Termanołoxia

Da Wikipedia, l'ençiclopedia libara.


Ła termanołoxia, inte el so signifegar xenèrego de ła paroła, el xe el stùdio dei tèrmani, o sia de łe parołe e de łe parole conponeste doparae in contesti spesìfeghi.

Descrision xenerałe[canbia | canbia el còdaxe]

Ła termenołoxia ła revarda anca na disiplina pì formałe, branca de ła lenguìstega aplicada, che ła stùdia sistemategamente ła targhetadura o ła dexignasion de conceti spesìfeghi par uno o pì canpi temàteghi o domini de ła atività omana, traerso ła riserca e ła anàłixe de tèrmani rifarii a on contesto, co el fin de documentàrghene e promovàrghene ła justa doparasion. Sto stùdio el połe èsar sircoscrivesto a on lenguajo, o cuèrxar inte el isteso tenpo pì lenguaji, par sti caxi se parla de "termanołoxia multiłéngue", de "termanołoxia biłéngue" eçe.

Se połe destìnguare da altre disipline arente cofà ła lesegografia e ła semàntega par ła aplegasion del prinsìpio onomaxiołòxego (dal conseto al segno lenguìstego), co łe presedenti łe se baxa so na indàxene de stanpo prevałentemente semaxiołòxega (dal segno al conceto). In pì el canpo de stùdio de ła termanołoxia ła xe senpre on lenguajo spesałìstego, mentre ła lesegografia e ła semàntega łe se òcupa xeneralmente del stùdio de ła łéngua comun.

Ła risponde prinsipalmente a trè funsion:

  • ła descrision sistemàtega dei tèrmani che i fa parte de setori ben definii (dita tèrmanografia);
  • la trasmision e difuxion del saver tècnego traerso ła creasion de risorse termanołòxeghe coerenti e reconoseste (dite 'schede termanołòxeghe');
  • la standarixasion termanołòxega, o sia ła standarixasion de ła doparasion dei tèrmani par jutar ła trasmision coerente dei mesaji spesałìsteghi.

Tipołoxia[canbia | canbia el còdaxe]

La termanołoxia ła se partegołarixea so ła baxe del contesto drento el cuało ła njien desviłupada, el stùdio dei tèrmani el se òcupa primariamente de ła so organixasion segondo i contesti inte i cuałi i njien doparai. In rełasion a sto cuà ghe se destìngue par exénpio:

  • la termanołoxia miłitare,
  • la termanołoxia pułìtega,
  • la termanołoxia sientìfega (e le termanołoxie de łe vàrie siense),
  • la termanołoxia tècnega (e łe termanołoxie de łe vàrie tècneghe).

Voxe corełae[canbia | canbia el còdaxe]


Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàGND (DE4246651-9 · BNE (ESXX527050 (data)


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Termanołoxia&oldid=1168972"