Republica Democratica del Congo

Da Wikipedia, l'ençiclopedia libara.
Jump to navigation Jump to search
Nota disambigua.svg
Nota disambigua.svg
Nota dixanbìgua - Ghe xe du Stati che se ciama Congo. Se te sì drio sercar el Stato con capitałe Brazzaville, varda Republica del Congo
Republica Democratica del Congo
Republica Democratica del Congo – Bandiera Republica Democratica del Congo - Stemma
(dettagli)
Democrasia - Giustisia - Unità
Republica Democratica del Congo - Localizzazione
Dati amministrativi
Nome completo Republica Democratica del Congo
Nome ufficiale République démocratique du Congo
Lingue ufficiali fransexe
Capitale Kinshasa  (4 500 000 ab.)
Politica
Forma di governo republica
Presidente Joseph Kabila
Indipendenza 30 de giugno, 1960
Ingresso nell'ONU 20 de setenbre, 1960
Superficie
Totale 2 345 410 km² (12º)
% delle acque 3,3%
Popolazione
Totale 78 736 153 ab. (2016 ) (16º)
Densità 34,8 ab./km²
Geografia
Continente Africa
Fuso orario UTC +1, UTC +2
Economia
Valuta franco congołexe
PIL (nominale) 46 491 milioni di $ (2005) (78º)
PIL pro capite (nominale) 774 $ (2005) (177º)
ISU (2004) 0,391 (basso) (167º)
Consumo energetico 0,011 kWh/ab. anno
Varie
Codici ISO 3166 CD, COD, 180
TLD .cd
Prefisso tel. +243
Sigla autom. CD
Inno nazionale Debout Kongolaise
Festa nazionale 30 de giugno
Republica Democratica del Congo - Mappa
 

La Republica Democratica del Congo[1] xe no Stato de l'Africa Centrale.
El confina co la Republica del Congo a ovest, co la Republica Centrafricana a nord, co el Sud Sudan a nordest, co l’Uganda, el Ruanda, el Burundi e la Tanzania a est, co lo Zanbia a sudest, co l’Angola a sudovest e co l’enclave angolano de Cabinda a ovest; el gha no sboco sul Oceano Atlantico.

Giografia[canbia | canbia el còdexe]

Exquisite-kfind.png Par saverghene de pì, varda ła pajina Giografia de la Republica Democratica del Congo.

La majoria del teritorio xe formà da basipiani; al sud se cata de le catene de monti.

I fiumi pereni ze centinara. El pi' inportante el xe el Congo, che el xe navigabile fin a Kisangani[2]
Al confin orientale, se cata i laghi Edoardo, Alberto, Tanganica e Kivu[3].

Quasi tuto el Congo gha na piovosità alta.

I basipiani i xe cuerti da foreste, speso impenetrabili co mezi difarenti da cheli acuatisi o aerei. Al nord se cata de le savane.

Storia[canbia | canbia el còdexe]

Exquisite-kfind.png Par saverghene de pì, varda ła pajina Storia de la Republica Democratica del Congo.

Antighità[canbia | canbia el còdexe]

Dopo el VII secolo de la nostra era, le migrasioni bantu xe rivà ne la zona ora conosù come Congo e sa stabiliò qi, fasendo scapare i pigmei che i sa sconti en te la foresta (Ituri) o i sa mosi rente al confin co el Ruanda e Burundi de ancò.
I bantu gha svilupà vari regni che i vivea de la trata de i sciavi e del marcà de l’oro e avorio co la costa.

I eoropei xe rivà a la corte del re del Kongo za nel XV secolo. La prima mapa de la regione xe quela preparà da Alvise Cadamosto, esplorator venexian.

Modernità[canbia | canbia el còdexe]

A la Conferensa de Berlino del 1884-5, el teritorio a sinistra del Congo ghe stà da al re del Belgio Leopoldo II, che el le tengnea come propietà personale.
I so agenti gavea libartà de copar i locali che no volea laorar par le so compagnie. Anca se no ghe documenti sicuri, da i 5 ai 15 milioni de congolexi xe stà copà tra el 1885 e el 1908 parchè i resistea l’ocupasion. Nel 1908, soto presion par i so metodi, el re gha venduo el Congo al governo Belga. No ghe fu cambiamento par quanto riguarda i diriti umani de i congolexi.

Indipendensa[canbia | canbia el còdexe]

El Belgio gha dato l’indipendensa al Congo nel 1960.

Patrice Émery Lumumba fu eleto primo ministro e segretario de la difesa.
I soldai de l’esercito i se gha ribelà a i uficiali belgi che i gha dovesto scapare. L’esodo de i belgi ghe scominsià subito dopo.
La situasion xera tesa e Lumumba gha domandà a l’ONU de mandar de le trupe par mantegnar la calma. Soto presion de i USA, l’ONU gha rifiutà e Lumumba gha domandà el sostegno de la Rusia. I americani e i belgi gha alora pensà de libararse de lu. Nel genaro 1961, el colonel Mobuto Sese Seko gha arestà, torturà e siolto ne l’acido Lumumba.

Se verze così el periodo pi bruto de la storia del Congo. Mobutu gha subito fato vedar che xera on ditatore duro e sensa rispeto de la zente. Dopo 36 ani de ditatura, el Congo, paexi tra i pi richi de l’Africa, xera distruto en tute le so infrastruture.

Nel 1997, Laurent-Désiré Kabila, partendo da le so basi en Tanzania e Ruanda, e sostenù da i militari statunitensi, gha invaso el Congo e caturà la cavedal e sa meso a governo fin al 2001, quando el fo asasinà da on grupo de fedeli de so fiol Joseph Kabila. Dal 1998, el Congo vive na guera civil che no l’è ancra finia.

Joseph Kabila gha vinto le elesioni del 2006 e xe el presidente del Congo.

Giografia politega[canbia | canbia el còdexe]

La cavedal xe Kinshasa.

Sudivixion aministrativa[canbia | canbia el còdexe]

Ła Republica Democratica del Congo ła xe divixa in 11 province.

  1. Bandundu
  2. Bas-Congo
  3. Ecuador
  4. Kasai-Occidental
  5. Kasai-Oriental
  6. Catanga
  7. Kinshasa
  8. Maniema
  9. Nord-Kivu
  10. Oriental
  11. Sud-Kivu
Province de ła Republica Democratica del Congo.

Popolasion[canbia | canbia el còdexe]

Etnie[canbia | canbia el còdexe]

Ghe pi de 270 etnie.

Religion[canbia | canbia el còdexe]

Cheli che seve la cexa cristiana catolega li xe el 55%, le religioni tradisionali el 28%, i catolici protestanti 15%, el islam e altre minoranze 2%.

Lengoe[canbia | canbia el còdexe]

Lengoa oficial la xe el fransexe, co kikongo, lingala, tshiluba e swahili.
La gente parla sirca 242 lengoe locali.

Economia[canbia | canbia el còdexe]

La zente che vive soto el livel de la povertà xe sora al 80%.

L’agricoltura, par ora de susistenza, podaria esar na fonte de guadagni ingenti.
Anca l’industria forestale gha de le posibilità incredibili.
El Congo xe on de i paexi pi richi de risorse naturali de tuto el mondo; diamanti, uranio, fero, mercurio, oro, petrolio e altri.

Le industrie no le funsiona par via de la guera, ma gavaria anca lore de le posibilità imense de cresita.

Note[canbia | canbia el còdexe]

  1. za conosù come Zaire e da no confondar co la Republica del Congo
  2. 2 000 km da Kinshasa
  3. che i xe quatro de i cinque Grandi Laghi de l'Africa