Trasporto

Da Wikipedia, l'ençiclopedia libara.
(Rimando da Trasporti)
Jump to navigation Jump to search

El trasporto la xé chel'atività umana, che ƚa permete el spostarse de ƚe persone, bestie e merçi da on posto a chel'altro. El ga na forte rilevansa economega e sociale, parché el permete el scanbio de beni materiaƚi e co st'ultimi, el favorise la interasion tra esari umani. El vocaboło el vien da ła latín trans, chel vol dir detraverso, e anca portar.

Modo di trasporto[canbia | canbia el còdexe]

Trasporto personale sensa motore[canbia | canbia el còdexe]

El trasporto personale sensa motore l'è chel trasporto de esari viventi o merçi fato doparando forsa muscolare de l'omo, par exenpio caminare, corare o noare o anca co la forsa muscolar la njien doparada par uxar alguni tipi de veicoli. De fati, le tecnoloxie le ga fato tanti tipi de mexi e machine in grado de rendar pì senpliçe el trasporto personale sensa motore, alguni exenpi xé la biçicreta, i patini a rodele, i sci da neve e da acua, le barche a remi e veivoli che se dopara co la forsa del vento o da la forsa muscolare de l'omo.

La carateristega del trasporto personale sensa motore, l'è na manjiera de trasportare a baso incuinamento e el ga na gran difuxion par motivi economeghi e de jestion, speçalmente n'te le aree poco xvilupae del mondo e in chele andove no se ghe pole ndarghe drento in altre manjere. El njien preferìo in algune atività n'tel tenpo perso e el costituise el ojeto de alguni sport.

Trasporto a trasion de le bestie[canbia | canbia el còdexe]

El trasporto a trasion de le bestie, el xé la doparasion de bestie da laoro pal movimento de persone e merçi. I esari umani i pole cavalcar diretamente le bestie o dopararle come bestie da traino pal trasporto o sfrutarli, da soli o in grupi, par trainar veicoli.

Trasporti a guida vincolada[canbia | canbia el còdexe]

Trasporti so sine (rodaje)[canbia | canbia el còdexe]

El treno el xe uno dei mexi de trasporto piesé doparai par distanse mediolonghe

I trasporti so sina, i xé nasui a trasion del motore, el se ga xvilupà veloçemente n'tel contenpo a la rivolusion industriałe, diventando el tipo de trasporto prinçipaƚe de la xente par le medie e grande distanse, dato che no existea oncora le auto e i aerei. A segonda del tipo de la domanda, el trasporto el se difarensia in: Trasporto so sina urban (par exenpio tram e metropołitana) e chelo so sina extraurban (ferovia e altri sistemi de alta veloçità come ƚa monosina).

In Itaƚia:

  • totale km sine: 19 394 km, fate da:
  • 18 071 km co scartamento standard de 1,435 m (11 322 ełetrifegae)
  • 112 km co scartamento riduxesto de 1 m e 1,211 m co scartamento de 0,950 m (153 km ełetrifegae)

L'axienda de łe Ferovie de Stato che la se ocupa del trasporto pasejeri in Italia la xé Trenitałia, anca se ghe xé difarenti altre axiende privae.

Trasporti a guida no vincolada[canbia | canbia el còdexe]

Trasporti so goma[canbia | canbia el còdexe]

I trasporti so goma, faxendo parte de la categoria dei trasporti sensa vincoli, i xé el tipo de trasporto che ga senpre vuo pì suçeso e par sto motivo, sto tipo de trasporto ga vuo na granda difusion xà da la fin del Otoxento. N'tel Novexento, senpre la stesa motivasion la ga cavà el "monopolio" de trasporto a i mexi vincolai, propio par la granda flesibilità che el trasporto automobilistego garantise. Al masimo de la so difuxion, i trasporti automobilisteghi, i ga contribuìo a catarse n'te le çità e no solo, on forte incuinamento chimego, incuinamento acustego, gravi problemi de trafego e tal 'olta anca inçidenti pì o manco gravi, faxendo diventar le strade pì pericoloxe. A sti problemi, se xé drio çercar de sistemar, lejiferandoghe sora, riduxendo el trafego, speçalmente in çentri storeghi e col potensiamento dei trasporti publeghi in xeneral, incorajando la xente a dopararli.

Trasporto aereo[canbia | canbia el còdexe]

I trasporti par via aerea i xé de do tipi:

  • Lejeri = Aerostati: mongolfiere, direxibili
  • Pexanti = Aereomobiƚi: eƚicotari, aereoplani

I se ga difuxesto n'tel novexento, anca se no jera convienjente come trasporto, dato chel consumava tanto enerxedegamente e el fea forti rumori. N'tei ani, el xé diventà el trasporto pì seguro, segondo alguni, e ben jestio. La so jestion la xé baxada so aereoporti (par ndar in aria e aterar) e so linee aeree preçixe (aviolinee), l'asistensa de volo la xé permesa grasie a tecnoloxie de tipo eletronego che le permete la comunicasion intrà el personal in'tel aereo e cheli de tera e altri sistemi come chelo de localixasion.

Trasporti par vie de acua[canbia | canbia el còdexe]

El trasporto par vie de acua (fiumi, laghi, mari, canali artifiçali..) el se fa co natanti, par exenpio gondole, navi, barche e altri mexi. El trasporto par vie de acua el xé uno dei trasporti pì veci che existe, l'è nato n'te la preistoria, disfrutando de le corenti de l'acua, de la forsa muscolare de l'omo e de altri fenomani nadurali come el vento. Xé dal setexento che se ga tacà doparare i primi motori, come el motore a vapore. Dal otoxento, se ga difondesto la navigasion co motori a combustion interna. El trasporto par vie de acua, l'è doparà par el trasporto in grande cuantità, dato chel xé convegnente rispeto al trasporto de tera e de aria.

Altri tipi de trasporto[canbia | canbia el còdexe]

Altri mexi de trasporto par esari umani i pole esar in montagna le funivie o cabinovie, n'tei edifiçi i asensori o le scale mobili o par merçi n'tel stato licuido o gasoxo traverso condoti, come chele de l'acuedoto o del gas par le caxe. Altri mexi de trasporto, i pole esare cheli come i shuttle par esplorasion spasiali.

Altri projeti[canbia | canbia el còdexe]

  • Collabora a Commons Su Commons ghe xe dei file multimediałi so Trasporto

  • Lingambi foresti[canbia | canbia el còdexe]