Storia de la Guinea

Da Wikipedia, l'ençiclopedia libara.
Mapa de la Guinea

La Storia de la Guinea la xe relativamente recente, se se considera el Stato moderno. Bisogna parò tegnar in conto che el teritorio de la Guinea el xe stà testimone de vari imperi e el xe stà soto l’influensa de tanti movimenti politeghi e econòmeghi.

Imperi[canbia | canbia el còdaxe]

L’impero del Ghana (che nol va scanbià co la naxion moderna, e che el gavea la so rocaforte a caval de Mauritania e Mali) el estendea el so control fin a la Guinea de ancò. CO l’impero del Ghana el scsominsià la so parabola disendente, el regno del Sosso el ga preso el soravento (secoli XII e XIII). En tel 1235 sirca, el regno de Sosso el ga dovù lasar el controlo de l’area a l’impero del Mali che el xera in cresita. La data del 1235 la corisponde a quela de la bataja de Kirina do el re Soundiata Kéïta el ga batù Soumangourou Kanté, re del Sosso. La data la xe incerta e no ghe documenti che atesta sertamente nianca el nome de i re coinvolti. Dopo l’impero del Mali la xe sta la olta del impero del Songhai che el ga continuà a cresr fin a la morte de l’imperatore Askia Daoud in tel 1582. Tri ani dopo, i Almoravidi del Maroco i ga vinto la bataja de Tondibi, ma i no xe stà boni de caitalizar su la vitoria. Grupi de etnia fulani i xe alora entrà inte le rejoni sentrali (Fouta Djallon) de la Guinea e i ga fondà no Stato islamico co na Costitusion scrita chel xe ndà vanti fin al 1898.

Colonialismo[canbia | canbia el còdaxe]

I francexi i volea torse el control de la Guinea e i ga scominsià la penetrasion militare ne la seconda metà del XIX secolo. La vitoria finale la xe rivà co la sconfita de Samory Touré, el re de i Ouassoulou, on regno Malinké che el controlava parte de la Guinea e de i Stati confinanti. I confini atuali i xe quei decisi da inglexi, portoghexi, francexi e da la Liberia. En tel 1958 la Fransa la xera in cris politega e la ga dà a le colonie la posibilità de seliar se rimanere inte la comunità francexe o verghe l’indipendenza. La Guinea, soto la guida de Ahmed Sékou Touré, la ga volù l’indipendensa subito. El 2 otobre 1958, la Guinea la diventava indipendente, Ahmed Sékou Touré el xera el primo presidente. I francexi i ga lasà el paexe quasi subito e Touré el se sa alineà a isovietici, prima, e co i cinexi, dopo. La Guinea, parò, no la ga tajà i so legami co l’ocidente e con la Fransa in particolare.

En tel 1970, mercenari e ribeli guineani i ga atacà el paexe co el sostegno del Portogalo. I portoghexi volea canbiar el governo de la Guinea parché el sostegnea i conbatenti de la Guinea Bissau. Dopo na setimana de bataje, l’esercito guineano el xe stà bon de parar fora i mercenari. Touré el ga trasformà la repùblega in uno Stato a partio unico, che el xe presto diventà na ditatura co poca toleransa par i diriti umani. Pi d eun milion de guineani i xe scanpà a l’estero. Touré el xe diventà paranoico e el ga scominsià a verghe problemi anca co i Stati africani confinanti. El paexe el se sa ixolà e l’economia la xe ndà a remengo. Turé el xe morto el 26 marso 1984 e el so posto el xe stà tolto dal primo ministro Louis Lansana Beavogui. Dopo nianca on mexe, Lansana Conté e Diarra Traoré i ga fato on colpo de Stato. Conté el xe diventò presidente e Traoré primo ministro. Conté el ga fato libarar tuti i prigionieri politeghi e ciamà i guineani a l’estero parché i tornase a casa. En tel 1992, Conté el ga verto la strada al multipartiismo e e ritorno al governo sivile. Conté el xe stà rieleto presidente in tel 1997. El ga anca canbià la Costitusion par esar rieleto la terza olta a la fin del 2002. Ne i ultimi ani, el governo el ga dovù far i conti co sioperi de masa, manifestasion e resistenza sivile. Conté ga dovù acetar de nominar on primo ministro che laorase co i sindacati par democratizar el paexe. Parò el ga nominá el so amigo personale Eugene Camara. Dopo altri sioperi e soto la presion internasional, Conté ga nominá Lansana Kouyaté, ex anbasador e democratico, inte el febraro 2007. El paexe el xe tra i pi poveri de l’Africa, anca se el ga grose riserve de risorse naturali.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Guinea&oldid=1164324"