Alxeria

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Algeria
Jump to navigation Jump to search
Alxeria
(AR) الجمهورية الجزائرية الديمقراطية الشعبية
(FR) la République algérienne démocratique populaire
Alxeria – Stema Alxeria – Bandiera
Dati aministradivi
Nome conpletoRepublica Democratica Popolare de Algeria
Łéngue ufisiałiŁéngoa araba e Standard Algerian Berber
CavedałeAlgeri
Pułìtega
Forma de goernoRepubblica
Cao de GoernoAbdelaziz Belkhadem
Entrada inte el ONU8 otobre 1962
Superfise Totale2 381 741km²
% de łe àcuetrascurabile
Popołasion
Viventi41 318 142 (2017)
Taso de fertiłità2,857 (2014)
Xiografia
ContinenteAfrica
Confini
Fuxo orarioUTC +1 (CET)
Economia
Valutadinaro algerin
PIL (nomenałe)170 370 810 917,97 (2017)
PIL pro capite (nomenałe)4 055 (2017)
PIL (PPA)631 867 547 391 (2017)
ISU0,75 (2017)
Consumo enerxètego0,08 kWh/ab. anno
Vàrie
Còdaxi ISO 3166DZ, DZA, 012
TLD.dz
Prefiso tełefònego+213
Sigla targa automobiłìstega 
Festa nasionałe1 novembre
Carte interative


L'Algeria, ofisialmente Republica Popolare Democratica de l'Algeria el xe no Stato de l'Africa del nord e fa parte del Maghreb.
La confina co la Tunisia, la Libia, el Niger, el Mali, la Mauritania, el teritorio de el Sahara osidental e el Maroco.

Etimologia[canbia | canbia el còdaxe]

El nome Algeria vien da el nome de la cavedal al-Jazir, che vol dire le isole. Na olta ghera quatro isole rente de la costa, le se ciamava al-jazir Ban Mazghann, le isole de Bani Mazghanna. Da sto nome l'è vegnù al-Jazir, a l'eoropea Algeri.

Giografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Giografia de l'Algeria.

L'Algeria la xe la prima nasion africana par grandeza.

La majoria del teritorio fa parte del deserto del Sahara. Al sud ghe la catena de l'Atlas (Atlante) e l'altipian de Ahaggar.
La costa xe colinosa e con pochi porti naturali.

Storia[canbia | canbia el còdaxe]

Search ballonicon2.svg Par savèrghene de pì, vardarse ła voxe Storia de l'Algeria.

Antighità[canbia | canbia el còdaxe]

El teritorio che ancò conosemo come Algeria xe stà abità sin da i tempi preistorici. I primi abitanti certi xe i imazighen. Sta nasion gha abità l'Algeria fin da diese secoli prima de Cristo. I greci i le ciamava barbaroi - senza cultura - da do vien el nome berberi.
Con la cresita de la potensa de Cartagine, i berberi i xe stà sotomesi, fin al tempo de le Guere Puniche quandi i berberi gha fondà el regno de la Numidia. I romani gha conquistà la Numidia nel 200 AC e gha mantegnù el control fin a l'arivo de i vandali. Dopo i vandali, el imperator de Bisanzio controlaa la region fin a l'arivo de i arabi nel secolo VIII de la nostra era. Co i arabi e rivà en tel nord de l'Africa, i berberi gha resistio l'invasion, anca se i gha cetà la fede islamica.
La dinastia berbera de i Rustamidi gha unificà l'Algeria e conquistà l'Egito. Le dinastie seguenti, i Almoravidi e i Almohadi, gha regnà e portà la pace. Dopo la fin del periodo de i almohadi, le dinastie tunisine (Hafsidi), marochine (Marinidi) e algerine (Zayyanidi) i gha combatuo par el control de la regione. I spagnoli i controlaa la costa ne i secoli XV e XVI.

Modernità[canbia | canbia el còdaxe]

I francexi gha invaso Algeri en tel 1830. La guera de conquista la fu longa e vilenta, el 30% de la oppolasion civile xe stà copà da i francexi. I emiri Abdelkader, Ahmed Bey e Fatma N'Soumer gha guidà la resistenza che la durò fin al 1902.
I francexi gha confiscà la tera comune e ghe la data a i coloni francexi, italiani e spagnoli. La produsion agricola la crescea, ma la popolazion locale l'è diventà poareta e senza tera. Tuti i bianchi e i ebrei sefardici xe stà reconosù come citadini francexi, mentre la magioranza musulmana no la gha recevù nisun riconosimento.
En tel 1954, el Fronte Nasional de Liberasion (FNL) gha tacà la guerilia contro i francexi. La guera l'è finia nel 1962 co l'indipendenza de l'Algeria.
El primo presidente xe stà Ahmed Ben Bella, che gha perso la presidenza durante el colpo de Stato de Houari Boumédienne en tel 1965. Boumédienne gha nasionalizà la tera e la produsion agricola. Soto de lu, el paexe sa meso nel movimento dei i paexi non alineadi, e gha scomizià la guera freda col Maroco. Co la morte de Boumédienne nel 1978, Chadli Bendjedid l'è salì al poder. Soto de lu, i berberi gha scominsià a domandare i so diriti e i integralisti islamici volea la sheria (legge islamica). Le proteste de piasa e ne le uiversità gha portà a la fin del partito unico nel 1988 e a le nove elesioni en tel 1991. I islamici gha vinto le elesioni e l'esercito l'è intervegnù. La guera civil xe scominzià così, i islamici contro l'esercito e altri grupi. En diexe ani, pì de dozentomila persone xe morte par la violenza. Nel 1999, Abdelaziz Bouteflika fu eleto presidente e la guera civile l'è finia dopo un par de ani. I berberi I xe stà riconosudi e la loro lengoa, el tamazight, xe lengoa nasional dal 2002.

Giografia połitega[canbia | canbia el còdaxe]

Sudivixion aministrative[canbia | canbia el còdaxe]

Ła Algeria ła xe divixa in 48 province (wilāyāt)[1]. Ła numerasion de łe provincie ła seve un ordene uficial.

Province de ła Algeria
  • 01 Adrar
  • 02 Chlef
  • 03 Laghouat
  • 04 Oum el-Bouaghi
  • 05 Batna
  • 06 Béjaïa
  • 07 Biskra
  • 08 Béchar
  • 09 Blida
  • 10 Bouira
  • 11 Tamanrasset
  • 12 Tébessa
  • 13 Tlemcen
  • 14 Tiaret
  • 15 Tizi Ouzou
  • 16 Algeri
  • 17 Djelfa
  • 18 Jijel
  • 19 Sétif
  • 20 Saida
  • 21 Skikda
  • 22 Sidi Bel Abbes
  • 23 Annaba
  • 24 Guelma
  • 25 Constantina
  • 26 Médéa
  • 27 Mostaganem
  • 28 M'Sila
  • 29 Mascara
  • 30 Ouargla
  • 31 Orano
  • 32 El Bayadh
  • 33 Illizi
  • 34 Bordj Bou Arréridj
  • 35 Boumerdès
  • 36 El Tarf
  • 37 Tindouf
  • 38 Tissemsilt
  • 39 El Oued
  • 40 Khenchela
  • 41 Souk Ahras
  • 42 Tipasa
  • 43 Mila
  • 44 'Ayn Defla
  • 45 Naama
  • 46 Aïn Témouchent
  • 47 Ghardaïa
  • 48 Relizane

Cavedal e altre sità[canbia | canbia el còdaxe]

La cavedal xe Algeri.

Popolasion[canbia | canbia el còdaxe]

Etnie[canbia | canbia el còdaxe]

El 99% de la popolasion xe araba/berbera. La majoria asoluta xe de origine berbere, ma ghe tanti che se considera arabi de cultura. I berberi se divide in grupi: kabilia, chaoui, mozabiti, e tuareg.
El resto xe ebrei sefarditi e eoropei.

Religion[canbia | canbia el còdaxe]

La popolasion xe in majoria asoluta islamica.
Ghe xe minoranze ebree (200,000 fedeli) e catoleghe (50,000 fedeli).

Economia[canbia | canbia el còdaxe]

El 10% de la popolasion laora ne l'agricultura (olive, cotone, tabaco, palme da fibra, fighi, sughero).
El pi importante setor xe quel petrolifero, 60% de le entrate nasionali. Ghe riserve par 12 miliardi de barili de petrolio e 6 biliardi de metri cubi de gas.

Controło de autoritàVIAF (EN1144898516950291388 · ISNI (EN0000 0004 0529 7018 · LCCN (ENn79064760 · GND (DE4001179-3 · BNF (FRcb118621987 (data) · NLA (EN35003176 · BAV ADV11356231 · NDL (ENJA00560369 · WorldCat Identities (ENn79-064760
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Alxeria&oldid=950828"