Storia del Burkina Faso

Da Wikipedia, l'ençiclopedia libara.

I ricatamenti paleontologici e archeoligi in Burkina Faso i testimonia la presensa de etnie de racoglitori-caciatori za inte el 12 000 a.C. Vari esempi de cultura materiale – rasoi, martei, ponte de frecia – i xe stà catà in tuto el paexe. Verso el 4000 a.C., se vede el sorgere de na cultura sentrada so el vilagio, co struture permanenti. La tecnologia del fero e de la seramica le zonta qi pi o meno verso el 1500 a.C., probabilmente da la Nubia. Le sepolture de sto periodo mostra ciari segni de na religion organisà.

I regni Mossi[canbia | canbia el còdaxe]

Vilagio tradisionale in tel sud del paexe.

Inte el sud ovest del paexe se cata de le muraie. Nisun sa a che cultura atribuire ste costrusioni. En tel sentro i archeologi i ga catà trace de culture simili a quela dogon, che ora i se cata in Mali, anca se de i picoli grupi i vive oncora su i monti Bandiagara.

El resto del paexe el xe stà presto colonixà da popolasioni provenienti dal Ghana e che i ga presto formà on regno, el regno Mossi. No se pol dir masa su i mosi parché no ghe documentasion serta prima del colonialismo. Quel che se sa e che dal XV secolo de la nostra era fin a la fin del XIX secolo, i mossi i ga controlà tuta l’area del Burkina Faso co na continua espansion. La padronansa del caval la ga dato on vantagio su i altri popoli de la zona. I xe anca stà tanto duri co i misionari islamici e i ga impedio la islamizasion del Burkina Faso. L’avansata de i mossi la xe stà fermà solo dal colonialismo. I mossi ig avea contati co i altri imperi de la region, specialmente co el impero Shongay.

Colonialismo[canbia | canbia el còdaxe]

En tel 1896, i francexi i ga conquistà Ouagadougou, la cavedal de i mossi. En tel 1898 i francexi i gavea conquistà quasi tuto el teritorio del Burkina Faso e in tel 1904 i ga inserio sti teritori inte l’Africa Francexe Ocidentale. Durante la Grande Guera, militari burkinabé i ga comabatù ne i regimenti de i fusilieri senegalexi sul fronte eoropeo. En tel 1919, el Burkina Faso el diventava da colonia separà dal resto de le colonie francexi co el nome de Alto Volta. Dopo esar de novo tacà a Costa d'Avorio, Mali e Nizer fin al 1937, la xe ritornà a verghe n’autonomia e na continuità teritoriale in tel 1947. El 11 dicembre 1958 l’Alto Volta el xe diventà na republica autonoma rentro al teritorio coloniale francexe.

Indipendensa[canbia | canbia el còdaxe]

L’indipendensa la xe rivà el 5 agosto 1960, e el primo presidente de la republica el xe stà Maurice Yaméogo, ch el dirigea la Union Democràtega Voltaica. Yaméogo el ga subito proclamà el partio unico. Dopo sie ani de quasi ditatutra, la protesta popolare la ga spinto i militari a far on colpo de Stato, el cao d ei insorti, Sangoulé Lamizana, el ga preso el so posto e el ga riorganisà la Costitusion, aprovà da na votasion popolare in tel 1970. Lamizana el xe restà al poder fin al 1980 co el xe stà deposto da on colpo de Stato organizà da Saye Zerbo, n’altro militare. En tel 1982, el magiore Jean-Baptiste Ouédraogo el ga organisà n’altro colpo de Stato e meso al poter on Comitato De Salvesa Popolare. Thomas Sankara el xe stà eleto primo ministro. La so posision radicale de rinovamento e de lota a la corusion i xera ben volui dal popolo, ma no da i altri militari. Sankara el xe stà arestà in tel 1983. El popolo el se sa solevà contro l’aresto e el caitano Blaise Compaoré el ga organisà on colpo de Stato el 4 agosto 1983 e meso Sankara de novo al poter. Sankara el ga costituio el Comitato Naxional de la Rivolusion. El 4 agosto 1984, el paexe el xe pasà dal nome coloniale Alto Volta al novo nome Burkina Faso – paexe de i omeni integri.

Blaise Compaoré (fonte: Antônio Cruz).

El 25 dicembre 1985 el Burkina Faso el ga vù na breve guera co el Mali par el control de la Strisia de Agacher, rica de minerai. El conflito el se sa fermà in poco tempo grasie a l’intervento del presidente de la Costa d'Avorio Félix Houphouët-Boigny.

Durante i so pochi ani al governo, Sankara el ga dato na nova identità al Burkina Faso. Le so campagne par la scolarizasion, par la salute publica e contro i sprechi le xe stà a olte fate co la forsa, ma le xe riusie a darghe na vita mejo a la popolasion. Sankara el xe stà sasinà durante el colpo de Stato del so compagno de armi Blaise Compaoré el 15 otobre 1987. Compaoré el ga formà on triumvirato co Henry Zongo e Jean-Baptiste Boukary Lengani. El triumvirato el ga canbià tante decisoni de Sankara e ameso partii no marxisti, che i xera stà proibidi. En tel setembre 1989, co Compaoré el se catava a l’estero, Zongo e Lengani i xe stà arestà co l’acusa de tentato colpo de Stato e giustiziai la stesa sera. Compaoré el xe diventà el presidente, carica che el ga fin deso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Burkina_Faso&oldid=1054132"