Storia del Lesotho

Da Wikipedia, l'ençiclopedia libara.
Mapa del Lesotho

I Khoi Khoi o i so predecesori i ga abità el Lesotho fin dal 40 000 a.C. Poco se sa de sto periodo. Le uniche testimonianse rimanenti le xe le piture rupestri che se cata in tuto el paexe.

Basotho[canbia | canbia el còdaxe]

I primi grupi foresti a rivar inte la zona del Lesotho i xe stà i bantu. Varie ondate de bantu le xe rivà fin a formar el grupo de i basotho. I basotho i ga ocupà la zona del Lesotho e le tere confinanti, ancò parte del Sudafrica. En tel 1818. el re Moshoeshoe (1800 sirca – 1870) el ga unificà vari clan par formar el primo Stato de i basotho. Co el periodo de la Difaqane, i grupi zulu in espansion i ga parà via i basotho da alcune zone che i ocupava. Dopo de i zulu, anca i boeri in fuga da la Colonia del Cao i ga ocupà le tere de i basotho. Co na serie de guere (1856-68) i basotho i ga perso i tereni a ovest del fiume Caledon.

Co la morte de Moshoeshoe (1870), i inglexi i ga meso i basotho soto la Colonia del Cao. I basotho i no xera d’acordo e, in tel 1879, el cao Moorosi el ga fato guera co i inglexi. Anca dopo la sconfita de Moorosi, i basotho i ga continuà le spedision punitive contro i inglexi (Guera del Fusil 1880-81). Co i inglexi i ga visto che i no podea controlar i basotho, i ga stacà el teritorio da la Colonia del Cao e i ga creà el Teritorio del Basutoland, governà da on comisario inglexe che laoraa co el consilio de i anziani e col cao tribale. El primo cao tribale el xe stà Lerothodi, fiol de Moshoeshoe.

I inglexi i volea metar el Basutoland co el Sudafrica al tempo de la fondasion de la Union del Sudafrica (1910), me i basotho i ga dito de no a sto piano. En tel 1959 el Basutoland el ga aprovà na nova Costitusion che la ga verto la strada a le prime elesion amnistrative e a l’autogoverno.

EL Regno[canbia | canbia el còdaxe]

El 4 otobre 1966, el Lesotho el xe diventà indipendente come na monarchia costitusionale co on parlamento e on senato. A le prime elesion del genaro 1970, el partio al governo, el Partio del Congreso del Basutoland, el ga perso ma el no ga voluo lasar el poter al Partio Naxional del Basutoland. La crisi politega interna, co la chiusura de le frontiere co el Sudafrica – che acusava el Lesotho de sostegnar i militanti de l’African National Congress – le ga provocà na serie crisi econòmega. I militari i ga fato on colpo de Stato in tel 1986. I militari i ga meso su on Consilio Militare soto la guida de Justin Lekhanya che el dovea governar el paexe co el re Mosheshoe II e co un grupo de ministri selti dal re. Lekhanya el volea tornar al governo democràtego in tel giunio 1992, ma on colpo de Stato el xe stà parà via in tel 1991.

El re Moshoeshoe II nol ga volù tornar in Lesotho par diventar on re cerimolniale e so fiol, Letsie III, el ga preso el so posto. En tel 1995, el re Letsie el ga abdicà in favor de so pare, che parò el xe morto in un incidente de machina in tel 1996. El re Letsie III el xe tornà al trono.

Da alora el Lesotho el ga sempre visù ne l’instabilità pułìtega, co amutinamenti de l’esercito e de la polisia, ma anca co tentativi de colpo de Stato. L’ultimo tentativo, in tel agosto del 1998, el ga forsà el re a domandar l’intervento de le forse de difesa de la comunità de l’Africa Australe. Soldai sudafricani, zinbabweani e del Botswana i xe entrà in tel Lesotho e portà l’ordine. L’Autorità Provisoria che la ga governà el Lesotho la ga canbià le legi eletorali par asicurarse che anca l’oposision la gavese na rapresentansa in parlamento.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Lesotho&oldid=1035630"