Storia de la Costa d'Avorio

Da Wikipedia, l'ençiclopedia libara.
Mapa de la Costa d’Avorio

La Storia de la Costa d'Avorio la xe recente. Anca se i studiosi i pensa che in tel neolitico i omeni i vivea in te la region, no se gha ricatamenti archeologici par sostegnar stà teoria. I primi documenti i risale al 1637, co i francexi i xe rivà a Assinie, so la costa tacà al confin dle Ghana de ancò. I primi eoropei i xe restai longo la costa sensa penetrar in tel interno. Poco dopo l’arivo de i francexi, grupi akan i gha invaso el teritorio e i gha ocupà el sud est e el sentro del paexe. Ent el 1843, l’amiralio francexe Louis Edouard Bouet-Willaumez el gha contratà co i re de la costa e meso i regni soto el protetorato francexe.

Colonia[canbia | canbia el còdaxe]

Dona co fetici, 1869.

La Costa d’Avorio la xe diventà na colonia francese el 10 marso 1893. El primo governator el xera Louis Gustave Binger. Dal 1904 al 1958, la Costa d’Avorio la gha fato parte de l’Africa Ocidentale Francexe.

Dopo la seconda Guera Mondiale, el goveno francexe el gha dato la citadinansa francese a tuti i africani de le so colonie, el dirito de organizasion politega e l’abolision del laoro obligatorio. En tel 1956, la Lege Quadro la gha trasferì de i poteri decisionali da Parigi a i governatori de le colonie.

Indipendensa[canbia | canbia el còdaxe]

En tel 1958, la Costa d’Avorio la xe diventà na repùblega autonoma rentro l’union francexe. L’indipendensa la xe rivà el 7 agosto 1960. La sità de Abidjan la xe stà selta come la nova cavedal. Primo presidente el xe stà eleto Félix Houphouët-Boigny, capo del Partito Democràtego de la Costa d’Avorio e ono de i fondatori del Grupo Democràtego Africano, el pi importante grupo pułìtego inter-regionale pre-indipendense.

Houphouët-Boigny el sa fato notar dal 1944, co el gha fondà el Sindacato Agricolo Africano, e el xe riusì a far aprovare riforme par favorir la popolasion rurale. Dopo la guera, el xe stà eleto ne l’Asemblea Costituente e el gha rapresentà la Costa d’Avorio al parlamento francexe dal 1946 al 1959. El xe anca stà on ministro del governo francexe. En tel magio 1959 el gha formà el Consilio de Intesa, na organizasion regionale che metea insieme Costa d’Avorio, Niger, Alto Volta (Burkina Faso), e Dahomey (Benin). Houphouët-Boigny el sostegnea che la solidarietà e la cooperasion econòmega le xera importanti par cresar come Stati africani.

En tel otobre 1990, a le prime elesion multipartitiche, Houphouët-Boigny el gha vinto sensa problemi e el xe restà in carica fin a la morte, 7 dicembre 1993. El xe sempre stà on politego tradisionalista e conservativo.

Divixion[canbia | canbia el còdaxe]

Dopo la morte de Houphouët-Boigny, Henri Konan Bédié, vice-presidente e presidente del parlamento, el xe diventà presidente de la Costa d’Avorio. El 24 dicembre 1999, el general Robert Guéi el gha fato on colpo de stato e meso al poter na giunta militare. A le elesion del 2000, Guéi el gha perso e Laurent Gbagbo el gha vinto. Dopo na protesta popolare, i militari i gha dato el poter in man a Gbagbo.

El 19 setembre 2002, la rebelion la xe sciopà in tel nord del paexe. Le etnie de le zone che le se sa ribelà le volea na riforma nasionale, mentre quele de la costa le volea el status quo. Inoltre, i tanti imigrati del Burkina Faso e del Mali i volea on riconosimento del loro laoro e paghe pi alte. Governo e ribeli i gha fato vari tentativi de pacificasion, ma la situasion la resta incerta e la tension alta. El livel de vita el xe cascà tremendamente e no ghe na solusion politega in vista.

Controło de autoritàLCCN (ENsh85069118
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Costa_d%27Avorio&oldid=1014720"