Salta al contegnùo

Storia de la Guinea Bissau

Da Wikipedia, l'ençiclopedia libara.
Mapa de la Guinea Bissau

Se sa poco de la popolasion de la Guinea Bissau prima de l’arivo de i eoropei. I primi eoropei a rivar fin qi i xe stà i portoghexi co i sercava na via par le Indie in tel XV secolo d.C. Anca se el Portogal el ga proclamà el so controlo su la Guinea Bissau in tel 1446, el ga costruio de i fortini e scominsià la sfrutamento econòmego solo in tel XVII secolo. Da la Guinea Bissau, i portoghexi esportava sora-de-tuto sciavi. Bissau, la cavedal de ancò, la xe stà fondada come ponto de racolta de i scaivi prima de spedirli a le ìzołe de Cao Verde e da de li a le Meriche.

Consolidamento[canbia | canbia el còdaxe]

I portoghexi i ga scominsià la penetrasion de l’interno solo che in tel 1850 sirca. El teritorio continentale el xe stà conquistà dopo na longa guera co le etnie locali. Solo che in tel 1890 la Guinea Portoghexe la xera soto el controlo del governo. Le ìzołe Bijagos le ga resistio fin al 1936. En tel 1941, la cavedal la xe stà spostà da Bolama a Bissau. I portoghexi i ga sostegnù le pinatagioni de l’anacardio, na noxe bona da magnare e che la ga on oio che se usa ne l’aviasion.

Indipendensa[canbia | canbia el còdaxe]

En tel 1956, Amilcare Cabral e Rafael Barbosa i ga organizà el Partio Africano par l’Indipendensa de la Guinea e de Cao Verde (PAIGC), co i ufici sentrali a Conacry, ne la Guinea rente a la colonia portoghexe. La lota armata la xe scominciada in tel 1961. Par la fin del 1968, el PAIGC controlava tuta la Guinea. I portoghexi i controlava le sità e i fortini. El comandante militare, Antonio de Spinola, el xe ndà in Portogalo in tel 1973 e el ga participà al movimento par portar la democrasia inte el so paexe. Cabral el xe stà copà in tel 1973 a Conakry e el partio el ga selto Aristides Pereira come presidente. Pereira el diventerà el primo presidente del Cao Verde. El PAIGC el ga dichiarà l’indipendensa el 24 setembre 1973. El primo presidente del paexe el xe stà Luis Cabral, fratelastro de Amilacare. El primo governo el xe stà meso da parte da on colpo de stato che João Bernardo Vieira el ga organizà in tel novembre 1980.

Verso la democrasia[canbia | canbia el còdaxe]

El presidente Vieira

Dal 1980 al magio 1984 el paexe el xe stà aministrà da on governo provisorio co Viera presidente. La Asenlea Popolare Nasionale la ga riaperto in tel 1984 e la ga subito aprovà la nova Costitusion e rieleto Viera come presidente, chel xe anca diventà cao de le forse armate. Soto presion da l’eoropa e da altri paexi africani, Viera el ga conceso el multipartiismo in tel 1993. En tel 1998, i militari i se sa amutinà. I protestava par le condision de vita e par la paga. El 7 magio 1999, i militari i ga fato on colpo de stato e i ga dato el potere al opositore Kumba Yala, che el xe stà eleto co elesion trasparenti. Yala nol xe stà bon de rìzołevar l’economia e el ga anca mostrà segni de demensa. Ent el setembre 2003, Verissimo Correira Seabra el ga fato arestar Yala e organisà par altre elesion politeghe par l’aprile 2004. Inte el otobre del 2004 on grupo de soldadi che i gavea laorà par la Nasion Unie i se ga amutinà, i ga copà el general Seabra e i ga domandà le paghe che ghe spetava. Le elesion del 2005 le ga visto la vitoria de João Bernardo Vieira chel xera stà presidente ne i ani otanta e novanta. La Guinea Bissau la continua a sofrir par la mancansa de infrastruture, la scolarizasion basa e par la corusion del governo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Guinea_Bissau&oldid=1035319"