Catanga (provìnsia)
| Catanga (FR) Katanga
| |||||
|---|---|---|---|---|---|
| provincia
| |||||
 łago Mweru | |||||
| Dati aministrativi | |||||
| Stato |  Republica Democratica del Congo
| ||||
| Cavedal | Lubumbashi | ||||
| Aministrador locałe | Moïse Katumbi Chapwe (AMP) | ||||
| Lengue ufisiałi | fransexe | ||||
| Teritorio | |||||
| Coordinae de ła Cavedal |
Coordinate: | ||||
| Superfise | 496 871 km² | ||||
| Abitanti | 5 608 683 (2010) | ||||
| Densità | 11,29 ab./km² | ||||
| Altre informasion | |||||
| Fuxo orario | UTC+2 | ||||
| Locałixasion | |||||
|
| |||||
| Sito istitusionałe | |||||
Catanga[1] ła xe na rejon de el Congo sudoriental.
Ła xe conpresa intra ła Tansania a est [2], el Sanbia a sudest, e ła Angoła a ovest.
El teritorio el va da 600 a 2500 m.. El xe ocupà da un altipian inciso da łe vałi de el alto Congo e de altri sui afluenti, łimità a est da el riłievo de łi monti Mitunba (monti Mugila e monti Marungu a nord, monti Mulumbe e monti Kundelungu a sud).
Łi fiumi pi' inportanti łi xe el Lualaba[3], co łi so afluenti de drita Lukuga[4], Luvua[5] e Lufira; łi afluenti de sanca del fiume Congo: Lomami, e Casai (co łi so afluenti de drita Lulua e Sankuru-Lubilash).
Łi pi' grandi łaghi naturałi łi xe el łago Tanganica, el łago Mweru, el łago Upemba e el łago Kisale; el łago Tshangalele e el łago Nzilo łi xe artifisiałi.
El clima el pasa da tropegal de ła savana a subtropegal umido indando da nordovest verso sudest.
El teritorio el xe coverto da savana boscata e savana erbosa. Al sentro de ła provinsia łongo el corso del Lualaba ghe xe na estexa area de pałù.
Łe sità pi' inportanti łe xe el cavołogo Lubumbashi[6], Kolwezi[7], Likasi[8] e łe sità industriałi de Kalemie e Kambove.
Oltre a el fransexe, xe difuso el swahili.
Ła prinsipal risorsa economega ła xe el desfrutamento del sotosioło (rame, arxento, uranio, manganexe,cadmio, xinco, stagno, carbon, wolframio, radio); manco inportanti łi xe agricoltura, ałevamento e ła industria consentrada inte łe sità.
Note[canbia | canbia el còdexe]
- ↑ noto in pasà anca cofà Shaba, che in łéngoa łocal el vol dir rame
- ↑ oltre el łago Tanganica
- ↑ el pi' grando ramo sorgentifero de el fiume Congo, ma no el pi' łongo, sendo chesto el Lualaba-Luvua-Luapula-Chambesi.
- ↑ emisario del łago Tanganica
- ↑ parte del ramo sorgentifero pi' łongo del fiume Congo
- ↑ noto in pasà cofà Elisabethville o Elisabethstad
- ↑ noto in pasà cofà Mariaville
- ↑ noto in pasà cofà Jadotville
