Pokot

Da Wikipedia, l'ençiclopedia libara.

I Pokot i xe un popolo nilotico che vive in tel Kenya occidental e in tel Uganda. I pokot xe pastori, ma i taca anca a coltivar i campi. La majoria de i pokot i vive in Kenya doe i ga do distreti, East e West Pokot. El teritorio de i pokot xe semi desertico ma ghe anca de le bele montagne, Cherengani Hills, e bei pascoli. Na olta, i pokot i ocupava anca na zona fertile rente a Kitale, ma i colonialisti i l'a' mena via par farse le su fatorie. I pokot xe 300 000 e i ga visto un poco de svilupo solo inte i ultimi trent'ani. La majoria de le scole e dei ospedali i xe sta' costruii da i misionari catoleghi. Tanti misionari veneti ga lavora' tra i pokot e ga costruio le mision de Kapenguria, Kaibichbich, Amakuriat, Kacheliba, tute co i so dispensari e scole. El misionario comboniano trentin Crazzolara ga fato i primi studi de la lengoa. El combonian spagnolo Tomas Herreros ga scrito la gramatica de la lingua pokot, publica' da l'università de Trieste. I pokot confina co i turkana, a nord, i luya, a sud, i kalenjin, a est,e i karimojong a ovest (en Uganda). I ga de frecuente de le guerre co i turkana e i karimojong par via de le vache.


Controło de autoritàLCCN (ENsh85130309 · BNF (FRcb12100874c (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pokot&oldid=1036324"