Maghreb

Da Wikipedia, l'ençiclopedia libara.


Infobox de Zeografia fìzegaMaghreb
(ar) المغرب العربي Cànbia el vałor in Wikidata
SorteRejon zeogràfega Cànbia el vałor in Wikidata
Rejon zeogràfegaNordàfrica Cànbia el vałor in Wikidata
Cànbia el vałor in Wikidata

Map

 
Dati e sifre
Àrea6 045 741 km² Cànbia el vałor in Wikidata





















































El Magreb, ła parte oxidentałe del mondo àrabo

El Maghreb (المغرب العربي al-Maġrib al-ʿArabī – che vol dir (el posto) del tramonto; l’ovest – la xe na rejon in tel nord de l’Africa che la va dal Maroco a l’Egito. Par i arabi, el Maghreb el xe solo che la fasia costiera de Maroco, Algeria e Tunisia. L’Egito nol xe normalmente considerà parte del Maghreb, anca se ancò el xe sempre pi de frecuente presente inte i incontri intrnazionali del Maghreb. A livel storego, l’Andalusia, la Sicilia e Malta, le fasea parte del Maghreb, anca se ancò nisuni i le considera tali. El Maghreb el xe separà dal resto del continente da le cadene de montagne, el grupo de i Atlas, che divide la costa – fertile, co acqua e a clima mediteraneo – da l’interno – desertico e seco. La popołasion la xe simile inte la cultura e lengua. Bisogna parò sotolinear che la popołasion originale, i berberi, i xe drio recuperar la loro cultura, separà da quela arabo-islamica predominante.

El Magherb el xe senpre stà in comunicazion co l’Europa e co le popołasioni del Sahel. La rejon la ga vu na continuità politega solo in che i primi secoli de dominaxion araba. En tel 1989, Maroco, Algeria, Tunisia, Libia e Mauritania i ga fondà la Union Araba del Maghreb (Arab Maghreb Union) par laorar mejo par el svilupo de la rejon.

Popołasion[canbia | canbia el còdaxe]

Algieri

Se in tel pasà la popołasion del Maghreb la se se considerava araba, ancò tanti i dixe de esar berberi. La riscoperta de la cultura, łéngua e tradizion berbera la ga portà al la presion popolare parché i govreni i riconosa la raixa berbera de sti Stati. Altri grupi i xe de origine eoropea – francexi, italiani e spagnoli.

Tunisi de note.

La comunità ebraica la ga senpre vu n’inportanza in tel Mahgreb. I ebrei ise pol dividare in do grupi: le comunità nordafricane vecie, co la comunità ebraica berbera in primo piano, e la comunità sefardica – de origine spagnola – che la xe vegnuda da la Spagna in tel 1492, co che la regina Isabela la ga parà fora tuti i ebrei. I sefardici i se sa stabilio piassé in Maroco, ma anca inte i altri paexi. La majoranza de i ebrei la ga lasà el Maghreb e la xe ndà in Francia o in Israele.

En tel Maghreb se cata anca zente de origine africana subsahariana. I xe i disendenti de i s-ciavi o de i marcanti del Sahel che i se ga fermà so la costa.

Religione[canbia | canbia el còdaxe]

Tuta la costa del nordafrica la xe stà colonixà in tel pasato da fenici, greci e romani e la zente la seguia le religioni de i colonizatori. El cristianesimo el xe rivà za in tel primo secolo e el se ga stabilio co forza in tel secondo secolo. Tanti d ei misionari che i ga evangelizà l’Eoropa i xera preti e vecsodi del Maghreb. Se pol ricordar San Zen de Verona – chel vegnea da la Mauritania (region che la xera inte el sud del Maroco), e San Vigilio, (probabilmente tunixino) che i ga laorà a Verona e inte la val de l’Adexe. Tra i cristiani maghrebini famoxi se ricorda Tertuliano (155 – 202), San Cipriano de Cartagine (+258), Santa Monica e so fiol Sant’Agostino (+430) e Santa Giulia (V secolo).

El cristianeximo el ga lasà el posto a l’Islam in tel 647, co i arabi i xe rivà so le coste de l’Africa. Ma no se pol parlar de on canbiamento da note e dì. Diocexi catoleghe le xe ndà vanti fin a la fin del X secolo. El Papa Benedeto VII (974-983) el ga consacrà on vescovo de Cartagine, che vol dir che ghe xera oncora on bon numaro de cristiani.

Islam[canbia | canbia el còdaxe]

Co l’arivo de i arabi, l’Islam el ga cominzià a cipar el sopravento. Anca se el Islam che predomina el xe sunita, la cultura berbera la ga inposto de i canbiamenti. Tipco del Maghreb la xe la devosion par i marabuti, de i santoni musulmani. Anca el sufismo, che i altri musulmani i condiera eretico, el ga el so posto.

Ecosistemi[canbia | canbia el còdaxe]

La prima divixion del Magheb al se pol far secondo el clima. Al nord e longo la costa se cata el clima mediteraneo, a sud e lontan da la costa se ga el clima desertico. En te la zona mediteranea se cata la vegetasion simile a quela del sud Eoropa, co el limite de i olivi (Olea europea) poco rentro la costa e a le pendici de i monti Atlas. I soto ecosistemi pi inportanti i xe:

  • zone boschive ad acacie e machia cedua (Maroco, Sahara Ocidentale)
  • zone a stepa mediteranea (Algeria, Egito, Libia, Maroco, Tunisia)
  • zone a foresta mediteranea (Algeria, Libia, Maroco, Tunisia)
  • zone a conifere marine (Algeria, Maroco, Tunisia)
  • zone stepose a ginepro (Maroco)

La zona desertica la se cata subito soto le cadene montagnose de l’Atlas, dal Mar Roso a l’Oceano Atlantego. La parte setentrionale la ga poca piova, ma suficente par far cresar piante cedue e licheni. Se cata palme da dateri e na serie de vegetali che i crese solo che qi. El xe inportante ricordar le depresioni saline che le ospita piante alopitiche (bituà a vivar in tel sale) che se cata in tel sentro de la Tunisia.

Teritori moderni del Maghreb[canbia | canbia el còdaxe]





Controło de autoritàVIAF (EN235904198 · LCCN (ENsh85001651 · GND (DE4036963-8 · WorldCat Identities (EN235904198
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Maghreb&oldid=1152112"