Storia del Camerun

Da Wikipedia, l'ençiclopedia libara.

La storia del Camerun la xe recente. Da i ricatamenti dei paleontologi se sa che i primi abitanti i xe rivà in sta region ntorno al neolitico. Anca se non ghe sicuresa storica, i primi abitanti i xera tanto probabilmente pigmei, che i sopravive in tel Camerun co l’etnia baka.

Regni Bantu[canbia | canbia el còdaxe]

Dal VI secolo d.C. se ga svilupà na serie de regni. Ntorno al Lago Ciad ghera la siviltà Sao, on grupo de zente che vegnea da est, forse de origine hyksos. El xe poi stà el tempo de il regno del Kanem-Bornu. En tel ovest del paexe ghera i regni de Bamileke, Bamum e Tikar. Su i monti Mandara se catava el regno Mandara (XVI secolo). Ancò se pol oservar le forteze Mandara, fortificasioni de cui non se sa ben l’uso.

En tel 1492 i portoghexi i xe rivà su le coste del Camerun. I portoghexi i ga ciamà el fiume Wouri Rio dos Camarões, fiume de i gambari. Da qi el xe derivà el nome del paese. I portoghexi i no xe sta mia boni de colonixar el paexe anca parché la malaria la xera masa forte par lori.

Tra i secoli XVII e XVIII i fulani, popolo di religione islamica, i ga invaso el Camerun sotometendo o parando via tuti i grupi non-islamici. I fulani del Camerun i xera vasali del califo de Sokoto (Nizeria).

Colonialismo[canbia | canbia el còdaxe]

Canbiamenti de i confini del Camerun. Da destra a sinistra, da su a zo: a) colonia todesca b) invasione inglexe c) divizion anglo-francexe d) indipendensa

Co la scoperta del chinino, i eoropei i podea vivar in Africa, anche ne le xone do la malaria la xera pi forte. I todeschi i ga scominsià la colonizasion del Camerun in tel 1870. I xe riusidi a controlar tuto el teritorio, e i ga meso la cavedal a Buea, prima, e a Yaoundé, dopo.

I todeschi i ga svilupà le infrastruture co la costrusion de la ferovia, ponti su i fiumi, ospedali e scole. Importante el ospedal de Douala, specialisà in malatie tropicali. I todeschi i xe stà i primim a catar el bacilo che causava el colera e l’ospedal de Douala el xera conosù come uno de i mejori.

Un sentro todesco in Camerun

Come par le altre colonie todesche, la prima guera mondiale la ga portà la fin de la presensa teutonica. I inglexi i ga invaso el Camerun in tel 1914 da la Nizeria. I francexi i ga incorporà el teritorio a sud. I francexi i ga continuà la pułìtega de svilupo de i todeschi, inglexi i ga lasà el controlo de le piantagioni a i aministratori privati todeschi.

A la fin de la seconda guera mondiale, i camerunexi i ga scominsià a far conosar el desiderio de l’indipendensa e vari inteletuali i ga dato vita a l’Union de i Popoli del Camerun.

Indipendensa[canbia | canbia el còdaxe]

Ahmadou Ahidjo, primo presidente del Camerun, in tel 1982

En tel 1955, i francexi i ga meso l’Union de i Popoli del Camerun al bando. I militanti i xe alora pasà a le armi. I guerilieri i xera sora-de-tuto bamileke e bassa, do etnie importanti in tel paexe. En tel 1960, i francexi i ga proclamà la republica autonoma del Camerun. La parte in man a i inglexi la ga votà par restar co la Nizeria (nord) e par unirse al Camerun francexe (sud). En tel 1961, Ahmadou Ahidjo el xe stà eleto primo presidente de la federasion camerunexe. La guerilia la xe continuà parché i guerilieri i no volea riconosar el governo. Ahidjo el ga nominà el monopartitismo e cambià la federasion in republica co cavedal a Yaoundé.

Ahidjo el ga dato le dimisioni in tel 1982. Paul Biya el xe diventà el cao de governo co el titolo de primo ministro. Biya el xe oncora al potere dopo verghe vinto, co brogli, le elesioni in tel 1992, 1997, e 2004.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Camerun&oldid=1054322"