Eritrea

Da Wikipedia, l'ençiclopedia libara.
Jump to navigation Jump to search
Eritrea
(AR) دولة إرتريا
(AR) إرتريا
(TI) ኤርትራ
(AR) دولة إرتري
(FR) l’État d’Érythrée
Eritrea – Stema Eritrea – Bandiera
Dati aministradivi
Nome conpletoEritrea
Nome ufisiałe(AR) دولة إرتريا, (AR) إرتريا e (TI) ኤርትራ
Łéngue ufisiałitigrino, Łéngoa araba e inglexo
CavedałeAsmara
Pułìtega
Forma de goernoRepublica presidensiałe
Cao de GoernoIsaias Afewerki
Entrada inte el ONU28 de majo 1993
Superfise Totale117 600km²
% de łe àcuetrascurabile
Popołasion
Viventi3 497 000 (2019)
Taso de fertiłità4,284 (2014)
Xiografia
ContinenteAfrica
Confini
Fuxo orarioUTC +3
Economia
Valutanakfa
PIL (nomenałe)2 607 739 837,4 (2011)
PIL pro capite (nomenałe)582 (2011)
PIL (PPA)6 758 835 465 (2011)
ISU0,44 (2017)
Vàrie
Còdaxi ISO 3166ER, ERI, 232
TLD.er
Prefiso tełefònego+291
Sigla targa automobiłìstegaER
Festa nasionałeGiorno dell'indipendenza dell'Eritrea
Carte interative
Sito istitusionałe


Ł'Eritrea (en tigrìn Ērtrā) ła xé no Stato de l'Africa Oriental, che xe trova ne ła parte setentrionàl deł Corno d'Africa.
Ła confina coł Sudan a ovest, coł'Etiopia a sud e coł Gibuti a sudest.

Ł'est el nordest deł paéxe gàno na łonga łinea de costa sul mar Roso, diretamente de fronte a ł'Arabia Saudita e a ło Yemen.

Etimołogia[canbia | canbia el còdaxe]

El nome Eritrea vien dal greco eritros, che vol dir "roso".
El nome del Mar Roso l’è pasá al paexe quando i italiani gha ciamá la colonia Eritrea.

Giografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Giografia de l'Eritrea.

L’Eritrea xe on paexe seco, co precipitazioni scarse.
I altipiani xe fredi e co piova pi frequente.

Storia[canbia | canbia el còdaxe]

Search ballonicon2.svg Par savèrghene de pì, vardarse ła voxe Storia de l'Eritrea.

Antighità[canbia | canbia el còdaxe]

L’Eritrea xe sempre stá parte de i regni etiopici dal VIII secolo a.C. fin a la conquista islamica del VII secolo d.C..

En tel 1557, i otomani gha conquistá i porti de Massaua e Arqiqo, e gha lasá la conquista de le tere de l’interno a grupi de coloni egiziani.
Co la fin de la presenza egiziana in Sudan, l’Etiopia sa tolto i distreti de la pianura che gavea perso na olta.

Modernità[canbia | canbia el còdaxe]

I Italiani xe rivá in Eritrea co de le compagnie comerciali che gha comprá i porti da i otomani. El armador Raffaele Rubattino de Genova gha comprá la baia de Assab nel 1870.
Ł'Eritrea xé divegnua ofiçialmente cołonia itałiana el 1 genaro 1880. El governo italiano comprò a so volta el porto de Assab da Rubattino nel 1882. Nel 1885 xe la olta de Masaua. En tel 1890, tuta l’Eritrea xera italiana.
L’Italia gha costruio strade, ponti, la ferovia Masaua-Asmara e altre infrastruture importanti. Tanti coloni italiani gha costruio novi quartieri in Asmara e svilupá l’agricoltura.

Co la seconda guera mondiale, l’Italia gha perso el control su l’Eritrea, che xe stà dichiarà protetorato inglexe fin al 1952.
En tel 1952, l’ONU gha restituio l’Eritrea a l’Etiopia.

Nel 1961 el Fronte de Liberasion Eritreo (FLE) gha scominsiá la guerilia.

Indipendensa[canbia | canbia el còdaxe]

Ł'atuałe Stato deł'Eritrea guadagnò l'indipendensa da ł'Etiopia dopo na guera de trent'ani, conbatuta fra el 1961 el 1991.

L’indipendenza rivò nel 1993.

On fronte de guera de confin co l’Etiopia sa riaverto en tel 1998 e ghe ancora tension tra i do paexi.

El Presidente Afeworki no pol perdonar a la cexa de verghe parlá apertamente de i problemi del paexe e de la militarizasion forzada [1]: el governo de l'Eritrea gha arestá el patriarca ortodoxo Antonios en nel 2006 e lo gha sostituio co on laico; el gha anca prová a far lo steso co la cesa catolega, sensa riusirghe; en tel novembre 2007, el governo el gha espulso 15 misionari stranieri e tentá n'altra olta de nasionalizar tute le propietá de la cexa.

Oservatori internasionali e i militari de l'ONU che controla la frontiera co l'Etiopia i gha paura che l'Eritrea la tentará n'altra guera par rivendicar i tereni in man a l'Etiopia.

Giografia połitega[canbia | canbia el còdaxe]

Ła costitusiòn, adotata nel 1997, sancixe un regime de repùblica presidensiàl con parlamento monocamerałe; tutavia el proceso de ratifica de ła carta costitusional s'a interoto da quando, neł 1998, łe ostiłita co ł'Etiopia xe scominciá n'antra volta.

La cavedal xe Asmara.

Popolasion[canbia | canbia el còdaxe]

L'Eritrea ła xé no Stato multiłéngoe e multiculturàl.

Etnie[canbia | canbia el còdaxe]

In Ertitrea abita nove grùpi etnici: i tigrigna (50%) e i tigrè (40%) xe i do grupi pi grosi.
El resto della popolasion xe de etnia nara, kumana, afar, bilen, rashaida, hidareb e saho.

Religione[canbia | canbia el còdaxe]

La popolasion xe divisa tra cristianéximo (cexa ortodoxa oriental) e islamismo (sunita).

Łéngoe[canbia | canbia el còdaxe]

L'Eritrea no gà na łéngoa ofiçiałe.
Neł paéxe son utilixà quatro łéngue: el tigrino, l'arabo, el itałiàn e l'inglexe.

Economia[canbia | canbia el còdaxe]

La majoria de la gente vive soto el livel de povertá.

L’Eritrea xe on paexe agricolo. L’agricoltura no xe bona de sostener la popolasion, specialmente in te i ani de sicitá.
L’ativitá mineraria, vivace durante el tempo colonial, no l’è de alcuna importansa ancò.

Le industrie se cata a Asmara.

Note[canbia | canbia el còdaxe]

  1. tuti i omeni gha da far el servisio militare e i pol cavar la divisa solo a 60 ani, lo steso par le done che pol lasar el militare a 50 ani. Nisun citadino pol lasar el paexe prima de compiar i 50 ani de etá
Controło de autoritàVIAF (EN152381756 · ISNI (EN0000 0001 2186 9846 · LCCN (ENn93074182 · GND (DE4015278-9 · NDL (ENJA00577628 · WorldCat Identities (ENn93-074182
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Eritrea&oldid=855069"