São Tomé e Príncipe

Da Wikipedia, l'ençiclopedia libara.
São Tomé e Príncipe
(PT) República Democrática de São Tomé e Príncipe
(PT) São Tomé e Príncipe
(FR) la République démocratique de Sao Tomé-et-Principe
São Tomé e Príncipe – Stema São Tomé e Príncipe – Bandiera
Dati aministradivi
Nome conpletoRepublica Democràtega de São Tomé e Príncipe
Nome ufisiałe(PT) República Democrática de São Tomé e Príncipe
Łéngue ufisiałiŁéngoa portoghexe
CavedałeSão Tomé
Pułìtega
Cao de GoernoMaria do Carmo Silveira
Entrada inte el ONU16 setenbre 1975
Superfise Totale1 001km²
% de łe àcue0
Popołasion
Viventi204 327 (2017)
Taso de fertiłità4,576 (2014)
Xiografia
ContinenteAfrica
Confini
Fuxo orarioUTC
Economia
Valutadobra di Sao Tomé e Principe
ISU0,59 (2017)
Vàrie
Còdaxi ISO 3166ST, STP, 678
TLD.st
Prefiso tełefònego+239
Sigla targa automobiłìstegaSTP
Ino nasionałeIndependência total
Festa nasionałe 
Carte interative
Sito istitusionałe

MusicBrainz: dcb0e217-84cb-3772-b98f-a7a7a1dbe185


São Tomé e Príncipe xe no Stato insulare de l'Africa sentral. El paexe el comprende le do ìzołe de l’arcipelago omònemo int'el Golfo del Biafra.
I stati pì visini i xe la Guinea Equatorial a nordest[1] e a sudovest[2], el Camerun, el Gabon a est la Nizeria a nord.

Giografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Giografia de São Tomé e Príncipe.

Co i so 1 001 km² de area, el paexe el xe el pì picenin de l’Africa.

São Tomé e Príncipe el xe n’arcipelago in tel Golfo de Guinea, che le se cata a 300 km a ovest del Gabon, poco sora l’equatore.
El xe formà da do ìzołe principali, São Tomé e Príncipe,[3], co altri ixoloti e scogli.

Storia[canbia | canbia el còdaxe]

Search ballonicon2.svg Par savèrghene de pì, vardarse ła voxe Storia de São Tomé e Príncipe.

Antighità[canbia | canbia el còdaxe]

I portoghezi xe stà i primi a visitar l’ìzoła de São Tomé[4] (1469), che l’era disabità. I portoghexi ga suito caiò l’importansa de ste ìzołe par i comerci co la costa e, dopo, par la trata dei sciavi.

I primi abitanti xera portoghexi che el goerna volea i stesi lontan de casa. Le ìzołe no sembrava verghe tante risorse naturali, ma le ndasea ben par la cana da sucaro. Sciavi africani vegnea portà su le ìzołe par coltivar la cana e par la fin del secolo XVI la colonia xera la prima produtrice de sucaro in Africa.

Modernità[canbia | canbia el còdaxe]

Inte el secolo XIX, dopo che la cana da sucaro xera andà fora de produsion, el cafè e el cacao xe stà importà su le ìzołe. Dopo pochi ani, São Tomé e Príncipe xe divantà le pi grandi esportatrici mondiali de cacao.
Anca se la schiavitù xera stà abolida inte el 1876, i latifondisti portoghexi gavea dirito de sfrutar i lavoratori de le piantagioni.

Inte el 1953 ghe fu na reolta de lavoradori co la risposta violenta del goerno [5].
On grupo picoleto de tomeani ga fondà el Movimento par la Liberasion de São Tomé e Príncipe e scominsià a domandare l’indipendenza.

Indipendenza[canbia | canbia el còdaxe]

Co la fin de la ditatura de Marcello Caetano in Portogalo inte el 1974, el proceso par la indipendenza xe stà veloce.
El 12 lulio 1975 Manuel Pinto da Costa prendeva la presidenza de la nova nasion.

Inte el 1990, co la lagalizasion del multiparitismo, Miguel Trovoada xe divegnù presidente, riconfermà inte el 1996.

Inte el 2003, l’esercito ga provà a far on colpo de stato a i dani del presidente Fradique de Menezes. I militari no xera contenti de la corusion e de la spartision dei proventi del petrolio. Dopo na mediasion de la Nizeria, i militari xe tornà ne le caserme.

Economia[canbia | canbia el còdaxe]

L'agricoltura xe oncora importante (cacao, cafè e oio de palma) ma no xe bona de sostegnar la domanda locale de cibo.
La pesca no la xe a livel comerciale.
El petrolio descoverto ne le àcue rente a l’arcipelago, stà diventando la pi grosa entrada par lo Stato.

Popolasion[canbia | canbia el còdaxe]

La zente de São Tomé la conta 140 000 abitanti, chela de Príncipe 6 000.

Etnie[canbia | canbia el còdaxe]

I xe i disendenti de sie grupi difarenti:

  • i mestiços [6] disendenti dei sciavi africani che vegnea dal Benin, el Gabon e el Congo.
  • angolares, i disendenti de sciavi angolani.
  • forros, disendenti de sciavi libarà a la fin del XIX secolo.
  • serviçais, lavoradori temporanei che vien da Angola, Mozanbico e Cao Verde.
  • tongas, i fioi dei serviçais, nadi su le do ìzołe.
  • eoropei, soratuto de orixene portoghexe.

Religion[canbia | canbia el còdaxe]

L’85% de la zente xe cristiana catolega.
I cristiani protestanti i xe l’1%, i altri segue religioni tradisionali.

Léngue[canbia | canbia el còdaxe]

La zente la parla portoghexe, ma anca lengoe creole (forro 85%, angolar 3% e principense 0,1%).

Note[canbia | canbia el còdaxe]

  1. ìzoła de Bioko
  2. ìzoła de Annobon
  3. che le ghe dà el nome a l’arcipelago e a lo Stato
  4. ciamada così parchè scoverta el dì de san Tomaso
  5. masacro de Batepá
  6. ciamai anca filhos da terra, "fioi de la tera"
Controło de autoritàVIAF (EN140101415 · ISNI (EN0000 0001 2343 0458 · LCCN (ENn50071938 · GND (DE4118426-9 · BNF (FRcb12023180b (data) · NDL (ENJA00575888 · WorldCat Identities (ENn50-071938
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=São_Tomé_e_Príncipe&oldid=1051104"