Berberi

Da Wikipedia, l'ençiclopedia libara.
Guerieri berberi a caval

I berberi xe na popolasion del nord Africa. I se cata en tuto el Maghreb. El nome proprio de i berberi xe imazigen, al singolar amazigh. Alcuni grupi i usa altri nomi (kabile, chaoui, ecc.). El nome berbero sembra che el vegna dal Greco, barbaroi – gente sensa cultura. I romani i le ciamava numidi o mauri. En veneto i vegnea ciamá mori.

Storia[canbia | canbia el còdaxe]

I berberi xe i abitanti originali del Maghreb. De lori i ga scrito i egiziani, i greci, e altri popoli del Mediteraneo. La ventidoesima dinastia de faraoni xera berbera. I berberi xe diventá cristiani a partir dal primmo secolo de la nostra era. Con l’invasion araba del VII secolo, i berberi sa convertio a l’islam. Ghe comunque restae dele zone de influenza cristiane, San Agostino xera berbero, e ebree. Ancó i berberi vive in Maroco (80% de la poolasion), Algeria (45%), e in tuti i paexi del Maghreb. La majoria de i berberi xe agricoltori. Alcuni grupi, come i tuareg, vive na vita nomade e i se sposta da on paexe a l’altro.


Controło de autoritàGND (DE4005571-1 · NDL (ENJA00560623
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Berberi&oldid=1026605"