Storia del Ciad

Da Wikipedia, l'ençiclopedia libara.
Jump to navigation Jump to search
Mapa del Ciad

La storia del Ciad la xe antica, co i primi resti de ominidi che i atesta la so presensa en te la region zo sete milioni de ani fa. La region chadiana el Sahara la xestà abità da i omeni preistorici e dal X secolo d.C. se gha la presensa de regni saheliani. Ancò el paxe el vive na grave tension interna, ma anca co el Sudan, e la so storia la xe movimentada, come el so pasà.

Preistoria[canbia | canbia el còdexe]

En tel 2002, i paleontologi i catà el cranio de on ominide a Borkou. El ominide de 7 milioni de ani fa el xe stà ciamà Sahelanthtropus tchadensis (omo saheliano del Ciad). N’altro ricatamento el gha portà a la luse tochi de osa de on ominide de 3 milioni de ani fa. 9 000 ani fa, la region del Sahara e del Sahel la xera fertile e abitada. El Ciad el xera al sentro de sta region. Le piture rupestri de Ennedi e i racactamenti archeologici de pentolame i dimostra che sta region la xera abitada e i abitanti i gavea na tecnologia superiore a quela de la val del Nilo contemporanea. En tel Tibesti e in Borkou, en tel nord del paexe, le piture rupestri en tel deserto le dimostra che na olta ste tere le xera piene de fiumi e de animali de grosa talia. Studi fati su tute le lengoe africane sembra puntar al fato che tute le lengoe del continente, a esclusion de le lengoe pigmee le se sa svilupà en te la region tra el Lago Ciad e la val del Nilo.

Imperi[canbia | canbia el còdexe]

Vari popoli i xe pasà en tel Ciad, specialmente co le migrasioni de i bantu e de i popoli sudanici. Le prime testimonianse de etnie che vivea en Ciad le xe del X secolo de la nostra era, co la formasion de i regni che i controlava le trate carovaniere che da el nord Africa le penetrava verso el Sahel. I pi importanti regni i xe stà quesi de Kanem-Bornu, de Baguirmi e de Ouaddai. Le notisie che ghemo su sti regni le vien da le cronache scrite en arabo da i marcanti e viagiatori islamici.

El regno de Kanem-Bornu[canbia | canbia el còdexe]

Disegno de esplorator inglexe de guerieri del Kanem-Bornu, 1880 sirca

El regno de Kanem el xe nato en tel nord-est del Lago Ciad do vivea i popoli che gha dato vita a i kanembu. Verso el 1 000 d.C. i re de la dinastia Sayfawa i xe diventà musulmani. I re i gha scominsià a slargar el regno a sud en te la region de Kanem. La cavedal la xe stà costruia a Njimi, en tel sud del regno. El regno el gha visù momenti de lota interna verso el XIV secolo. En tel 1396 i bulala i gha invaso el Kanem e i gha spinto i kanembu verso el ocidente, en tel regno del Bornu. Co el tempo, i do popoli – kanembu e bornu - i se sa integrà formando on novo popolo, i kanuri, co na nova lengoa e co cavedal a Ngazargamu.

El novo regno el gha conosù el momento pi grande co el re Idris Aluma (1571-1603). El so potere el xe ndà zo dopo la morte de Aluma. En tel 1808 i fulani i gha invaso el regno e conquistà Ngazargamu. El Bornu el xe sopravisuto ma la dinastia Sayfawa la xe morta en tel 1846, e el regno en tel 1893.

El regno Bauirmi[canbia | canbia el còdexe]

A sud del regno Kanem el sa svilupà el regno de Bauirmi en tel secolo XVI, par diventar un regno vasalo del Kanem. Dopo on periodo de indiendensa, el xe tornà soto el Kanem en tel 1.750. Verso el 1810, el regno el xera en decadensa e el xe stà asorbio dal regno Ouaddai. En tel 1893, el re de Bauirmi el gha domandà sostegno a i francexi che i ghe n’a fato on protetorato.

El regno Ouaddai[canbia | canbia el còdexe]

Na buteleta ouaddiana

En tel est del paexe, longo el confin co el Darfur (Sudan), el regno Ouaddai el xe emerso en tel XVI secolo. L’Islam el xe penetrà en sto regno solo co on colpo de Stato organisà da Abd al Karim del Darfur en tel 1630 sirca. Par on secolo e mezo el regno el xe rimasto tacà al sultanato del Darfur. En tel 1800, soto el governo de Sabun, el regno el se sa espanso verso l’ovest. El sultan del Darfur el gha tentà de metar sul trono on so predileto en tel 1838, Muhammad Sharif, ma questo, na olta sul trono de Ouaddai, el sa reso indipendente. Sharif el gha conquistà la fedeltà de i locali e el gha conquistà tute le tere fin al fiume Chari. El regno de Ouaddai el gha resistio l’avanzada francexe anca dopo la formasion de la colonia.

Colonialismo[canbia | canbia el còdexe]

Copando Rabih az-Zubayr a Kousséri, i francexi i gha tolto el ostacolo pi grande a la colonizasion

I francexi i xe entrà en Ciad en tel 1891 co na guera de conquista de i regni islamici. La batajia pi importante la xe stà quela de Kousséri (22 aprile 1900). El capo de i francexi, Amédée-François Lamy, e quelo de i ciadiani, el sudanexe Rabih az-Zubayr, i xe morti ne la batajia.

En tel 1905 el Ciad el xe stà meso en te l'Africa Equatoriale Francexe, co caavedal a Brazzaville. En tel 1920, el Ciad el xe diventà na colonia a se stante co cavedal a Fort Lamy, ancò el posto se ciama N’Djamena. I francexi i no gha mai investi en tel Ciad. No ghe stà modernizasion e nianca on tentativo de darghe n’unità a la colonia. El Ciad el xera bon solo par la produsion de coton e par fornir de manodopera le colonie pi a sud.

Indipendensa[canbia | canbia el còdexe]

El Ciad el sa schierà co i Aleati durante le seconda guera mondiale. Soto el comando de Félix Éboué – primo governator nero francexe – do batajoni de soldai i sa mosa da Fort Lamy verso la Libia. I ciadiani i gha caturà la oasi de Kufra. Dopo la guera, i ciadiani, forti de el loro apogio a i Aleati, i gha domandà l’autonomia. L’Uniond Democratica del Ciad – partito de ispirasion islamica - e el Partito Progresista del Ciad – de ispirasion cristiana – i xera so posisioni oposte. En tel setembre 1958 el Ciad el xe diventà autonomo el el 11 agosto 1960, el xe diventà indipendente, co presidente François Tombalbaye de el partito progresista.

Tombalbaye el xe pesto diventà on ditator. El gha proclamà el monopartitismo en tel 1962 e meso en prison tuti i oponenti. La aministrasion la xera mandà avanti da i sudisti, considerà aroganti e inconpetenti. Dopo i disordini del 1965, l’oposision la se sa organizà en Sudan co la formasion del FROLINAT, el Fronte de Libarasion Naxional del Ciad. El xera la prima avisaglia de na guera sivile.

Tombalbaye el gha prima domandà aiuto a i francexi, e dopo el se sa aleà co la Libia de Ghadafi. A lo steso tempo, el gha continuà co la so mania de far fora tuti i opositori fin che anca i sudisti i sa stufà de lu. El 13 aprile 1975, i gendarmi de N’Djamena i gha fato on colpo de Stato e i gha copà el presidente.

Militari[canbia | canbia el còdexe]

El colpo de Stato el xe stà saludà con favor da i ciadiani. El general Félix Malloum el xe diventà el capo de la giunta militare. Malloum no savea come far co el FROLINAT e el gha deciso de alearse a lori. En tel 1978, el capo de i ribeli, Hissène Habré el xe diventà primo ministro. Dopo pochi mesi, en tel aprile del 1979, Habré el gha atacà el palazo presidensiale e parà via Malloum. L’ataco el gha causà la guera sivile, co ondeze diversi grupi che lotavo uno contro l’altro.

L’Organizasion de l’Unità Africana la xe intervegnuda e meso su on governo provisorio co presidente Goukouni Oueddei, vice presidente el colonel Wadel Abdelkader Kamougué e Habré al ministero de la difesa. Dopo tre mesi, en tel gianaro 1980, la guera la gha scominsià n’altra olta. Goukuni el xe stà bon de ocupare la cavedal e de alearse co la Libia. La Libia la volea la Strisia de Azou, en tel nord, e la le gha ocupà par on poco de tempo.

La Strisia de Aozou, en blu.

Co i libici i se sa ritirà da Azou, Habré el gha mandà le so trupe a Ndjamena par ocupar la sità. Trupe francexi, de l’ONU e de vari Stati africani le xe intervegnude par ristabilir la paxe. Habré el gha preso el comando e el gha mostrà na brutalistà mai vista prima en Ciad contro i opositori, veri o presunti.

En tel 1983, la Libia la gha ocupà on terzo del teritorio ciadiano. Habré el gha continuà a copar opositori en tel sud. En tel 1985, Habré el gha atacà i libici e i li gha parà fora da la Strisia de Azou en tel 1986. La Corte Internaxionale la gha dato sto teritorio al Ciad en tel 1994, i libici i gha lasà le pretese teritoriali.

Déby[canbia | canbia el còdexe]

Apena la paxe la xe stà ristabilia, el grupo governativo el gha scominsià a dividarse longo linee etniche. Le etnie hadjerai, zaghawa e gorane le xera rapresentade en tel governo, ma no le xera contente de la ripartision del potere. En tel avril 1989, Idriss Déby – a zaghawa e uno de i militari pi forti ent el governo – el xe scapà en Darfur (Sudan) da doe el gha atacà le forse de Habré, che el xe on gorane. En tel dicembre 1990, Déby el xe entrà a N’Djamena e Déby, dopo tre mesi de governo provisorio, el xe diventà presidente del Ciad.

Déby el xe sopravisù a on mucho de tentati colpi de Stato e da crisi politeghe de ogni tipo. El gha vinto le prime elesioni multipartitiche del 1996 e el xe stàbon de firmar i acordi de paxe co i ribeli de varie fasioni.

La guerilia, co uno o n’altro grupo, la xe ndà vanti par tuti i ani novanta e i primi ani domila. Déby el gha comunque dà stabilità al governo e scominsià a afrontar i problemi de bilancio (debito estero), del svilupo (oleodoto dal sud al Golfo de Guinea traverso el Camerun), e del perdono del debito. L’oposision no la xe stà bona de catar l’unità e Déby el xe riusì a star al poter co brogli e manovre polieghe poco nete.

Guera co el Sudan[canbia | canbia el còdexe]

Co la guera en tel Darfur (dal 2003), el Ciad el sa visto invadar da rifugiati. I Janjaweed, guerilieri armadi dal governo de Khartoum, i gha atacà i campi, ma anca i vilagi de ciadiani. El 23 dicembre 2005, el Ciad el gha dichiarà guera al Sudan. El Sudan el combate la guera traverso le milisie sudanesi e dandoghe armi a i ribeli ciadiani. Déby el xe stà bon de tegnar bota, ma la so posision la xe dificile parché el sostegno de la popolasion el xe calà.