelles | Flag of Sierra Leone.svg Siera Leon | Flag of Somalia.svg Somałia | Flag of South Africa.svg Sudafrica | Flag of Sudan.svg Sudan | Flag of South Sudan.svg Sud Sudan | Flag of Swaziland.svg Swaziland | Flag of Tanzania.svg Tanzania | Flag of Togo.svg Togo | Flag of Tunisia.svg Tunixia | Flag of Uganda.svg Uganda | Flag of Zambia.svg Zambia | Flag of Zimbabwe.svg Zimbabwe
Enclave e posedimenti europei
Flag of Spain.svg Ceuta (Spagna) | Flag of Spain.svg Melilla (Spagna) | Flag of France.svg Réunion (Fransa) | Flag of Saint Helena.svg Sant'Ełena (Regno Unìo)
Teritori con stato legałe mìa definìo
bandiera Sahara Ocidental