Lenguistega
La lenguistega l'è ƚa disiplina sientifega che studia el lenguajo e ƚe so struturasion.[1] La lenguistega ƚa studia anca ƚa gramadega, ƚa sintasi e ƚa fonetega.
La lenguistega ƚa xé considerada na disiplina sientifega parché ƚa se baxa so metodi enpireghi e ojetivi[1]
Introdusion[canbia | canbia el còdexe]
La lenguistega ƚa ga come fin cheƚo de capire profondamente e dare definision a ƚe carateristeghe del lenguajo, traerso l'anaƚixi de ƚe lengue del mondo, indagando e descrivendoghine ƚe struturasion de ƚe lengue, par capire come che ƚe xé e sercando de capire el parché ƚe xé come che ƚe xé (e anca capire el parché no ƚe xé n'te n'altra manjiera).[2] El personajo che fa sto laoro el xé ciamà lenguista.
El fin de on lenguista de consenguensa no l'è cheƚo de studiarse ƚe lengue par inpararle e parlarle. On exenpio par far capire mejo el laoro de on lenguista, l'è par exenpio ƚa distinsion intrà on piƚota de aerei e on mecanego: On piƚota de aerei el conose i comandi par piƚotar on aereo, el conose ogni boton e ƚa so funsion, on mecanego inveçe el conose parti ungioƚe del aereo, come ste cua ƚe sia conese fra de ƚore e come che mese insieme ƚe fasa volare l'aereo.[1] Stando in sta idea, on piƚota nol saria in grado de riconosare i çircuiti de l'aereoplano e n'te ƚa stesa manjiera on mecanego nol ga neçesariamente da esar bon de piƚotare on aereo. In sta idea, el lenguista corisponde al mecanego, el połiglota corisponde al piƚota. Podemo dire che el poƚiglota l'è cheƚa persona che conose e ga padronansa de lenguajo in tante ƚengue e el lenguista l'è cheƚa persona che studia profondamente el sistema de ƚe lengue, sensa fermarse so ƚa superfiçe par dopararle.
Sincronia e diacronia[canbia | canbia el còdexe]
La lenguistega indaga ƚe lengue segondo do aspeti:
- Sincronego: l'è chel aspeto che serca de studiare na lengua o na so carateristega so on determinà momento storego (prexente o pasà), sensa interesarse del so aspeto diacronego. La branca che fa el studio sincronego, l'è ƚa lenguistega sincronega.[3]
- Diacronego: l'è chel aspeto che serca de studiare i canbiamenti de na lengua n'tel tenpo. La branca che fa el studio diacronega, l'è ƚa lenguistega storega.
Ogni liveƚo de na lengua (da ƚa fonoƚoxia a ƚa semantega e a ƚa pragmadega) poƚe esare studià sia sincronegamente che diacronegamente: par exenpio, se poƚe studiar el sistema nominaƚe del latin (o sia ƚe declinasion: cuaƚi che ƚe xé e come che ƚe xé struturae) par come l'è sta conservà n'tei testi leterari de on determinà periodo (studio sincronego) o se no se poƚe ricostruirghine i canbiamenti che i ga portà al sistema nominaƚe latin par come che ƚo vardemo, seguendo ƚa so storia dal protoindoeoropeo fin al latin (studio diacronego).
Sotodisipline[canbia | canbia el còdexe]
La lenguistega l'è on canpo de riçerca grando che ƚa ciapa drento tante disipline e algune de ste cua ƚe xé coƚegade a ƚe varie parti che ƚe costituise on sistema lengua. Le prinçipaƚi sotodisipline de ƚa lenguistega (che ƚe corisponde in linea de masima ai liveƚi che i conpone on sistema ƚengua) i xé:
- la fonetega e la fonołoxia, che ƚe rivarda al sistema de soni de ƚe lengue
- la morfołoxia, che ƚa studia ƚa strutura interna de ƚe paroƚe
- la sintasi, che ƚa studia de ƚa struturasion de ƚe fraxi
- la semantega, che ƚa intaresa el signifegà
- la pragmadega, che ƚa studia ƚe propietà de la comunicasion
- e la lesegołoxia, che la studia el lesego.[4]
A segonda dei ponti de vista co el cual el lenguajo el njien studià, xé pusibiƚe far altre distinsion e de conseguensa altre sotodisipline:
- la lenguistica descritiva, che ƚa se ocupa de documentar e descrivare ƚe ƚengue del mondo
- la lenguistica storega, che l'anaƚixa iu fenomani lenguisteghi da on ponto de vista storego
- la soçołenguistega, la diałetoloxia, la xiołenguistega e l'etnolenguistega, che ƚe se ocupa de vari aspeti soçaƚi e de variasion xiografega e diaƚetaƚe.
- la psicolinguistica, la neurolenguistega e lenguistiga cognitiva, che ƚe se ocupa de ƚe carateristeghe psico-cognitive e neuroƚoxeghe del lenguajo
- la tipołoxia lenguistega (o linguistica tipologica) e la lenguistega conparada, che ƚe ga el fin primario de confrontar ƚe lengue del mondo e catarghe fora ƚe struture comuni, dandoghine na spiegasion, traerso motivasion funsionaƚi
- la lenguistega aplicada, la lenguistega computasionałe e la lenguistega forense
- la logopedia e la foniatria, che ƚe se ocupa dei disturbi e patoƚoxie ligae al lenguajo.[4]
Varda anca[canbia | canbia el còdexe]
- Alfabeto vèneto
- Democrasia lenguistega
- Multiłengoismo
- Lengue minoritárie
- Lengue difuxe
- Ełenco de łe lengue
Note[canbia | canbia el còdexe]
- ↑ 1,0 1,1 1,2 Genetti 2014, op. cit., p. 18.
- ↑ Dryer 2008, op. cit..
- ↑ Graffi e Scalise 2002, op. cit., p. 43.
- ↑ 4,0 4,1 Genetti 2014, op. cit., p. 21–22.
Bibliografia[canbia | canbia el còdexe]
- La linguistica. Un corso introduttivo, Novara, UTET-DeAgostini, 2011.
- Tullio De Mauro, Minisemantica, Bari, Laterza, 1982.
- Ferdinand de Saussure, Cours de linguistique générale, (in fr) Lausanne-Paris, Payot, 1916.
- Ferdinand de Saussure, Corso di linguistica generale, tradusion e comento de Tullio De Mauro, Bari, Laterza, 1970.
- Ferdinand de Saussure, Robert Godel (a cura di) Introduzione al 2º corso di linguistica generale (1908-1909), edision italiana curada da Raffaele Simone, Roma, Ubaldini, 1970.
- Matthew Dryer, Descriptive theories, explanatory theories, and basic linguistic theory in Catching language: The standing challenge of grammar writing, (in en) Amsterdam, Mouton de Gruyter, 2008.
- Carol Genetti, How Languages Work: An Introduction to Language and Linguistics, (in en) Cambridge, Cambridge University Press, 2014.
- Le lingue e il linguaggio. Introduzione alla linguistica, Bologna, Il Mulino, 2002.
- Martin Haspelmath. Comparative concepts and descriptive categories in crosslinguistic studies 86.3.
- Understanding Morphology, (in en) Londra, Hodder Education, 2010.
- Giulio Lepsky, La linguistica strutturale, Einaudi, 1990.
- John Lyons, Lezioni di linguistica, Bari, Laterza, 1982.
- Raffaele Simone, Fondamenti di linguistica, Roma-Bari, Laterza, 2008.
