Democrasia lenguistega

Da Wikipedia, l'ençiclopedia libara.


Bandiera de l'Esperanto.

La democrasia lenguistega xe na espresion doparada inte el Movimento Esperantista dei ani '90 col significà de "ugualiansa lenguistega" o sia on mondo andove no ghe sia descriminasion o dixugualiansa inte la lengua parlada, volendo che tuti parlase na lengua unica, in sto caxo el Esperanto. El primo obietivo, jera proprio sto cua, che le persone istruìe le savese come segonda lengua el Esperanto par capirse in modo ciaro al masimo. El segondo obietivo, jera chelo de doparar el Esperanto come lengua de conprension de le altre lengue, che ghe jutase a na tradusion pì senplise de tuti i termini, emosion, anca de le lengue pì conplicade.

Par capir el significà de democrasia lenguistega in pien, bixogna partir da l'idea che la dixugualiansa lenguistega segue la dixugualiansa de la comunicasion a tuti i liveli, anca a livel internasional. Le puliteghe liguisteghe le garia da esar fate so la baxe del conceto de "linguajo democratego".

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Democrasia_lenguistega&oldid=1111752"