Africa subsahariana

Da Wikipedia, l'ençiclopedia libara.
Va a: navigasion, serca
Mapa politica de l’Africa subsahariana en verde

Par Africa subsahariana se intende el continente africano soto el Deserto del Sahara. Alcuni i dixe che el Sahel el faria parte de l’area geografico-culturale del Sahara, e i esclude sti paesi da la fasa subsahariana. En tel pasà, stà zona la vegnea ciamà Africa nera, nome che nol vien pi usà parché el xe razista e el no riflete l’identità vera de la regione.

Giografia[canbia | canbia el còdexe]

L’Africa subsahariana la ga 24,3 milioni de km quadrati. La xe granda 2,5 olte l’Eoropa. En sta region se cata un mucio de ecosistemi e de carateristiche giografiche diverse. Se pasa da le savane a le foreste tropicali, da i monti a i vulcani, da i altipiani a le bariere coraline. I fiumi i xe tra i pi longhi del mondo – Nilo, Congo, Zanbexi – e i serve anca da via de comunicasion. Le montagne pi alte le se cata longo la Rift Valley, la spacadura che la parte dal Mulanje, al confin tra Mozambico e Malawi e la va fin a la Siria. Sti qi i xe el Kilimangiaro (5895 m de altitudine) en Tanzania e il Monte Kenya (5199 m) en tel Stato omonimo, el Ruwenzori (5110 m) en Uganda. En te l’Africa de l’ovest se cata el Camerun (4070 m). I deserti picenini i xe solitamente la continuasion pi arida de vaste savane. Ma ghe anca deserti grandi come el Kalahari. Le foreste tropicali le xe vaste, quela del Congo la xe la seconda al mondo. Le coste le xe poche, se se considera l’area del continente. Le zone de mangrovie e de bariere coraline le xe inportanti. L’unica ixola de grandi dimensioni la xe el Madagascar. Se cata parò on gran numaro de ixole pecenine. I fiumi Niger (4 160 km) e Congo (4 200 km) i vien fora so l'Oseano Atlantego. En tel sud se cata el Orange e el Zanbexi. L’Okavango el ga el delta en tel deserto del Kalahari. El pi longo fiume del mondo, el Nilo, el xe l’unico che colega l’Arica subsahariana col nord del continente. Senpre ne la Rift Valley se cata tanti laghi, alcuni salà. I pi grandi i xe el Lago Vittoria e el Lago Tanganica. Tra i laghi salà se ricorda i laghi Magadi e Nakuru en Kenya, e el Natron en Tanzania.

Storia[canbia | canbia el còdexe]

Exquisite-kfind.png Par saverghene de pì, varda ła pajina Storia de l'Africa.
Mapa de la distribusion de i bantu

L’umanità la xe nata en te la Rift Valley. I pi antichi ricatamenti de ominidi i xe stà fati en Tanzania (Olduvai Gorge), Kenya (Turkana Desert) e en Etiopia (Afar). Se pensa anca che i primiomeni i gabia lasà el continente pasando par el Corno d'Africa e rivar en te la penisola arabica.

A la fin del neolitico, el Sahara – chel xera fertile – el xe diventà on deserto spinzendo i popoli a migrare. I primi abitanti de l’Africa i xera i pigmei, che i sa visto spinzar sempre pi en zo da i novi popoli che vegnea dal nord. Se conose le migrazioni de i popoli sudanici, de quei bantu, e de i poopli del Corno d’Africa. Popolasioni axiatiche le ga colonixà el Madagascar e el Corno d’Africa.

L’Africa subsahariana la ga sempre vu de i contati limitati co l’esterno. Erodoto el dixe che

« El re d'Egito Neco (...) el ga invià dei Fenici su dele navi con l'incarico de traversar le Colone d'Eracle su la via del ritorno, fin a rivar nel mar setentrional e così in Egito. I Fenici, pertanto, partìi dal Mar Eritreo, i navigava nel mare meridional; (...) cosiché al terzo ano dopo do trascorsi in viajo, i ga dopià le Colone d'Eracle e i xe rivà in Egito »
(Erodoto, Storie - Libro quarto)


Mapa de l'Africa del 1890

El mondo mediteraneo el ga vu de i contati sporadici col sud de l’Africa. I primi documenti arabi che parla de Africa i xe del 1000 d.C. Se sa che arabi, persiani, indiani e anca cinesi i ga vu contati comerciali co le coste orientali del continente. A sud del Sahara i se ga svilupà vari inperi, come quei de Mali, Ghana e Songhai. Anca le popolasioni bantu le gha svilupà de i regni, come quei del Congo e de Zinbabwe.

Anca se la majoria de le popolasioni de la regione le xe rimaste ixolade da influense esterne a l’Africa par tanti secoli, no se pol dismentegarse de l’influensa araba so le coste orientali, co al nasita de le culture swahili e shirazi. I primi eoropei a mostrar interese par st region i xe stà i portoghexi (XVI secolo). Lori i volea entrar en contato co l’oriente sensa doverghe a che fare co le republiche marinare italiane e co i marcanti arabi del mediteraneo. I ga scominsià a esplorare le coste par catar na via par le Indie. In sto modo, i ga anca costruio de i porti longo la costa par le loro navi e fato de le esplorazioni rente de i novi insediamenti. El colonialismo el xe scominsià en tel XIX secolo, e la Conferensa de Berlin la ga deciso le divixioni del continente. I Stati atuali i segue le divixioni coloniali fate secondo criteri de controlo da parte de i eoropei.

Demografia[canbia | canbia el còdexe]

La popolazion de stà region la xe de 771 milioni de abitanti.[1] El taso de cresita corente el xe del 2.3%. Le projesion de le Nasion Unìe le dixe che nel 2050 in sta region ghe sarà circa 1,5 miliardi de persone.[2] El 0,5% i xe de origine eoropea e el 2% de origine axiatica.

Economia[canbia | canbia el còdexe]

Le pi inportanti economie de l’Africa subsahariana le xe quele del Sudafrica – da sola el 60% de la regione – da la Nigeria e del Kenya. En sta region se cata anca i 25 paexi pi poveri del mondo.

Fonti[canbia | canbia el còdexe]

Note[canbia | canbia el còdexe]

  1. [1]
  2. [2]


Rejon de ł'Africa
LocationAfrica.png Macrorejon ONU: Africa Sentrałe · Africa Orientałe · Nordafrica · Africa del Sud · Africa Osidentałe
Altre rejon: Bazin del Congo · Grandi Laghi · Guinea · Corno d'Africa · Maghreb · Medio Oriente · Sahel · Africa subsahariana · Sudan