Kenya

Kenya
(EN) Republic of Kenya (SW) Jamhuri ya Kenya (FR) République du Kenya (EN) Kenya (FR) la République du Kenya
Harambee
Dati aministradivi
Nome conpleto	Republica del Kenya
Nome ufisiałe	(SW) Jamhuri ya Kenya e (EN) Republic of Kenya
Łéngue ufisiałi	Łéngoa swahili e inglexo
Cavedałe	Nairobi
Pułìtega
Forma de goerno	Republica
Entrada inte el ONU	16 de diçenbre 1963
Superfise Totale	581 309km²
% de łe àcue	2,3
Popołasion
Viventi	48 468 138 (2017)
Taso de fertiłità	4,334 (2014)
Xiografia
Continente	Africa
Confini	Etiopia Somałia Tanzania Uganda Sud Sudan Sudan Lega araba Lago Vitoria
Fuxo orario	UTC +3
Economia
Valuta	scellino keniota
PIL (nomenałe)	74 938 190 654,86 (2017)
PIL pro capite (nomenałe)	1 594 (2017)
PIL (PPA)	163 632 006 194 (2017)
ISU	0,55 (2014)
Vàrie
Còdaxi ISO 3166	KE, KEN, 404
TLD	.ke
Prefiso tełefònego	+254 (005 da Tanzania e Uganda)
Sigla targa automobiłìstega	EAK
Carte interative
Sito istitusionałe

El Kenya, ufisialmente Republica del Kenya (Jamuhuri ya Kenya en swahili e Republic of Kenya en inglexe) l'è na nasion africana a caval dell'equator.
El confina con la Somalia a est, l’Etiopia a nord, el Sud Sudan a nordovest, l’Uganda a ovest e la Tanzania a sud; el xe bagnà da l’Oxeano Indian.

Etimologia

El nome Kenya vien dal kikuyu. Quando i esploratori eoropei ghe domandava el nome de la montagna con la nee, i Kikuyu i gha risposto Kerinyaga, "la montagna de lo struzo".

Giografia

Par savèrghene de pì, vardarse ła voxe Giografia del Kenya.

El paese el presenta na grande varietà de tereni e clima.

Al centro ghe i grandi altipiani che i culmina col Monte Kenya (5199 m), el secondo monte de l’Africa.
A ocidente del Monte Kenya ghe la Rift Valley, la piasè longa spacatura de la crosta terestre, che la traversa el Kenya da sud a nord.

La costa la xe sabiosa o coralina.
El Kenya el gha pochi fiumi (Tana, e Galana i xe i piasè longhi).
Se cata un tocheto del Lago Vitoria e i laghi del Rift. Questi xe laghi de acqua salà (Nakuru, Bogoria, Elementeita, Magadi, Turkana).

El nord del paese l’è deserto.

Storia

Par savèrghene de pì, vardarse ła voxe Storia del Kenya.

Antighità

La popolazion keniana la vien da tante parti.
I popoli bantu i xe rivai da el Sudan, i hamitici da Etiopia e Somalia.
I arabi, che i vegnea da el Yemen e el Oman, gha fondà dele cità importanti su la costa. Lamu, doe el swahili l’è nato; Gedi, Mtwapa, Mombasa. I arabi fasea comercio de roba che vegnea da l’Asia e comprava i mori da menar en Arabia come sciavi. Da Mombasa, i arabi rivava fin al regno de i Baganda.

I portoghesi xe rivà nel XVI secolo e i gha ocupà Malindi e Mombasa, ma i no se gha moso da la costa.

Modernità

Le esplorazioni del secolo XIX fasea conosar la regione a i eoropei. Tuti i esploratori gha seguesto le carovane de i schiavisti arabi.
Dopo i esploratori, i inglesi xe arivà da l’India. Lori i volea andar in Uganda e i no volea saverne de star en Kenya. Parò un grupo de coloni sa tolto le tere bone de i altipiani centrali e alora la colonia del Kenya la fu acetada da la corona inglese.

Indipendensa

Nel dopo guera (1948 – 1963), i kikuyu volea conquistar l’indipendenza. I mau mau i combatea contro i colonialisti e l’indipendenza rivò el 12 dicembre 1963.
Jomo Kenyatta fu el primo presidente del Kenya, da el 1963 a el 1978.
Dopo de lu, ghe stà el presidente Daniel Toroitich arap Moi da el 1978 a el 2002).
Ora ghe cofà presidente Emilio Mwai Kibaki.

Giografia politega

Divixion aministrative

El Kenya el xe divixo in 47 contadi (counties).

Contadi de el Kenya

El Kenya el jera divixo in 1 region indipendente:

• Nairobi

e in 7 province:

• Central
• Coast
• Eastern
• North Eastern
• Nyanza
• Rift Valley
• Western

Cavedal e altre cità

La capital la xe Nairobi. La ga 4 milioni de abitanti, piasè de la metà i vive ne le baracopoli. Kibera, con otocentomila abitanti, l'è la baracopoli piasè grande de l'Africa.
Le altre cità importanti ie Mombasa, Nakuru, Eldoret e Kisumu.

Economia

Dopo l’indipendenza, el Kenya el cresea economicamente. L’agricoltura e l’industria iera de le piasè forti de l’Africa. Soto el presidente Moi, el paese se catò en una recesion economica. Ancò, el paese el stà crescendo (5,5% en nel 2006). El problema piasè grande el xe la distribuzion de la richeza. El 2% de la popolazion el xe ricco, la majoria la xe puareta – con manco de un euro al di – ma la clase media la crese.

Demografia

La republica del Kenya la ga trentado milioni de abitanti.

Etnie

I popoli majori i xe i kikuyu, i kamba, i luya, e i luo.
Tra i popoli pecenini, i piasè conosudi i xe i maasai, i pokot e i turkana.

I altopiani centrali i e’ abita’ da popolazioni bantu (kikuyu, embu, meru e kamba). La Rift Valley l’è abità da popoli pastori (maasai, turkana, pokot, kalenjin). Rente al Lago Vitoria ghe i luo e i luya, anca lori vegnù zo dal Sudan. Nel nord ghe popoli hamitici, originari de Etiopia e Somalia. Su la costa se cata altri bantu (taita), e i popoli swahili.

Religion

Ancò el 30% de la popolasion la seve sete de ispirazion cristiana.
El 25% i xe cristiani catoleghi. La cesa catolica la xe presente con cese e opere sociali (scole, ospedai, centre de salute, progeti de svilupo). Ghe tanti veneti tra i misionari.
Sirca el 24% i segue le religioni tradizionali.
El 15% i xe cristiani protestanti.
Ancò ghe el 6% de musulmani. El Islam xe la religon organizada pi’ vecia presente en Kenya.
La minoria indiana la xe de religion hindu.

Varda anca

• Matatu

Altri progetti

• Wikimedia Commons

• Wikimedia Commons el detien imàjini o altri file so Kenya