Storia de le Seychelles

Da Wikipedia, l'ençiclopedia libara.
Posizion de le Seycelles
Mapa de le Seychelles

La Storia de le Ixole Seychelles la scominsia co l’arivo de i eoropei. Prima de l’arivo de i francexi, le ixole le xera disabità.

Preistoria[canbia | canbia el còdaxe]

Co i francexi i xe rivà a le ixole seicele i no ga trovà abitanti. Se pensa che i navigatori arabi e persiani i le conosese. Come el xe anca probàbiłe che i viagiatori axiàteghi che i ga colonizà el Madagascar i gabia pasà de qi. I portoghexi i gha visto le ixole in tel XVI secolo, ma i no ga mai tentà de costruir de le baxi permanenti.

En tel 1742, Bertrand François Mahé de La Bourdonnais, governator francexe de le Mauritius, el ga mandà on rupo de esploratori a le Seychelles. En tel 1756, on secondo grupo el ga preso poseso de le ixole a nome de la Fransa e i ga dato el nome de "Seychelles" par onorar el ministro de le finanse del tenpo.

Colonia francexe[canbia | canbia el còdaxe]

La colonia francexe la dipendeva da l’aministrasion de Mauritius. I primi coloni i ga fato fatiga a vivar e lo svilupo el xe scominsià solo verso el 1794 co l’arivo de Jean-Baptiste Quéau de Quincy, comandante de la marina francese.

Colonia britanica[canbia | canbia el còdaxe]

Colona a forma del Big Ben in te la cavedal Port Victoria

I inglexi i ga tentà varie olte de tor el sopravento in tel Oceano Indiano. L’ocasion la xe rivà co la rivolusion francexe. Co el tratato de Parigi del 1814, Seychelles e Mauritius le xe pasà soto el control inglexe. El 31 agosto 1903, le Seicele le xe diventà colonia a sè, stacà da le Mauritius.

Indipendensa[canbia | canbia el còdaxe]

El governatore inglexe ispesiona le trupe in tel 1972

En tel marso 1970, i rapresentanti politeghi de le Seychelles e l’aministrasion coloniale i ga tegnù n’asenblea a Londa par preparar la colonia a l’indipendensa. El Partito Democràtego Seicelexe de James Mancham el volea na sistemasion che tegnese le Seychelles soto el control britanico. El Partito Unio del Popolo Seicelexe de France Albert René el volea l’indipendensa subito. Al secondo giro de tratati, tuti i ga espreso la volontà a rivar a l’indipendensa a breve termine. El 29 giunio 1976, le Seychelles le xe diventà indipendenti co Mancham presidente e René primo ministro. Le ixole de Aldabra, Farquhar Farquhar e Des Roches – dal 1965 parte del Teritorio Britanico de l’Oceano Indiano - le xe stà restituie a le Seicele.

Colpo de stato[canbia | canbia el còdaxe]

El 5 giunio 1977 René el ga fato on clo de stato, tolto la carega de presidente e trasformà el paexe in no stato monopartitico. En tel 1981, el governo el xe sopravisù a on tentativo de colpo de stato organizà da on grupo de mercenari. En tel agosto 1982 le forse militari le se sa amutinà. I soldadi restai fedeli algoverno i xe stà boni de ribaltar la situasion grasie al sostegno de reparti tanzaniani.

Democrasia[canbia | canbia el còdaxe]

El 4 dicenbre 1991, René el ga parmeso el ritorno al sistema multipartitico. En tel lulio 1992 i seicelexi i ga votà par formar na comision costitusionale che la ga finì i so laori in tel magio 1993. A giunio de lo steso an le elesion presidensiali le ga visto la neta vitoria de René. René el xe stà rieleto anca in tel 1998. El so sucesor, James Alix Michel el xe stà rieleto el 13 lulio 2006, co l’opozision che la ga acusà el governo de orchestrar i brogli eletorali.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_le_Seychelles&oldid=1000049"