Storia del Gabon

Da Wikipedia, l'ençiclopedia libara.
Va a: navigasion, serca
Mapa del Gabon

I primi abitanti del Gabon i xe stà i pigmei. Verso el X secolo, le xe rivà le prime etnie bantu, che le gha dato vita all'etnia mpongwe. I ultimi a rivar i xe i fang che scendea da nord e i se sa stabilì in Gabon dozento ani fa sirca. I portoghexi i xe rivà en tel XV secolo e i gha usà i porti naturali del Gabon far la trata de i sciavi. Dopo de lori, anca inglexi, francexi e olandexi i vegnea su ste coste par crompar sciavi.

Colonialismo[canbia | canbia sorxente]

Dal 1839 i francexi i gha scominsià a far acordi co i capi de le etnie de la costa. I francexi i ofriva protesion en canbio de acordi comerciali. En tel 1849, na nave de sciavi la xe stà caturada fora da la costa e i sciavi libaradi rente del fiume Komo. I sciavi i gha costruio na sitadina, ciamada Libreville, "sità libara". Par el 1885, tto el Gabon el xera en mane francexi che i gha meso n’aministrasion governativa za nel 1903.

Indipendensa[canbia | canbia sorxente]

Dopo la seconda guera mondiale, le colonie francexi le se sa preparà a l’indipendensa. El Gabon el xe diventà indipendente el 17 agosto 1960. I do partiti Bloco Democratico Gabonexe (BDG) de Leon M’Ba e la Union Democratica e Sociale Gabonexe (UDSG) de J.H. Aubame, i xe ndà a le elesioni, ma nisun gha ciapà la magioransa. M’Ba el xe stà eleto primo ministro co i voti de deputati indipendenti. I do partiti i se sa meso d’acordo de rifar le elesioni co na lista comune. M’Ba el xe stà eleto presidente e Aubame ministro de i Esteri. En tel 1963, el BDG gha domandà a l’UDSG de unirse par formar on novo partito unico. M’Ba el gha domandà nove elesioni, che le xe ndà mal. Altre elesioni multipartitiche le xe stà organizade en tel april 1964, co la vitoria del BDG. En tel 1967 M’Ba el xe stà rieleto presidente ma el xe morto l’ano dopo. El so vice presidente, Omar Bongo, el gha tolto el so posto, abolio tuti i partiti e fondà el novo partito unico, el Partito Democratico Gabonexe (PDG). Da alora el xe sempre stà rieleto. Durante la primavera democratica africana de i primi ani novanta, anca i gabonexi i gha domandà de i canbiameni. Bongo el gha dovù far de le concesioni de politega interna, de decentramento de i poteri e de isalari. En tel marso del 1990, el PDG e le forse de l’oposisione le se gha incontrà. Da l’incontro le xe rivà nove decisioni politeghe: la creasion del senato, la libartà de stampa, de asociasion e de espresion, e la libartà de viagare a l’estero. Bongo el se sa dimeso par crear on governo de transision mentre che se preparava la nova Costitusion. En tel setembre 1990, Bongo el gha vinto le elesioni multipartitiche e el PDG el gha preso la magioransa de i segi en parlamento. L’oposision la gha vinto varie sità ne le elesioni aministrative. Bongo rimane l’omo dominante de la politega del Gabon.