Łéngua swahili

Łéngua swahili

Kiswahili e كِسْوَحِيلِ
Nome locaƚe	Kiswahili
Tipo	macrołéngua, łéngua naturałe e łéngua viva
Parlà in	Tanzania, Kenya, Uganda, Ruanda, Burundi, Congo (RDC), Somalia, Comore (incluso Mayotte), Mozambico, Malawi, Oman.
Autòctono de	Cultura swahili
Parlanti
Totałe	Prima łéngua: ~5 milioni Seconda łéngua: ~50-75 milioni (2012 )
Clasifega	-
Caratarìsteghe
Scritura	alfabeto latin e Swahili Ajami
Clasifegasion lenguìstega
łéngua umana łéngue nizero-congołezi łéngue atlàntego-congołezi łéngue Volta-Congo łéngue Benue-Congo łéngue bantòidi łéngue bantoidezi meridionałi łéngue bantuezi łéngue bantu orientałi łéngue bantuane nororientałi łéngue bantu nororientałi de ła costa łéngue sabaki
Statuto ofisałe
Lengua ofisałe in	Tanzania, Kenya, Uganda
Regoƚà da	Baraza la Kiswahili la Taifa (Tanzania)
Còdazi
ISO 639-1	sw
ISO 639-2	swa
ISO 639-3	swa
SIL	SWA
Glottolog	swah1254
Linguasphere	99-AUS-m
Ethnologue	swa
ASCL	9211
IETF	sw
Toco in lengua
Declarasion Universaƚe dei Deriti de l'Omo, art. 1 Watu wote wamezaliwa huru, hadhi na haki zao ni sawa. Wote wamejaliwa akili na dhamiri, hivyo yapasa watendeane kindugu.
Destribusion zeogràfega
Mapa de la difusion de la łéngua swahili

El swahili el xe na łéngua africana de origine bantu. La xe nata a Lamu, in Kenya. La gramàtega del swahili la xe tipicamente bantu: tute le parole le apartien a na clase e bixogna coniugarle rispeto al sogeto e anca a l'ojeto. El vocabolario swahili el xe metà de origine bantu, e metà de origine araba. El swahili el se parla in Kenya, Tanzania, Uganda, Isole Comore, Congo Oriental e Mozambico del Nord. El swahili ze la łéngua franca de l’Africa de l’est e l’unica łéngua africana usa’ da l’Union Africana.

Le clasi

Tute le parole xe mese dentro na clase. Ghe xe quindese clasi.

Clase M/WA (M xe el prefixo al singolar, WA el prefiso al plural). En sta’ clase ghe omeni, animai e coxe animade. Par esempio mtu – l’omo o n’omo; watu – i omeni, xe composti da la raixa tu (omo, parsona) e el prefixo singolar o plural.

Clase M/MI. En sta’ clase ghe xe nomi de piante (Miti – albari), e de roba viva ma che xe inanimada (mwito bosco).

Clase Ki/Vi. En sta clase ghe robe fate da l’omo (Kiti – Viti carega – careghe), łéngue (Kiswahili; Kiitaliano; Kiingereza) e parole che vien da altre łéngue.

Clase Ji/Ma. En sta clase ghe organi (jicho – macho ocio – oci), cose vive (yai – mayai ovo – ovi) e roba che da vita (maji acqua).

Clase N/N En sta clase ghe sta parole de tuti i tipi. El plural l'e’ isteso del singolar, ma i suffisi de corcondanza xe diversi.

Clase U. En sta’ clase ghe sta’ le idee (upendo amor), i nomi astrati, i sostantivi crea’ a partir da un nome.

Clase Ku. En sta clase ghe i verbi usa’ come nomi.

Clasi Ko/Po/Mo. Ste qua xe le clasi de i posti. Ko sta par par na roba che la xe ne le vicinanze; Po dixe de na roba che la xe in un certo posto; Mo sta par rentro. Par esempio yuko nyumbani el xe a casa (nel senso che el no xe a l’estero); yupo nyumbani l’e’ qua’ in torno(rentro casa o fora in giardin); yumo nyumbani el xe rentro la casa.

El verbo

I verbi ga na raixa, bantu o araba, e se ghe taca i prefixi (prima de la raixa), i infixi (dopo i prefixi ma prima de la raixa), e i sufixi (a la fin da la parola, par darghe i vari signifegai. Par esempio, ninakupenda: ni pronome da la prima persona singolare; 'na tempo presente, ku ogeto (ti) penda raixa del verbo amar: mi te vojo ben. Alishamwambia: a pronome terza persona singolare; li tempo pasa’; sha asion che la xe terminada; m(w) ogeto (a lu – a ela), ambia raixa del verbo dir: el ga xa dito a ela.

L’importansa de la łéngua

La gramàtega swahili la xe complica’, ma la xe regolare e ga poche ecesioni. Se pol imparar a comunicar in swahili in do-tri mesi, anca se par parlarlo ben ghe vol almanco n’ano o do. La łéngua usada in general le’ quela de Zanzibar (decision del comitato internasional de la łéngua swahili del 1928), ma ghe tante variasion rejonali. Anco’, setanta milioni de africani i parla swahili come łéngua madre, n’altro 20-30 milioni el lo parla come łéngua de marca’ (Malawi, Zambia, Mozambico). Łéngua uficiale de l’Union Africana, el swahili l’e’ usa’ da vari artisti neri ne le cansoni e in tel cinema. El film ‘el re leone’ el usa tanti nomi swahili: simba – leon; rafiki – amigo; hakuna matata – no ghe problemi.

Curiosità

El nome swahili vien da l'arabo SHL, costa. Waswahili staria a dir la xente de la costa. La cultura popolare ga visto n'altra origine. I dixe che swahili l'è el nome dato da i portoghexi che xe riva' a Mombasa inte el XVI secolo. Quando i ga domanda' a la gente: 'voialtri ci sio?', quei i no capia e i ga risposto 'Hatuwezi jibu swali hili' (no podemo rispondare la vostra domanda). Par contrasion de swali hili sarea vegnu' fora swahili.

Ligami de fora

• Kamusi Project Archivià il 15 de novenbre 2007 in Internet Archive. Internet Living Swahili Dictionary

Portałi:
• Portałe de Africa