Storia de le Comore

Da Wikipedia, l'ençiclopedia libara.

La storia de le Ixole Comore la scominsia co l’arivo de l’imigrasion da l’Indonesia-Polinesia che ga portà popolasioni axiàteghe inte la region del Madagascar. No se ga mai catà segni de na popolasion africana prima de l’arivo de i axiatici. Verso el X secolo d.C., arabi e persinai i xe rivà so le coste de ste ìzołe. Co la nasita de la cultura swahili e la cresita pułìtega de Zanzibar (XV e XVI secolo), i arabi de la costa – i shirazi – i ga popolà le ìzołe e influì fortemente su la cultura e la lengoa. El shikomor el xe na forma local de swahili. I shirazi i ga introdoto l’Islam, metalurgia e carpenteria, musica e scritura.

I portoghexi i xe pasà de qi la prima olta in tel 1505. Da alora i portoghexi i ga usà le ìzołe par rifornir le navi de acqua, ma no i ga mai tentà de costruir na baxe stabile. I sultani de le Comore – par on periodo ghe xera anca dodese sultani contenporaneamente – i aministrava le ìzołe in contrasto co pirati malgasi. I fracexi i ga voluo tor le ìzołe e i ghe riusidi sensa na conquista violenta.

La colonia[canbia | canbia el còdaxe]

El 25 marso 1841, la Francia la ga proclamà el protetorato so l’ìzoła de Mawuti. En nome el xe stà coroto in francexe come Mayotte. En tel 1852 l’é stà la olta de Andruna e, inte 1866, de Anjouan. Lo steso ano, le ìzołe de Ngazidja (la Gran Comere) e de Mwali (Mohéli) le xe diventà parte del protetorato. El 5 setembre 1887, tuto l’arcipelago el xe stà ciamà Protetorato de le Comore. El protetorato el xe stà meso a le dipendense de la colonia del Madagascar (1908), in tel 1912 anca Mayotte la xe stà zontà al protetorato e enexo a la Fransa come teritorio de la colonia malgasia.

Dopo la seconda guera mondiale, le Comore le xe diventà autonome dal Madagascar. L’autonomia totale la xe rivà in tel 1961. Dopo na longa discusion, la Fransa la ga oferto l’indipendensa par el 1978. El parlamento comorexe el ga deciso de proclamar l’indipendensa el 6 lulio 1975, i deputati de Mayotte i no ga votà. I abitanti de Mayotte i ga votà in do referendum par restar soto la Fransa (dicembre 1974 63,8%, e fevrar 1976 99,4% a favor). Lo Stato de le Comore el controla le ìzołe de Grande Comore, Anjouan, and Mohéli, e Mayotte la xe restada co la Fransa.

Colpi de Stato[canbia | canbia el còdaxe]

Dal 1975 a ancò, le Comore le ga vù 19 colpi de stato. El mercenario Bob Denard el ga fato 4 colpi de stato, tuti con el sostegno de la Fransa, ma anca del Sudafrica e de la Rhodesia (ancò Zimbabwe). Co Denard el xera in control de l’arcipelago, i porti i xera usadi par evadere i controli su le armi usade in tele guere de l’Africa australe. El Sudafrica el ga anca costruì de le stasioni radio par monitorar la guera in Mozanbico e le basi de l’African National Congress e de l’Union Africana in Tanzania. Dopo el terzo colpo de stato in tel 1987, Denanrd el ga perso el suporto foresto e el ga dovù lasar le Comore co i so mercenari. Said Mohamed Djohar el xe diventà presidente, ma el ga soferto tentativi de colpi de stato e de destabilizasion. El 28 setembre 1995, Bob Denard e na tentina d emercenari i ga fato n’altro colpo de stato. La Fransa la ga subito denuncià Denard e domandà che el lasase le Comore. El 3 otobre, le forze speciali francexi le ga invaso l’arcipelago e caturà i mercenari sensa sparar on colpo. Caambi el Yachortu el xe diventà presidente ad interim fin che Djohar el xe stà bon de tornar da l’esilio. En tel marso 1996, Mohamed Taki Abdoulkarim el xe stà eleto presidente.

Secesion[canbia | canbia el còdaxe]

En tel 997 le ìzołe de Anjouan e Mohéli le se sa dichiarà indipendenti. El governo el ga provà a tor el control de le altre ìzołe, ma sensa suceso. La divixion la continua fin ancò, anca se on grupo de moderati i ga provà a trovar na solusion politega a la situasion.

En tel 2001, i militari i ga fato n’altro colpo de stato. Mohamed Bacar el xe diventà el cao de la giunta che controlava Grand Comore e el ga preparà le elesioni del 2002. Bacar el xe stà eleto presidente, ma anca le altre ìzołe le ga proclamà presidenti soi. Le ìzołe le se sa unio in confederasion. En tel magio 2006, Ahmed Abdallah Sambi el xe stà eleto presidente de la confederasion.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_le_Comore&oldid=1032198"