Diałeto

Da Wikipedia, l'ençiclopedia libara.

La parola dialeto a vien dal Griego "διάλεκτος" (pron. dialektos) che la volea dir senplisement lengoa. Coi segoli che i pasaa la parola la ga toresto novi signifegà inte le lengoe indoe sta cuà l'è adoparà.

  • Pa la cultura anglosàsone dialect el tende aver un senso de "variante" de na łéngua: na parlada o sia che ła ga propietà sue ma che comunque ła segue łe struture xenerałi de na serta łéngua, struture condivixe anca co altre varianti de qûeła łéngua li.
  • Par ła cultura itałiana dialetto el tende indicar tuti quei modi de parlar (łéngue o nò) che no i xe mìa uficiałi come che ga notà anca el profesor P. Balboni. A sto propoxito xe necesario dir che xe del tuto sbalià pensar ai diałeti come varietà popołari e scorete de ła łengua itałiana. Ogni uno de łori el xe ła continuasion ininterota del particołar latin volgar parlà nell'antichità in na certa region. Ladin volgar che el se ga progresivamente trasformà, inte el corso de l'Alto Medioevo, inte el Volgar de cheła region. Questo el gà continuà a ciamarse cusì fin a l'epoca de l'afermasion de l'Itałian leterario, el XVI secoło. Da chel momento in avanti i volgari se gà ciamà Diałeti. Quindi no i xe varietà "degradae" dea łengua itałiana, ma al contrario i xe più antichi e indipendenti da questa.
  • Popołarmente 'sta paroła qua ła vien doparà anca col senso de "modo de parlar manco beło, manco ełegante"
  • Par ła wikipedia vèneta diałeto el xe soło sinònimo de "variante de ła łéngua vèneta" sensa giudissi de vałor: par exenpio dixendo che el belumat, el padoan o el veronéxe i xe diałeti del vèneto se vol mìa dir che i xe manco inportanti o sbałiài o bruti ma se intende soło che i ze tuti varianti co na strutura lenguìstica comun e che 'sta strutura qua ła xe queła tìpica del vèneto (co clìtici sogeti, interogativi, art.personałe feminiłe e.v.c.) e nò queła de altre łéngue.

Altri projeti[canbia | canbia el còdaxe]


Controło de autoritàLCCN (ENsh85037527 · GND (DE4040725-1 · BNF (FRcb119757609 (data) · NDL (ENJA00563335
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Diałeto&oldid=1096411"