S-ciavismo en Africa

Da Wikipedia, l'ençiclopedia libara.

El S-ciavismo in Africa el xe senpre esistio. El steso nome del continente el vien da na raixa fenicia (AFR) che ła vol dire s-ciavo, sotomeso. Se dee sotolineare che el s-ciavismo el ga vù n’inpato diverso sol continento łongo i secoli. En te i ultimi secołi, inportanti le xe stà łe trate atlantiche, orientali e łe nove forme de s-ciavitù che łe ga meso la majoria de la popołasion africana in na situasion de sfrutamento e de łimitasion de la libartà personale.

S-ciavismo locale[canbia | canbia el còdaxe]

Trasporto de s-ciavi in Africa in tel XIX secolo

I s-ciavi i xe senpre esistii in Africa. Ne ła majoria de i casi, se tratava de forme de aservimento de nemici o de zente che no la podea pagar i debiti. Senz’altro, tanti s-ciavi i ga visù ła so situasion come normale, parte de ła vita. No ghe xe mancà, purtropo, anca forme catie, viołente de s-ciavitù tra africani. Bisogna anca tegnar conto che i s-ciavi i no gavea na vita pi dura de i contadini soto paron.

Da vari documenti se caise che quasi tute łe siviltà pi grandi del pasà le vivea grasie al laoro de i s-ciavi. En te la rejon del Seneganbia, dal 1300 al 1900 on terzo de la popołasion la xera de s-ciavi. Lo steso se pol dir de i regni del Ghana, Mali, Segou, e Songhai. En tel XIX secolo, metà de la popołasion de la Siera Leon la xera formà da s-ciavi. De tuti i regni de cui ghemo documentasion se pol dir lo steso.[1][2][3][4][5][6]

S-ciavismo in Songhai[canbia | canbia el còdaxe]

El regno Songhai a lo so masima espansion

EN tel ergno del Songhai no ghe xeera na diferenza pratica intrà s-ciavi e contadini vasali. Ste do categorie de lavoradori le xera utilizade da la clase dominante par i so interesi. I s-ciavi i podea verghe propietà privada e anca riscatar la so vita. I nobili i podea anca sposar na dona de le caste pi base.[7].

Etiopia[canbia | canbia el còdaxe]

La majoria de i s-ciavi in Etiopia la vegnea usada par i laori de casa. I xera menbri de la fameja, ancse se considerà inferiori. I s-ciavi i gavea da magnare, i vestii e la protezion de i paroni.[8] Le s-ciave le gavea anca el ruole de concubine. I s-ciavi i podea far marcà e tegnarse i guadagni.[9] L’imperator Tewodros II (1855-1868) el ga stabilì la fin da la s-ciavitù,[10], anca se de fato la s-ciavitù la xe rimasta legale fin al 1923, co l’Etioipa la xe entrada inte la Lega de le Naxioni.[11] No bisogna dismentegarse che l’Etiopia la gavea on sistema de latifondismo do anca i omeni libari i dovea laorar par i signoroti come servi de la gleba. On quarto de la popołasion i xera s-ciavi.[12] La fin de sto sistema la xe rivà solo ch een tel 1942.[13][14][15]

Somalia[canbia | canbia el còdaxe]

En tel sud de la Somali se cata de le popołasion nere bantu. Sta zente no la xe originaria del Corno d’Africa. I xe i disendenti de i s-ciavi portà qi in tel XIXX e XIX secolo da i marcanti swahili e arabi. Ancò i bantu somali i xe 700 000, su na popołasion de 11 milioni de abitanti. I bantu i se sa sedentarisà e i pratica l’agricoltura. Ancora deso i xe discriminà da la majoria de la popołasion.[16]

Nord Africa[canbia | canbia el còdaxe]

En tel nord d l’Africa, i s-ciavi i ghe xe senpre stà. La majoria de i s-ciavi i vegnea da le rejoni a sud del Sahara, ma ghe xera anca tanti s-ciavi eoropei, rapì da i arabi e i berberi so le coste del Mediteraneo.[17][18] En te la società saharawi ghe xera tante caste, co na società fonrtemente stratificà. I haratin i e senpre stà la casta pi basa. Neri e s-ciavi, i haratin i xe s-ciavi anca ancò.[19][20][21]

S-ciavi esportà[canbia | canbia el còdaxe]

Trata setentrionale[canbia | canbia el còdaxe]

La pi vecia trata de s-ciavi africani la xe quela trans-sahariana ocidentale. Dopo el X secolo, co l’arivo de i dromedari e la penetrasion araba longo el Nilo co la caduta de i regni cristiani de la Nubia, la trata la sa verto anca a la zona orientale del nord del continente. Dal X al XIX secolo, almanco on milion de africani i xe rivà so le coste mediteranee come s-ciavi. Bisogna tegnar conto de i miliari de africani che i xe morti durante el tragito.[22] El numaro el xe pi grande in tel sol XIX secolo. I s-ciavi vendui inte i mercati del Maghreb i deventava parte de la fameja che li conpraa. On bon numaro de s-ciavi i vegnea usadi come soldadi. Le done le diventava concubine.[23] La majoria de i s-ciavi maschi i vegnei castradi e alcuni i laorava inte i harem.[24] El sultan marochin Moulay Ismail el ‘sanguinario’ (1672-1727) el gavea n’armata de 150 000 s-ciavi neri chiamada la Guardia Nera, che lo ga jutà a sotometar el paese.[25]

Trata Orientale[canbia | canbia el còdaxe]

Co i navigadori arabi i xe stà boni de controlar le rote de l’oceano Indiano (IX secolo), i ga tacà a far marca de s-ciavi. I primi tenpi, i vendea qualche miliaro de s-ciavi a l’ano. On po’ a la olta, la trata la vendea 40 000 s-ciavi a l’ano, co on pico de 50 000 in tel sol marcà de Zanzibar par tuto el XIX secolo.[26] Altretanti i ga lasà l’Africa pasando da i porti minori del Corno d’Africa e del nord del Mozanbico.[27]. I marcanti i ga catà su schei e richeze. Basta ricordarse de Tippu Tip, che a la so morte el gavea sete piantagioni a Zanzibar e pi de diesemila s-ciavi. I marcanti i atacava i vilagi, copando tuti quei che i se se difendea. Tanti i moria su la strada verso la costa.[28][29][30][31] Da i calcoli fati da i storici, se sa che almanco 17 milioni de s-ciavi i ga traversà el Mar Roso, l’oceano Indiano e el Deserto del Sahara tra el 650 e el 1900.[32][33]

La Trata Atlantega[canbia | canbia el còdaxe]

La trata de i s-ciavi che pasava da l’oceano Atlantego la xe stà pi curta de le altre, ma altretanto violenta. I s-ciavi i servea a le piantagioni del sudamerica. Manodopera a baso costo e forte la dovea sopiantar i indiani latinoamericani che i morea soto lo sforso fisico, le malatie portà da i eoropei e la violensa de i coloni. Portoghexi e spagnoli i ga scominsià a usar i s-ciavi fin dal 1501.[34][35] En tel 1452, el Papa Nicola V el ga scrito on documento do el ge dava al re del Portogalo Afonso V el dirito de far s-ciavi el “saraceno, pagano o senza fede”. L’obietivo del Papa el xera quelo de sostegnar la lota contro i pirati arabi e berberi che infestava el Mediteraneo. Stò documento el xe, invese, utilizà par darghe valor legale a la trata. I paexi protestanti i no se sa mai fato on problema, e co el marcà nordamericano el ga volesto s-ciavi, i paexi del nord Eoropa i xe entrà in tel marcà. I inglexi i ga presto tolto el monopolio de la trata atlantega.[36] El pico de la tratta atlantega el xe stà in tel XIIX secolo. I marcanti i crompava i s-ciavi da i re locali de la costa africana. I regni de Oyo (yoruba), Kongo, Benin, Fouta Djallon, Kaabu, Dahomey, i xe diventà richi co la trata.[37][38]

Regni locali[canbia | canbia el còdaxe]

I re del Dahomey i vendea i prisonieri de guera, che i saria stà destinà a la morte durante le feste nazionali de tuti i ani.[39][40][41] L’impero Bambara e i regni Khasso i ga scominsià a far guere propio par caturar s-ciavi da vendar.[42] L’impero del Benin el xe diventà rico inte i secoli XVI e XVII propio co la trata. I s-ciavi i vegnea vundudi a portoghexi e olandexi. El golfo de Benin el xera conosù come “La costa dei schiavi”.[43][44]

Efeti de la s-ciavitù[canbia | canbia el còdaxe]

Efeti in Africa[canbia | canbia el còdaxe]

Tuti i dixe che la trata de i s-ciavi la xe stà on fenomeno negativo par el continente. La discusion tra i storici la xe so i efeti che la trata la ga vù su i vari regni e popołasioni. La trata la ga impoverio vasti trati africani. A lo steso tenpo, alcune etnie le ga beneficià da el marcà de i s-ciavi. Basil Davidson, no storico inglexe de l’Africa chel ga de frecuente mostrà na tendensa a difendare l’Africa pitosto che l’Eoropa, el dixe che vaste aree de l’Africa Ocidentale le ga vù on beneficio da la trata de i s-ciavi.[45] Altri storici i ga demostrà che, ad esenpio, la Guinea la gavea introiti anui de 3,5 milioni de sterline inglexi ne i ultimi ani del XIIX secolo. Ne i stesi ani, el RegnoUnio – la grande potensa econòmega del tempo –la gavea un introito de 14 milioni di sterline. L’afluensa econòmega la ga vù na ricaduta positiva su le società che le aministrava la tratta.

Il trafico trans-sahaiano el xe stà pi limitato, co s-ciavi che i ndava a laorar inte le case de i paroni. La trata longo el Nilo, parò, la xe stà dramatica, come i ga scrito i testimoni del tenpo: Daniele Comboni, Gordon Pashà, Romolo Gessi. I misionari catoleghi che i xe rivà an te la rejon del Sudd i ga dito che tante zone le xera disabità par via de i s-ciavisti.

Da la parte de i s-ciavi, el xe ciaro che la s-ciavitù no la posa esar vista come positiva. Lo s-ciavo el xe sempre stà opreso, maltratà, sensa libartà e sensa diriti umani.

Efeti in ocidente[canbia | canbia el còdaxe]

La trata la ga dato on inpato econòmego a le economie ocidentali. Co i s-ciavi, i paexi colonisadori i ga podù svilupar le piantagioni e le miniere inte le Americhe. L’acumolo de caitale el ga parmeso lo svilupo industriale de l’Eoropa.

Varie società de i diriti umani le ga conbatù la trata, che la xe stà mesa fora lege solo co le considerasion politeghe le ga favorì la fin de la s-ciavitù. I inglexi i ga caio che sensa s-ciavi le economie de le Amreiche le saria andà a remengo, e che el xera posìbiłe utilixar la lota a i s-ciavisti par metar fin a el control islamico so la trata in Africa. L’abolision de la s-ciavitù la ga parmeso a i inglexi de diventar pi forti politegamente e econòmegamente, e de ocupare vasti trati de Africa co la scusa de la guera a la trata.[46] Simili considerazioni permisero la vittoria degli abolizionisti in Francia.[47]

Abolision[canbia | canbia el còdaxe]

En Eoropa, anca a causa de la Rivolusion Francexe, la sensibilità a i diriti umani la xe cresuda inte i secoli XVIII e XIX. La Fransa la xe stà la prima nazion eoropea a abolir la s-ciavitù in tel 1794. Napoleone la ga rimesa in piè in tel 1802, e l’abolision definitiva la xe rivà in tel 1848. I inglexi i ga abolio la s-ciavitù in tel 1807.[48] En tel 1820 anca i Stati Unii de America i ga abolio la s-ciavitù.[49] I inglexi i ga dato ordine a la marina de fermar le navi de i s-ciavisti e de libarar i s-ciavi. Tra el 1808 e el 1860, el “West Africa Squadron” – Squadrone de l’Africa Ocidentale – el ga fermà 1.600 navi di s-ciavisti e el ga libarà 150 000 s-ciavi.[50] El Portogalo el ga continuà par qualche ano, ma la trata atlantega la xe terminada par la metà del secolo XIX.

La trata de i paexi islamici la xe ndà vanti oncora par on toco. La marina inglexe no la podea controlar tuto el trafico fato co barche picole longo la costa. El porto de Aden el xe imasto on centro de s-ciavismo fin a i tenpi moderni. A l’interno de l’Africa, i s-ciavi i ghe ancora. Tuti i stati i ga abolio la s-ciavitù, ma la pratica la continua in Sudan, Ciad, Nizer, Mauritania.[51] En Mauritania almanco 600 000 persone – 20% de la popołasion – i xe s-ciavi .[52][53] En Nizer l’8% de la popołasion la xe de s-ciavi.[54][55] No se pol dismentegarse de le nove forme de s-ciavitù. En te i paexi che ga visto guere sivili (Congo, Sierra Leone, Liberia, Angola, Mozambico e altri), done, buteleti e anca omeni adulti i xe stà usà par jutare i militari, scavar inte le miniere, come ogeti sesuali. Lo steso se pol dir de i abitanti de le tante baracopoli africane, abità da zente che la guadagna manco de on dolaro al dì e vive in zone urbane do la vita la costa come in Eoropa.

Note[canbia | canbia el còdaxe]

  1. Welcome to Encyclopædia Britannica's Guide to Black History
  2. Slow Death for Slavery - Cambridge University Press
  3. Digital History Slavery Fact Sheets Archivià il 6 de novenbre 2006 in Internet Archive.
  4. Tanzania - Stone Town of Zanzibar Archivià il 20 de otobre 2007 in Archive.is.
  5. Fulani slave-raids (ligo ronpesto dispunìbiłe in Internet Archive; védarse el istòrego, la prima version e ła ùltema).
  6. Central African Republic: History Archivià il 14 de otobre 2012 in Internet Archive.
  7. "Slavery In Arabia", "Owen 'Alik Shahadah".
  8. Ethiopia - The Interregnum
  9. "Ethiopian Slave Trade"africanholocaust.net.
  10. Tewodros II
  11. Kituo cha katiba >> Haile Selassie Profile
  12. Twentieth Century Solutions of the Abolition of Slavery Archivià il 15 de majo 2011 in Internet Archive.
  13. The slave trade: myths and preconceptions Archivià il 21 de lujo 2011 in Internet Archive.
  14. Ethiopia Archivià il 21 de majo 2012 in Internet Archive.
  15. Chronology of slavery
  16. Africa's Lost Tribe Discovers American Way
  17. Historical survey > The international slave trade
  18. Arabs and Slave Trade
  19. Slavery in The Sahara Archivià il 6 de febraro 2008 in Internet Archive.
  20. Fair elections haunted by racial imbalance
  21. Caste: One in every 25 people suffers from caste discrimination
  22. Fage, J.D. A History of Africa. Routledge, 4th edition, 2001. pg. 256
  23. Battuta's Trip: Journey to West Africa (1351 - 1353) Archivià il 28 de zunjo 2010 in Internet Archive.
  24. "Myths regarding the Arab Slave Trade", "Owen 'Alik Shahadah".
  25. Lewis. Race and Slavery in the Middle East. Oxford University Press 1994. Archivià il 1º de aprile 2001 in Internet Archive.
  26. Swahili Coast Archivià il 6 de disenbre 2007 in Internet Archive.
  27. Fage, J.D. A History of Africa. Routledge, 4th edition, 2001. pg. 258
  28. David Livingstone; Christian History Institute Archivià il 7 de marso 2005 in Archive.is.
  29. The blood of a nation of Slaves in Stone Town Archivià il 25 de disenbre 2008 in Internet Archive.
  30. BBC Remembering East African slave raids
  31. Zanzibar
  32. The Unknown Slavery: In the Muslim world, that is -- and it's not over
  33. The Forgotten Holocaust: The Eastern Slave Trade
  34. John Henrik Clarke. Critical Lessons in Slavery & the Slavetrade. A & B Book Pub
  35. HEALTH IN SLAVERY
  36. The National Archives | Exhibitions & Learning online | Black presence | Africa and the Caribbean
  37. The Great Slave Empires Of Africa Archivià il 15 de otobre 2007 in Internet Archive.
  38. The Transatlantic Slave Trade
  39. Museum Theme: The Kingdom of Dahomey Archivià il 1º de otobre 2018 in Internet Archive.
  40. Dahomey (historical kingdom, Africa)
  41. Benin seeks forgiveness for role in slave trade
  42. Le Mali précolonial Archivià il 1º de disenbre 2011 in Internet Archive.
  43. The Story of Africa
  44. African Slave Owners
  45. Basil Davidson, Black mother : Africa and the Atlantic slave trade Harmondsworth: Penguin Books, 1980.
  46. Digital History Archivià il 26 de febraro 2009 in Internet Archive.
  47. Guillaume Daudin « Profitability of slave and long distance trading in context : the case of eighteenth century France », Journal of Economic History, vol. 64, n°1, 2004
  48. The legal and diplomatic background to the seizure of foreign vessels
  49. 1820 U.S. Law on Slave Trade Archivià il 25 de majo 2008 in Internet Archive.
  50. Sailing against slavery
  51. Human Rights Watch Slavery and Slave Redemption in the Sudan
  52. The Abolition season on BBC World Service
  53. Poverty, tradition shackle Mauritania's slaves Archivià il 19 de novenbre 2009 in Internet Archive.
  54. Born to be a slave in Nizer By Hilary Andersson, BBC Africa Correspondent, Nizer
  55. The Shackles of Slavery in Nizer


Linganbi foresti[canbia | canbia el còdaxe]

- British site commemorating 200 years since the passing of Abolition of the Slave Trade Act
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=S-ciavismo_en_Africa&oldid=1165697"