Wikipedia:Prinsipio/Test

Benvegnui n'te ła Wikipedia Veneta

L'ençiclopedia ƚibara
andove tuti poƚe coƚaborar.

Çerca drento n'te i 69 541 artícuƚi

Co 69 541 pajine en ƚengua Veneta.

• Rejistrate
• Portaƚi temadeghi
• Guida
• Jutame
• Ciàcołe
• Version mobiłe

Voxe in vetrina

El Monte Paxùbio el xe un alto acròcoro dełe Prealpi Venete, postà tra ła provincia de Vicensa e ła provincia de Trento. A sud e a est el casca xo 'ntełe vał Łeogra e val Poxina, che łe xe visentine, e a ovest e a nord nord-est el ga ła Vałarsa e ła Val Teragnoło, che łe xe trentine. El Paso deła Borcoła ło łiga ai Altipiani, el Paso Xomo al monte Novegno e el Pian dełe Fugase al Sengio Alto.

Ła parte de sora del monte ła xe un altopian tajà da diversi vałoni, coi punti pi alti che xe el Roite (2148 m), el Pałòn (2232 m) e l'Incudine (2114 m), tuti in riga da nord a sud. Da sta cadena prinçipal se staca altri rami: queło deła Sima dei Forni Alti (2023 m) che'l va verso el Paso Xomo e i altri che i va al monte Xenevri, ai Soj Bianchi, al monte Bisorte e al Col Santo, tuti sora i domiła metri.

Lexi ła vóxe...

Lo saveito che?

Federico Faggin (Vicensa, 1° disenbre del 1941) el xe on informàtego e inventor vèneto naturałixà statunitense. El xe considerà el pare de el microchip, che el ga inventà inte i ani setanta.

Gràsie a eło ghe xe i conputer moderni: el so procesor 4004 el xe stà soło che el scumìsio de ła rivolusion targada Intel. El gà fato sta scoverta inte ła Merica, andove che el ghea laorà on mùcio de ani. Pò el xe stà premià da ła Comision Eoropea par el so laoro e el ga difarenti lauree Ad Honorem pa' èsar on pioniero de l'informadega.

Dopo na esperiensa drento de ła Intel, Faggin el se ga fato na dita faxesta a mexura par eło, ła Zilog.

Lexi ła voxe...

Wikipedia ƚa xé na ensiclopedìa libara e scrita in tante lengue. El projeto en vèneto el xe scumisià inte l'istà del 2005. Cuà soto ƚe xé elencae chełe altre version: Łe 10 piasè pì grande: English (inglezo) (6 265 481+) · Binisaya (cebuan) (5 561 720+) · Svenska (svedezo) (3 355 776+) · Deutsch (todesco) (2 545 540+) · Français (fransezo) (2 306 137+) · Nederlands (oƚandezo) (2 047 454+) · Русский (ruso) (1 704 571+) · Italian (itaƚian) (1 678 319+) · Español (spagnoło) (1 665 288+) · Polski (poƚaco) (1 461 519+)
Sorełe pì picenine: Ladin (ladin) (1 314+)

Altri projeti Wikimedia

Wikipedia e i so projeti fradeƚi multiłengua:

Somario

Ocio!

Ócio!: Premetindo che ła łéngua vèneta no ła ga oncora on stàndar bel-ché definio e che ła ga de consevensa pì de na variante, par capirse tuti mejo e réndar i artìcułi de Wikipèdia na cołesion de conceti ai cuałi tuti i połe farghe ingreso, se ga fato-sù de łe convension de scritura che, tegnendo fede a ła Grafia Vèneta Internasionałe Moderna, łe rende ła ensiclopedia pì omozènea.

Juto FAQ

Tipi de grafia

Cosa xeła Wikipedia?

Wikipedia ła xe na ençiclopedia in lìnea, cołaboradiva e agràtis, disponibiłe in pì de 300 łéngue. Wikipedia ła detien drento temàdeghe che łe sìpia intrà łe pì tìpeghe de łe ençiclopedie tradisionałi e anca chełe che se połe catar in tei almanachi, gałepini xiogràfeghi e publegasion speciałìsteghe.

Wikipedia ła xe łibaramente editabiłe: tuti i pol canbiar łe voxe existenti o creàrghine de nove. Ogni contegnuo el xe publegà soto liçensa Creative Commons CC-BY-SA e par tanto el połe esare ridoparà adotando ła istesa liçensa.

Cosa xe che poso far?

• Vuto partesipar? Lexi łe regołe fondamentałi de ła nostra ensiclopedia, e rispeta ła wikiquette; notarse xe consejà ma no obligatorio.
• Vuto provar? Canbia ła pajina de łe prove o lexi come scrivare na voxe.
• Ghèto bixogno de juto? Varda łe istrusion o fà na domanda al sporteło informasion.
• Vuto entrar inte ła nostra comunidà? Lexi el nostro xornal e varda i incontri virtuałi de i Wikipediani.
• Vuto un spasio Web? Scopri come métare Wikipedia so'l to sito (gratis!).
• Jutene a scrivare łe voxe che tute łe Wikipedie łe gavarìa da 'ver.
• Cosa ghi ne pensè de Wikipedia? Scrivivine el vostro parer.

On Proverbio a caso

Amor, pansa e tose no i se pol scondare.

On testo a caxo

“ Iesus, 1533, adì 4 septembrio. In Veniexia. Considerando la presente vita esser breve et sotto posta a varij et subitanei pericoli di morte, perhò cadauno proveder doveria talmente et ordinar li fatti soi, che, venendoli alcuna egritudine, più presto atendi a varir il corpo et a curar l’anima soa di peccati commessi, in li qualli siamo in questo mondo pieni et invilupati, ma chi più et chi mancho, e non convenir alhora contaminarsi in ordinar li fatti soi, et far il suo testamento per man di nodaro, qual mal si pol far hessendo dalla egritudine agravato. Et ben che le leze nostre habbi provisto alla succession, è bon ordinar chiaro el voler suo et ultima voluntà, ancora che mal siano exequite a le fiate; et questo adiviene a quelli che non hanno figlioli legiptimi, come Io per mia iniqua sorte son de quelli; et tante mie fatiche et opere per mi composte convien andar in man aliene! Per tanto, Io Marin Sanudo fo de miss. Lunardo dil confin di San Jacomo de Lorio, per la Dio gratia san dilla mente e dil corpo, fazo il mio testamento di mia man propria; et questo è il quinto testamento ho fatto, qualli tutti li altri ho straziati, et questo darò in man di nodaro, presenti testimonij, aziò, sequita la mia morte, quando alla Divina bontà piacerà, come è il consueto, lo lievi in publicha forma aziò li mei Comessarij adimpischa (che Dio el voglia) quanto qui sotto ordinarò. „

Marin Sanudo, Testamento de Marin Sanudo